اوجاع طير النوارس

البارت 60

.

.
السلام عليكم ورحمة الله وبركاته
اشلونكم انشالله الكل ابخير
.
.
رجعت وياكم ابارت جديد اتمنى الكل يتفاع ابنجمه حته القصه تصعد وتمنه الكل يطيني رأيه بالتعاليق
.
.
ونفس كل مره قبل لا نبده بالبارت ((صلي على النبي صلى الله عليه وسلم وعلى آله وصحبه أجمعين وسلم تسليما كثيرا))
.
.
مع تحياتي الكاتبه ضحى الطائي
.
.
.
_________________________________
.
.
.
اسد
دخلت للبيت رحنه كعدنه اني وسيف بالاستقبال من الفرحه ما مصدك روحي من الفرحه
اجه كعد كدامي سيف وجهة مينوصف من الفرح ضحكت وكتله
.
.
اسد؛ اشبيك يابه ما مصدك
سيف؛ لا وعلي ما مصدك
اسد؛ صدك لعد صدك
سيف؛ انشالله اصدك
اسد؛ ولك بعد شخص لحد الان مشايفه
سيف؛ ذاك هوه الشخص بالغرفه نايم
اسد؛ دخل اكوم اكعدهة اشعدهة ناسمه لهسه
.
اسد
ردت اكوم وسيف كض ايدي ورجع كعدني وكال
.
.
سيف؛ لا عوفهة خلي نحجي
اسد؛ (بتعجب) شنو شكو
سيف؛ يا اسد ما ردت اضوجك وعكر مزاجك توك جاي بس لازم نحجي مادامهة نايمه
اسد؛ شكوو شصاير بيهة شي متاذيه
سيف؛ لا اسم الله بس بصراحه نوارس تعبانه حيل لدرجه كايمه تتخيل امور وشغلات ومو بس هيج تصرفاتهة ولعياذ بالله ليكول بيهة شي
اسد؛ اشلون يعني ما فهمت
سيف؛ جاي اشوف امهة وتحجي ويه امهة جانت وتسولف وتضحك بس وصار بالاسبوع هيه خايفه حيل ادكول امي تريد تاذيني وتاخذني وكل ما تبجي تعيط ودكول يردون ايرجعوني للكبر يا كبر هاذ ما تعرف تصدك البارحه ليكول مو نوارس كدامي تخبلت واني كضيتهة كوه شوف اديه خرمشتهن تخرمش وتغلط وتفشر ومتحس ابروحه
.
.
اسد
صافن عله حجي سيف وعدل بشواربي وكتله
.
اسد؛ يا خويه نوارس تعبت من خطفوهة دفنوهة واني من رجعتهة طلعته من جوه الكبر ومن رجعت عرفت بامهة ميته ونقهرت عليهة وامهة ماتت وانته تعرف وما شابعه من بته الله يرحمهة فبقت نفسهة بالبت بقت روح امهة وياهة لازم الحكلهة قبل لسوي شي بروحه
سيف؛ انوب امهة تاخذهة
اسد؛ اسم الله بعيد الشر بس لازم اروح اشوفهة حتلو اكعدهة
سيف؛ يله امشي روحلهة اني ابقه اهنا احسن خاف المشاعر تطلع زحمه واني موجود
اسد؛ ههههه عفيه خوش زلمه انته
.
.
.
اسد
عفت سيف ورحت اشوف نوارس امشي وكلبي اتكتك عليهة وصلت للغرفه وكفت يم الباب اشوي افكر شنو رد فعلهة اذا شافتني
خذيت نفس وفتحت الباب ودخلت
وجان اشوف حيلي كاعده ومرتاجه عله الحايط وباوعتلي
.
.
.
نوارس
واني كاعده صافنه افكر ابروحي اني شنو الي جاي ايصير وياي
ونفتح الباب باوعت وجان اشوف الي اعيوني تنتضره صار شهرين كبل باوعتله بنضره حزن ودموعي نزلت خاف اكول شي لو اكوم خاف هم اطلع اتخيل بس عرفته واقع من كال اسمي
.
.
اسد
باوعتلي ودموعهة نزلن اشكد امبين عليهة التعب يا عمري جان اني كلت
.
اسد؛ نواارسس
.
.
نوارس
كال اسمي واني طفت من مكانيي وركضت عليه وهوه كعد عله اركبه واني ذبيت روحي ابحضنه وحضنته بكلل قوتي وكمت ابجي وكول باسمه
.
.
نوارس؛ (ابجي) اسددد اسددد اسدد
اسد؛ ياا حييل اسد ياا بعد طواايف اسد ياا بعد اسد كلله
.
.
اسد
حاضنهة اني ودموعي نزلت عليهة ضعفانه هيه حيل تاهت بين اديه واني ما اريد اهدهة حاضنتني وتبجي
واني وخرت منهة وكضيته من راسهة وبستهة من خدهة ورجعت بستهة من خدهة الثاني وبستهة من راسهة وباوعت اله وكتلهة
.
.
اسد؛ كافي يعمري كافي يا حيلي هاي اني يمج كافيي فدوه اروحلج
نوارس؛ (ابجي وشهكه) تت. تتعبت يا اسدد تعببت حييل
اسد؛ راح ترتاحين عمري انتي والله راح يرجع كلشي لمكانه وعد اوعدج بي ماشيي
.
.
.
نوارس
اسد كاعد عله اركبه واني كاعده مقابيله كلش وكصتي عله كصته وابجي وهوه وخر راسه من يمي ومسح ادموعي واني باوعتله ماكو اللحيه بس اشوارب واني وابجي خليت اصبعي عله شواربه وهوه ضحك ابين ادموعه ورجع حضني ضمني ابصدره واني جلبت بي ابقووه وابجي وحجي
.
.
نوارس(ابجي)؛ ماا اكدر بعد والله ما اكدرر ما اتحملل كل هااذ
.
.
.
اسد
حاضنهة اني ومسح ابراسهة وكتلهة
.
اسد؛ اششش كافي يله هاهيه اني يمج
نوارس؛ (ابجي) بعد لتعوفني هيج والله امووت
اسد؛ اموت اني كون ولا اعوفج بعد لحضه
نوارس؛ ايي ابقه يمي
اسد؛ باقي يعمري باقيي هسه خلي انكوم بعد انغسل شو
.
.
اسد
كمت وكومت نوارس وياي مشينه واني اباوعلهة حسيت بالتغيير حركات نوارس مو طبيعيه ليكول شخص خايف تتلفت وتباوع منا ومنا وتتاكل بضافيرهة
.
خذيتهة للمطبخ وكفت يم السنك فتحت الماي وهيه اجت غسلت وجهة واني كتلهة
.
.
اسد؛ لاا اوكفيي مو هيج
نوارس؛ لعد شنو
اسد؛ شوفي وتعلمي
.
.
اسد
خليت اديه جوه الماي ترست اديه ماي وجبته وذبيته فوك راس نوارس عله شعرهة وضحكت وهيه ضحكت واني امسح امشعرهة
.
.
نوارس؛ ليش هيج سويت
اسد؛ احسن حته شعرج هم يتبلل ونمشطه
ورجعت ذبيت عله راسهة ماي واضحك وهيه وخرت شعرهة من اعيونهة وباوعتلي
اعيونهة اشكد تعبانات حته صايرات سود من جواهن ونعوسيات
بقيت صافن عليهة وكالتلي
.
.
نوارس؛ شبيك
اسد؛ مشتاقلج
.
.
نوارس
ابتسمت ونزلت راسي ورجعت كتله
.
نوارس؛ هسه ما اروح امشط شعري
اسد؛ يله امشي انمشطلج
.
.
اسد
رحت اني وياهة للغرفه كعدت وهيه طلعت المشط كامت تمشط اني كتلهة
.
.
اسد؛ لاا لااا تعالي موو هييج
.
.
نوارس
اتعجبت وكتله
.
نوارس؛ اشلون لعد
اسد؛ تعالي اعلمج
.
.
نوارس
رحت يمه وطيته المشط وهوه كال
.
.
اسد؛ تعالي اكعدي كدامي
نوارس؛ ليش
اسد؛ تعالي خلي اعلمج
.
.
.
نوارس
هزيت راسي بمعنه نعم وكعدت كدامه وهوه كض خصل شعري وكام ايمشطلي علله كييف بهدوأ
.
.
اسد
كعدت كدامي واني اباوع لشعرهة طولان حيل وما ردت اذيهة مشطت الهة عله كييف وكض خصله خصله واني امشط اتقربت اشوي شميت ريحه شعرهة اووف شهل عطر ليخبلل ورجعت امشط
.
.
.
نوارس
واني متامله اسد اشلون ايمشطلي وفرحانه ما مصدكه هوه يمي جان سمعت صاحلي باسمي وكتله
.
.
نوارس؛ هاا عيني
اسد؛ (بتعجب) شنو
نوارس؛ مو كلت اسمي
اسد؛ لا مكايل
.
.
نوارس
بقيت ساكته مكلت شي عرفت روحي بديت اتخيل ورجعت سمعت اسمي رفعت راسي وزاد نفسي
.
.
.
اسد
تعجبت عله نوارس اشو فجأه خافت وكامت اتباوع منا ومنا وتتنفس كوه وكتلهة
.
.
اسد؛ اشبيج عمري
.
.
نوارس
بقيت اسمع واحد ايصيحلي باسمي واني ما اريد ابين لاسد هل شي غمضت اعيوني بقوه وجان سمعت صوت مريه ادكول
نواارسس تعااليي
.
من خوفتي كلتت بصوت عالي لااا ونداريت عله اسد واني ضامه وجهي ابين اديه
.
.
اسد
شفتهة اشلون خافت وندارت عليه وضمت وجهة ابين اديهة اني كضيت اديهة وردت اوخرهن من وجهة وما وخرت وكتلهة
.
.
اسد؛ حبيبتي اشبيج شكو
.
.
نوارس
هسه يله سمعت اسد وخرت اديه من وجهي وباوعتله وجهي غركان بالدموع وكضيت اديه ابقوه وبجيت وكتله
.
.
نوارس؛ (ابجي) انيي موو مخبلله والله مو مخبلله اني تعبانه
اسد؛ حبيبتي ومنو كال انتي مخبله اصلن اعقل شي بالدنيه انتي يروحي
نوارس؛ لاا اني مدري اشبيه تعبت حييل والله
اسد؛ واني راح اعوضج عله كل تعبج يروحي لا تبجين كافيي
.
.
اسد
مسحت ادموعهة وكتلهة
.
اسد؛ يله شو عدلي كعدتج شو
.
نوارس
عدلت كعدتي كعدت اكباله كلش
.
اسد؛ هسه تحجيلي كلشي
نوارس؛ شنو شحجي
اسد؛ شنو الي جاي ايصير وياج شنو الي جاي اشوفي
نوارس؛ اشوف اميي وحده وياهة ما اعرفهة
.
.
اسد
بقيت ساكت وكتلهة
.
.
اسد؛ اشوفيهة عدل
نوارس؛ ايي عدل
اسد؛ تحاجيج
نوارس؛ ايي جانت حبابه وياي دوم تحاجيني بحنيه هسه تعيط بس وتعصب هم
اسد؛ ليش تعصب؟
نوارس؛ اتريد اروح وياهة واني جنت ما اقبل كتلهة ما اجي اذا ما اشوف اسد
.
.
اسد
نغزني كلبي هسه نوارس شافتني بس لا ايصير الهة شي اسم الله وكتلهة
.
.
اسد؛ معقوله اتعوفيني وترحين
نوارس؛ اني ما اريد اعوفك بس امي متقبل ابقه اتريدني واني قنعتهة لبين مترجع انته
.
.
اسد
بقيت ساكت وصافن عله نوارس هاي اشجاي تحجي يا الله وكتلهة
.
.
اسد؛ موجوده هسه هيه
نوارس؛ لا هسه موجوده الثانيه يمكن صاحبتهة
اسد؛ وين
نوارس؛ واكفه يم الباب
.
.
.
اسد
كبل باوعت عله الباب ماكو شي ورجعت باوعر لنوارس كتلهة
.
.
اسد؛ هسه انتي اشوفيهة
نوارس؛ ايي
اسد؛ يمكن راحت شو شوفي
.
.
اسد
نوارس اندارت ورجعت باوعتلس وهيه عاكفه حواجبهة ومرتعبه وكالت
.
.
نوارس؛ ايي موجوده بس تعرف شي انته كض بيه ولا تهدنيي ابدد لتعوفني ماشي
.
.
اسد
اباوع عله نوارس اشلون تحجي وتبجي وانما ليكول تترجاني علمود ما اعوفهة ومجلبه باديه بقوه واني كتلهة
.
.
اسد؛ ما اعوفج بس تعرفين اذا ترحين اتموتيني وراج
نوارس؛ شسويي امي متقبل اتخليني اهناا
.
.
اسد
نوارس حجتهة بهمس ليكول متريد احد يسمع وكتلهة
.
.
اسد؛ انتي شكلج تعبانه واني حيل تعبان شنو رأيج انام ها
نوارس؛ اشلون انام يمك؟
اسد؛ اني وانتي مخطوبين باوعي
.
.
اسد
مديت ايدي وشوفتهة الحلقه وهيه مدت ايدهة الناعمه هم بعدهة لابسه الحلقه
.
.
نوارس؛ يعني عادي انام بصفك
اسد؛ ايي حبيبتي عادي
نوارس؛ ماشي اجيب مخده
اسد؛ يله عمري
.
.
اسد
نوارس جابت مخده واني تمددت ابصف الحايط وهيه اتمددت ابصفي بس مطيتني ضهرهة
واني اباوع عله شعرهة وجتفهة وكول بيني وبين نفسي
لو اموت ما اضيعهة من ايدي
وره ربع ساعه انتبهت ماكو حس لنوارس اشوي رفعت راسي باوعت اله ناسمه شبسع
خليت طلعت جهازي وتصلت عله سيف
.
.
سيف؛ الووو
اسد؛ شوف سيف اسمعني ونتبه زين
سيف؛ كول خويه شكو
اسد؛ اريد اجيبلي حجاب اسود وعبايه وتحضر سيارتي
سيف؛ ليش شكو
اسد؛ لازم هسه اروح للنجف لازم اوصل لبنيه لكبر امهة
سيف؛ حاضر انتضر مني اتصال
اسد؛ انتضرك
.
.
اسد
سديت الاتصال من سيف وكعدت عله حيلي باوعت لنوارس مستحيل ارضه تتاذه وتتعب اكثر هاي روح امهة متهدهة اذا ما تروحلهة للقبر اشوفهة بعد راح امهة تهدهة
.
وره نص ساعه اتصل سيف جاوبته
.
.
اسد؛ هاا ابشرر
سيف؛ صار كل الردته حته السياره
اسد؛ ماشي جايك
.
سديت الاتصال من سيف وكمت كعدت يم نوارس وكعد بيهة
.
.
اسد؛ نوروسه حبيبتيي يروحي اكعديي
نوارس؛ (بنعاس) هااا
اسد؛ يله كومي عدنه شغل
.
.
نوارس
فزيت وباوعت لاسد كتله
.
نوارس؛ شنو الشغد
اسد؛ دكومي وتعرفين
.
.
نوارس
كمت عله حيلي ورحت اغسل واسد وراي يمشي
غسلت وجهي وسيف اجه
.
.
اسد؛ وين الوصيتك بيهن
سيف؛ هاي بالستقبال
اسد؛ خوش
.
.
نوارس
بقيت ساكته وما اعرف عله شنو يحجون
اسد جاب الخاولي نشفلي هوه وجهي
.
نوارس؛ اعررف تره انشف
اسد؛ عاادي بويه اني انشفلج احسن
.
.
نوارس
رحنه للاستقبال وجان اتعجب اسد فتح علاكه بيهة عبايه وربطه
.
نوارس؛ شنو وين راح اروح
اسد؛ تعالي لبسي وبعدين تعرفين
.
.
نوارس رحت كضيت الربطه واسد كال لسيف
.
.
اسد؛ شوف خليك وياهة راح اروح اسبح ونطلع كبل وهم بعدهن ملابسي يمك فوك
سيف؛ هوه اني باقي وملابس بعدهن
.
.
.
نوارس
راح اسد واني باوعر لسيف وهوه كال
.
.
سيف؛ لا تباوعيلي ما اكول شي
.
.
نوارس
خذيت الربطه لبستهة وشعري مفتوح جواهة ولبست العبايه ورحت عله امرايه الي بالهول اعدل وجان اسد يطلع من الحمام انداريت باوعتله ايخيل لابس دشداشه سوده وينشف ابشعره وباوعلي وضحك وكال
.
.
اسد؛ يمهه فدووه شهل جمالل
نوارس؛ (بخجل) وانته هم حيل حلو
اسد؛ (بابتسامه) عجبتج الشوارب بدون لحيه
نوارس؛ تخبل عليك
اسد؛ حبيبتي
.
.
اجه سيف وكال
سيف؛ يله نتوكل شنو
اسد؛ بس اخذ لشماغ اطلعو قبلي
سيف حاضر امشي خويه نوارس
.
.
نوارس
رحت ويه سيف طلعنه ركبت اني بالسياره اليوره واباوع اسد طلع وقفل الباب
ربس ايحفضه ايخبل طالع حاط لشماغ عله جتفه وجه ركب بالصدر بس مو هوه ليسوق وركب سيف
.
.
سيف؛ اشعجب مو انته لسوق
اسد؛ تعبان من السياقه يابه
سيف؛ ماشي راح نتوكل بعد
اسد؛ يااا الله
.
.
.
.
الكاتبه؛ ضحى الطائي