اوجاع طير النوارس

البارت 62

.
.
.
.
.
السلام عليكم ورحمة الله وبركاته
اشلونكم انشالله الكل ابخير
.
.
رجعت وياكم ابارت جديد اتمنى الكل يتفاع ابنجمه حته القصه تصعد وتمنه الكل يطيني رأيه بالتعاليق
.
.
ونفس كل مره قبل لا نبده بالبارت ((صلي على النبي صلى الله عليه وسلم وعلى آله وصحبه أجمعين وسلم تسليما كثيرا))
.
.
.
مع تحياتي الكاتبه؛ ضحى الطائي
.
.
_______*__________________________
.
.
.
نوارس
طلعت من الحمام احس روحي مرتاحه حيل وره ما طلعت من الحمام اذكرت اني سبحت بدون ما اخاف ولا ايشي يجيني
.
فرحت ورحت للغرفه اباوع عله امرايه الكنتور وامشط شعري جاي وسمعت صوت اسد
.
.
اسد؛ نعيمن عيني
نوارس؛ الله ينعم عليك
اسد؛ هاي بس سبحتي صرتي اطكين بالگاع يابه عله كيفج تره ما اتحمل اني
نوارس؛ (ابضحكه)هههه بعد شسوي لازم اسبح تعبت
اسد؛ اهاا عود لمي شعرج مو هم تبقي مفتوح
نوارس؛ اي ادري راح المه هسه
اسد؛ اي عفيه ونامي هسه كبل تاخر الوقت
.
.
نوارس
بقيت ساكته وباوع عله اسد اخاف هم من انام اكوم اتخيل امور
.
.
اسد؛ اشبيج؟
نوارس؛ لا مابيه شي هيج صفنت
اسد؛ ماشي اني راح اروح يم سيف اذا تحتاجين شي بالاستقبال
نوارس؛ تسلم
اسد؛ تصبحين على خير
نوارس؛ أجمعين
.
.
نوارس
راح اسد واني خلصت تمشيط ورحت نزلت افراشي
.
.
.
اسد
رحت كعدت عله التخم ابصف سيف وطلعت موبايلي وسيف اندار عليه وكال
.
.
سيف؛ شو اجيت يمي
اسد؛(بتعجي) لعد وين اولي
سيف؛ شنو نوارس وين
اسد؛ راح اتنام
سيف؛ اتوقعت تبقه يمهة لحد متنام وتجي نحجي
اسد؛ وليش اتريد ابقه يمهة لحد متنام
سيف؛ لا تفهم غلط بس اني كل يوم وياهة لحد متنام اكوم مرات ابقه للصبح كاعد مكابلهة
اسد؛ لهل درجه واصله
سيف؛ اي والله لو اعوفهة خمس دقايق تتخبل
اسد؛ ما ادري راح اكوم اشوفهة
سيف؛ اي احسن وره متنام تعال نحجي
اسد؛ ماشي
.
.
.
اسد
كمت رحت لنوارس فتحت الباب شفت نوارس كاعده بفراشهة ومرتاجه عله الحايط كبل باوعتلي وعدلت كعدتهة
اني دخلت وعفت الباب مفتوح اشووي ورحت كعدت ابصفهة وهيه كالت
.
.
نوارس؛ شنو ما نمت
اسد؛ ليش انتي ما نمتي
نوارس؛ انته منايم من اشوكت قبل لا ترجع من شغلك
اسد؛ اي والله بس اشو مجايني نعاس كلت اجي يمج
نوارس؛ لا اجيت حسبالك اخاف لان سيف كالك
اسد؛ ههه كمشتيني
نوارس؛ اعرف لان
اسد؛ هم شفتي شي حسيتي ابشي اجاج شي
نوارس؛ لا ماكو شي ليكول كلشي راح بالمقبره
اسد؛ عرفت لهاذ السبب خذتج ابسرعه
نوارس؛ اي لحمد لله
اسد؛ لعد اذا كلشي ماكو ليش ما نمتي
نوارس؛ صح كلشي ماكو بس بعدني اخااف تره اذكر كلشيي اني ما اكدر انام
.
.
.
اسد
عدلت كعدتي وباوعت الهة وبتسمت وكلت
.
.
اسد؛ وأذا نومتج بحضني
نوارس؛ ههه شنو
اسد؛ قصدي مثل اليوم الصبح
.
.
نوارس
ضحكت خفيف ونزلت راسي ورجعت باوعت لاسد وكتله
.
نوارس؛ يا ريت
.
.
اسد
ابتسمت ابتسامه قويه ونوارس اتباوعلي وعيونهة نعسانات بس هيه تقاوم
وكتلهة
.
.
اسد؛ يله يا خطيبتي الحلوه ادنيلي حته اني اجي يم الحايط
نوارس؛ ماشي
.
.
اسد
نوارس اتقربت عليه حته اتوخر من الحايط واني روحي متلهفه عليهة گلبي يرجف من ايصير يمهة
محسيت عله روحي اله كضيت نوارس من وجهة وجريتهة عليه وبستهة من خدهة ابقوه احس ذبيت حيلي بالبوسه وما اهد نوارس اريد
بس هيه الضاهر اتوجعت لان كضت ايدي واني حسيت بيهة وكبل وخرت منهة وضحكت ابصوت عالي
.
.
نوارس؛ أااخخخ حسيت بيهة
اسد؛ ههههه هوه لأحسن
نوارس؛ والله وجعتني
اسد؛ اممم تعرفين شي نوارس مرات شذكر
نوارس؛ شتذكر؟
اسد؛ اذكر اول ما اعترفتلج جنت شابعج بوس كله من الحلك انوب واحضان ورومانسيات تذكرين ومن خطبنه استحي اتقربلج هههههه
نوارس؛ ههههه اشجنت احس اني من اذب روحي بحضنك ما ادري
اسد؛ يعني ندمانه
نوارس؛ لا طبعن
اسد؛ حسبااليي يله خلي انومج وروح يم سيف ينتضرني
نوارس؛ اذا اتريد روح عادي
اسد؛ لا طبعنن ما اروح
.
.
اسد
اتمددت ابصف الحايط ونوارس اتمددت ابصفي قبل لا اتخلي راسهة عله المخده مديت ايدي جوه راسهة وهيه خاله راسهة عله ايدي ودايره وجهة مني مطيتني ضهرهة اتقربت عليهة
.
.
نوارس
نايمه عله ايد اسد ولفرحه ما اعرف اوصفهة قسم بالله احس روحي اكثر انسانه مرتاحه
وجان احس اسد طخ ابضهري خذيت نفس عميق
.
.
.
اسد
حسيت نوارس خذت نفس من طخيت بيهة حبيت اسوي بعد اكشن ابينه فمديت ايدي عله خصرهة حاوطت خصرهة ايدي وانفاس نوارس كمت احس بيهن واني جريت نوارس عليه خليتهة لازكه بيه بحيث راسهة صار جوه حنجي
.
.
.
نوارس
اسد سحبني عليه لو اشنجت كلي مدري شسوي فبقيت ساكته ولا حركت جفن مني وكلت خلي اعيش اللحضه اعوض عله الايام المرن عليه وغمضت اعيوني واني مبتسمه
.
.
.
اسد
كلت بس اتنام نوارس اكوم اني لسيف بس من اتمددت هيج حسيت التعب كام يطلع من اعضامي ودي ما اتحرك َعيوني يردن بس ايغمضن وما حسيت ابروحي اله نايم
.
.
.
الكاتبه؛ ضحى الطائي
.
.
.
اسد
فزيت الصبح عله شي ابجهي مديت ايدي خليتهة عله وجهي وكضيته وفتحت اعيوني شفته شعر اتعجبت انداريت شفت نوارس نايمه ابصفي وشعرهة صاير عله وجهي كبل كعدت عله حيلي اباوع عله روحي وعله نوارس متعجب اشلون نمت فركت اعيوني وكمت رحت للمطبخ شفت سيف كاعد ايكلب بالتلفون شافني وكال
.
.
.
سيف؛ صح النوم يابه انتضرتك للفجر وماكو
اسد؛ بدون ما احس عله روحي نمت
سيف؛ تعال اكعد تعال اتريك صحصح
اسد؛ خلي بس اغسل وجهي
.
.
اسد
رحت غسلت وجهي عله السنگورجعت كعدت كدام سيف وسيف ايباوعلي ومبتسم
.
.
اسد؛ اشبيك
سيف؛ لو كايلي اتنام بالغرفة جان ما انتضرتك
اسد؛ اعرف شنو قصدك انته مو عله الانتضار وتحب اكلك والله بس رحت كبلل نمت التعب طلع عليه ولحد هسه نعسان تره
سيف؛ لعد ليش كعدت
اسد؛ شعر نوارس كعدني
سيف؛ اهااا اذا شعر نوارس الكعدك مدكلي وين ناييم
.
.
اسد
سيف حجاهة وغمز ورفعت اديه وكتله
.
.
اسد؛ حلالي لحمد لله حلاليي وياريت لو صار شي كبل انطمرنه ما حسيت اله شعر نوارس شابك وجهي
سيف؛ اي يابه مكلنه شي ابراحتك
اسد؛ لاا مو اعرف نيتك اني
.
.
اسد
ضحكنه اني وسيف وره ساعه اني كمت ردت اطلع من المطبخ كابلتي نوارس
.
.
اسد؛ هلاا صباح الخير
نوارس؛ صباح النور والعافيه
اسد؛ انتي العافيه يله روحي صحصح حته نتريك اني وياج مادام كعدتي
نوارس؛ صار
.
.
نوارس
شفت سيف صبحت عليه وغسلت وجهي ورحت نشفت ورجعت للثلاجه فتحته وسيف كال
.
.
سيف؛ راح اسوين ريوك
نوارس؛ اي متريك انته
سيف؛ لا والله بس عله الچاي
نوارس؛ اسويلك اوياي
سيف؛ تعرفين طماطه وبيض
نوارس؛ ايي اعرف كلش طيبه اسويهة
سيف؛ سويلنه اذا مصير زحمه
نوارس؛ من اعيوني
.
.
.
سيف
عفت نوارس وكمت رحت صعدت فوك لغرفتي شفت اسد جاي ايبدل دخلت وكتله
.
.
سيف؛ اشوكت
اسد؛ شنوو
سيف؛ اشوكت اتروح لأمك يعني فوك ما امك كارهة زواجك من نوارس انته عايفهة
.
.
اسد
لبست البدي وعدلته ونداريت لسيف وكتله
.
اسد؛ لو مو راضيه لو تتبره مني هم ازوح نوارس وره الريوك اروح الهة
سيف؛ هاا يعني لو طنكرت وكرهتك ابعيشتك عادي شنو متعرف امك انته
اسد؛ ما عليه بيهك طنكرت حجرت گشرت وجهة عليه مالي اي چاره اني اخذ نوارس عرفتهة متريدهة اول ما اجيت للشغل تره مريت عليهة
سيف؛ لعد هسه متسودنه اذا هيج
اسد؛ خلي تسودن ابراحتهة اني راح اخذ نوارس واروح حته احدد موعد العرس
سيف؛ والله ما ادري شكلك
اسد؛ لا ادكول شي امشي ننزل نتريك احسن
.
.
اسد
نزلنه اني وسيف رحنه للمطبخ شفت نوارس اشلون لابسه ستره مال اماعين ولامه شعرهة طوبه اليفوك ومنزله گذلهة ومحضره كللشي ومسويه مخلمه 
سيف كعد عله الكرسي وكال
.
.
سيف؛ عاشت ايدج مرت اخوي
نوارس؛ بالعافيه
اسد؛ هييه هااي ام بيتي شريد من الله بعد مدكلولي
.
.
.
نوارس
ابتسمت ودنكت راسي وكتله
.
.
نوارس؛ اكعد خلي اصبلك چاي
اسد؛ اي اكعد بس سؤال سيف
سيف؛ اي كول خويه بس استعجل لان من شفت منضر الاكل جعت حيل
اسد؛ هاي الستره مال اماعين تلبسهة انته شنو
سيف؛ لا يابه جبتهة مره الشيماء
اسد؛ اكول حسبالي تلبسهة
.
.
.
نوارس
صبيت چاي وكعدت اكبالهم وتريكنه عجبهم الاكل كلش
وخلصو وكامو غسلو وراحو بالاستقبال واني كمت عزلت المطبخ وغسلت لماعين ومسحت الطباخ ونزعت الستره ونشفت اديه ورحت جان سمعت اسد ايصيحلي رحتله
.
.
نوارس؛ هاا اسد
اسد؛ حضري روحج راح اروح لأمي
نوارس؛ ايي بس شلبس
اسد؛ عبايه عمري
نوارس؛ عباايه
اسد؛ اي طلعت اتخبل عليج البارحه
نوارس؛ بس هاي اكبيره عليه
اسد؛ اذا هاي اچبيره اليوم اروح اني وياج وجيبلج احله عبايه بس هسه البسي هاي لان مستعجلين
نوارس؛ ماشي عيني رايحه اتحضر
.
.
.
نوارس
رحت طلعت العبايه والربطه لبست الربطه حيل حلوه عليه لان اني وجهي بي تكساس حيل حلو ليكول وجهي عريض اتلوكلي ولبست العبايه ورحت لاسد
.
.
.
نوارس؛ تحضرت اسد
.
.
اسد
باوعت الهة اتخبل عليهة العبايه وكتلهة
.
اسد؛ ماشاءالله عليج
نوارس؛ (بخجل) شكرا
اسد؛ ديله خلي نتوكل لان ما اتحمل هيج
سيف؛ دمشي امشش
.
.
.
نوارس
رحنه طلعنه وركبنه بالسياره ابجهنه لبيت ام اسد
وصلنه نزلنه من السياره اسد اجه يمي وكض ايدي واني باوعتله وبتسمت ودك الباب سمعر صوت ام اسد مع العلم اتمنيت شيماء تفتح النه الباب بس اجت ام اسد فتحت الباب
فرحت من شافت ولدهة وكلبت خلقتهة من شافتني واكفه ابصف اسد
.
.
.
.
الكاتبه؛ ضحى الطائي

.