اوجاع طير النوارس

البارت 10

.
.
اسد: اسف لان ضربتج اليوم
نوارس: لا عادي اني هم غلطانه مكتلك من البدايه
اسد: ايي صح هم خطأج
نوارس: بس عادي سؤال
.
اسد
وخرت من يمهة ورجعت كعدت عله التخم وكتلهة
اسد: اي كولي
نوارس: شلون عرفت انته
اسد: نوارس اني مو كتلج راح ابقه وياج طول الوقت
نوارس: ايي بس اشلون عرفت
اسد: عرفت بعد
نوارس: علمت الغيب مثلن
اسد: ايي علمت الغيب انتي ليش ضايجه
نوارس: لا مضايجه بس فضول
اسد: اكعدي وسكتي احسن
نوارس: حااضر حضره الشرطي
اسد:(بضحكه عاليه)هههههههاي😂
نوارس: شبيك ليش تضحك
اسد: تعالي تعالي اكعدي يمي يكلبي انتي(ابضحك)
.
نوارس
استغربت وكعدت ابصفهة واباوعله وعاكفه حواجبي
نوارس: ليش تضحك
اسد: اضحك عله سالفتج
نوارس: ليش شبيهة
اسد: اني مو شرطي اني لواء اول بشغلي
نوارس: وشنو الفرق
وفعت جتوفي
اسد: يفرق اهووواي هسه اشلون اني وياج نختلف بالعمر اختلاف اجبير كلش صح لو لا
نوارس: هاااا فهمت
اسد: عفيه عليج بنيتي
نوارس: ايي وهسه خلي اكوم ابدل ملابسي
اسد: يله كومي ورجعي حته نتعشه
نوارس : حاضرر
.
وصعدت لغرفتي بدلت ملابسي وعدلت نفسي وصفطت الملابس وعفتهن بالكنتور ونزلت بسرعه رحت للمطبخ شفت اسد كاعد ومحضر عشه وصاب بالماعين وكاعد ينتضرني
.
نوارس: خوما اتاخرت
اسد: لا ما تاخرتي
نوارس: خوش
وكعدت عله الكرسي وقدمته عله الميز ودنكت راسي اريد ابده اكل دك مبايل اسد وجاوبه اسد
.
اسد: الوو
عدي: هلا باسد شلونك
اسد: لحمد لله
عدي: عدي اخبار حلوه الك
اسد: اي كول يا الله
عدي: كضيت راس خيط لاهل نوارس
اسد: والله
عدي: ايي والله عرفت كم معلومه عليهم
اسد: يا الله بلكت اشوكت اتريد اجيك
عدي: اذا تكدر باجر تعال الصبح بال١٠
اسد: تدلل باجر هيج وقت اني يمك
عدي: يله اخذ راحتك حبيبي باجر نحجي
اسد: لله ويايك عيني
.
نوارس
واني اباوع له اسد طول ما هوه يحجي بس سد الخط كتله
نوارس: شنوو شكال
اسد: يمكن راح تردين لاهلج
.
نوارس
كمت من مكاني واني فاتحه اعيوني كلت
نوارس: والله
اسد: عله كيفج اشبيج كمزتي
نوارس: مجاي تشاقه موو
اسد: لا والله شبيج
نوارس: فرحتني
اسد: باجر راح اروح وافهم بعد
نوارس: ايي نشاء الله
اسد: يله كعدي كملي عشاج
نوارس: ايي
وكعدت كملت عشاي واني فرحانه اسد خلص كبلي وكام وراح اني خلصت وكمت شلت لماعين وخليتهن عله السنك نضفتهن وغسلتهن ونضفت المطبخ كله وخلصت ورحت بسرعه لغرفتي دخلت وسديت الباب ابسرعه رحت عله فراشي نمطلت وكلت
نوارس: معقوله راح الكه اهلي وارجع بينهم بس شنو راح اتكون رد فعلهم اكيد ايفرحون بتهم المخطوفه ترجع وامي اتنومني ابحضنهة وتبوسني ايي ورجع بين جناحاتهم انسند انشاء الله يا رب
ونمت
.
.
اسد
واني ممطول عله السرير وفكر واكول هاهيه راح اتروح نوارس راح تروح من بين اديه اشلون راح اكدر بدونه اتعودت عليهة وحبيتهة لان حسيتهة طفوليه نفس بنتي وردتهة تربه جوه جناحي بس يله بعد هيج احسن هيه هم خطيه
ونمت
.
كعدت الصبح الساعه بال٩الصبح كمت كوه ورحت للحمام الداخلي بغرفتي غسلت وجهي ونشفته ورجعت طلعت من غرفتي نزلت جوه رحت للمطبخ تعجبت شفت نوارس محضره الريوك والكوابه وسابحه ولابسه التراك الجديد صطرتني صطر طاله اتخبل شنو الطول شنو الجسم شنو الشعر الضافرته وندارت عليه شافتني وبتسمت ابجهي ابتسامه اكبيره لا تلقائي ابتسمت وياهة
.
نوارس: صباح الخير
اسد: صباح النور هلا
نوارس: سويتلك ريوك تعال اكعد خلي نتريك
اسد : ايي اجيت
وكعدت عله الكرسي وهيه كعدت كدامي وصبت جاي واني عيني بس عليهة
.
نوارس: الساعه ابيش اتروح
اسد: وين
نوارس: للمحامي
اسد: هاا بال١٠ اروح
نوارس: ها خوس
اسد: ايي
.
نوارس
طول ما احنه نتريك اسد عينه عليه مشالهة اني ما اعرف اكل كمت اتقيدت كلش وبس منزله راسي اخر شي قويت نفسي ورفعت وجهي وخليت عيني بعينه وهوه رفع حواجبه عليه
.
نوارس: شبيك
اسد: لا ما بيه شي بس شبعت وكايم
.
كام وراح صعد واني مستغربه اشبي هاذ  خليت وكمت شلت لماعين عله السنك وبديت اعزل بي
.
.
اسد
صعدت لغرفتي بدلت ملابس ومشطت شعري ولحيتي ونزلت طلعت نوارس ابجهي بنهايه الدرج
.
نوارس: رايح
اسد: اي رايح
نوارس: ترجع بالسلامه
.
اسد
بقيت اباوع اله اشوي ورحت كملت دربي وطلعت من البيت وقفلته وطلعت
.
نوارس
ربي شهل جمال هاذه ربي يحفضه انشاء الله اكيد اذا عده حبيبه تغار عليه من الهوه هنيالهة هيج حبيبهة اتمنيت اني كون بس هوه ايشوفني نفس بته هلكد مصغيره وفرق بينه اكبير كلش مستحيل ايحبني يوم نفس ما حبيته اني تعجبني حيل شخصيته القويه
.
.
اسد
وصلت لمكتب المحامي عدي دخلتله
.
عدي: يا هله باسد تفضل
اسد: هلا بيك شلونك ستاذ
عدي: لحمد لله بخير سيدي
اسد: نشاء الله دومك
وكعدت عله الكرسي
عدي: اخبار حلوه اليوم الك
اسد: انشاء الله كول
عدي: عفت اسم المستشفى لنولدت بيهة نوارس وعرفت اسم الممرضه الجانت مشرفه عله ولاده امهة
اسد: يا الله خوش بدايه شسم المستشفى وين الممرضه
عدي: مع الاسف متوفيه الممرضه بس مستشفه اني حققت كلشي بيهة ميحتاج تروح بس اذا تحب تتاكد
اسد: وشلون هسه شنسوي
عدي: عرفت اسم الجان مسجل عله عمليه ولاده ام نوارس
اسد: ايي شنو الاسم
عدي: علي عبد العادل واخر شي منتقلين لبغداد بعد عمليه ولاده ام نوارس ومستقرين اهناك سالت عليهم وتاكد
اسد: ولازم اروح لبغداد ادور عله علي عبد العادل
عدي: بالضبط بس اكلك
اسد: كول ستاذ
عدي: اني حققت عله موضوع نوارس ومسجل عليهة بان هيه متوفيه بوقت الولاده وموجوده ملفات تثبت هاذ الشي
اسد: شلون يعني ...معقوله يعني مبدلينهة
عدي: اني هم هيج كلت يمكن مبدليهة ومطين لامهة طفله ميته
اسد: خلي لا نتوقع من كيفنه خلي نفهم بالاول
عدي: اي اكيد بس هاذ الطلعلي
.
اسد
بقيت ساكت وفكر معقوله هيج الصاير وشنو الرغبه بهل شي
اسد: اني بعد راح ادور عله علي عبد العادل بس اعرفلي هم مشتغل ابمكان ابغداد
عدي: حاضر
اسد: يله اترخص اني زاحمتك ويانه
عدي: صدك جذب عله راسي
اسد: يسلم راسك مع السلامه ستاذ
.
سلمت وطلعت من مكتبه والافكار تاكل راسي عله موضوعهة وضجت كلش اذا راحت نوارس وتعوفني ما اكدر بدونه ما اتحمل اذا ما اشوفهة فد يوم متعود عليهة واحبهة ورجعت للبيت
.
نوارس
واني كاعده بالهول انتضر اسد شوكت يجي اشوي ونفتح الباب اسد دخل عيني عليه شفته ضايج ومطنكر وجهة توقعت بان مالكو اهلي بقيت ساكته مكلت شي وعاكده حواجبي اجه اسد كعد عله التخم ومشط لحيته بصابعه ويباوعلي وكال
.
اسد: شو مسالتي
نوارس: عرفت شنو الجوب
اسد: شلون يعني وشبيج مطنكره وضايجه
نوارس: اي مو انته ضايج فمبين من يمك لغت السالفه
.
اسد
ضحكت ضحكه خفيفه وباوعت الهة وكتلهة
اسد: لا ما الغه شي وهلج راح نلكاهم
.
نوارس
فرحت من هيج كال ابتسمت وفتحت اعيوني وكعدت ابصفه وكتلهة
نوارس: والله شوكت
اسد: عله كيفج شنو كبل شوكت بعد اهواي
نوارس: ليش هواي
اسد: اهلج مو يمنه اهنا اهلج ابغداد
نوارس: وتعرف وين انته مكانهم
اسد: لا طبعن
نوارس: لعد اشلون نلكاهم
اسد: عرفنه اسم ابوج
نوارس: والله شسمه ابويه
اسد: ههه ما اكول
نوارس: لا فدوه كول
اسد: اسمه علي عبد العادل
.
نوارس
بقيت ساكته اشوي وكتلهة
نوارس: نشاء الله نلكاهم
اسد: اني وعدتج الكاهم وراح الكاهم
نوارس:(باوعتله وبتسمت وكتلهة)كل فضلك هاذ عليه عمري ما انسا وما اعرف بشنو اجازيك والله
اسد: اسكتي لتحجين هيج انتي بنيتي
نوارس: وانته ابويه وهم اكثر صرت بنسبه الي
اسد: وشصرت هسه بنسبه الج
.
نوارس
بقيت ساكته وباوعله شكله هسه وكتلهة
نوارس: ابويه لغالي
اسد: ايي خوش ..عفيه
وابتسمت ابجهة ابتسامه جذب بس ما اريد ابين الهة
.
نوارس: هسه اهلي راح ايفرحون اذا شافوني لان اول منولدت انخطفت منهم واكيد دورو عليه وملكوني صح لو لا
.
اسد
سكتت وبقيت اباوع الهة وكضيت ايدهة وكتلهة
اسد: لا مدورو عليج
نوارس: (بصدمه)شنو شنو يعني اشمدريك انته
اسد: نوارس انتي من امج ولدتج خطفوج منه وطوهة طفله ميته بمكانج
.
نوارس
بقيت بس اباوع عليه محجيت اي كلمه وكوه ابلع عبرتي
نوارس: طفله ميته
اسد: ايي فما اضن دورو عليج
نوارس: اأ.ايي عادي همه اشمدريهم قابل
ونفسي ثكل كلش
اسد: ايي بس متأكد راح ايفرحون ويحبوج من ايشوفوج كدامهم عايشه
نوارس: ايي صح ايي بس ...
اسد: بس شنو احجي
نوارس: ما اعرف شحجي بس شنو الغايه من هيج سوو وخذوني من اهلي
اسد: اكيد بيهة غايه ونشاء الله ويه الايام نعرف
.
نوارس
هزيت راسي بمعنه نعم وكمت بسرعه رحت صعدت لغرفتي كلش مقهوره من السمعته يعني اهلي كل هل فتره حسبالهم اني ميته يمكن حته هسه ناسيني صار ١٧ سنه عله موتي ليش مينسوني دخلت الغرفه وسديت الباب ورحت نمطلت بقيت افكر بالموضوع اشوي ونمت
.
.
اسد
صارت الساعه بال٩ونص بالليل ونوارس ماكو منزلت ولا اتغدت ولا تعشت انشغل بالي عليهة وكلت خلي اروح اشوفهة احسن
كبل كمت من مكاني ورحت طلعت من غرفتي ورحت وكفت كدام باب غرفتهة ردت افتحه كلت لا عيب خلي ادكه احسن
دكيت الباب ماكو حس دكيته مره ثاني بشكل اقوه هم ماكو حس بقيت افتر كدام الباب خليت بالنهايه وفتهته اشوي شوي بدون صوت شفتهة نايمه بنص السرير وبدون ما متغطيه
دخلت للغرقه عله كيف امشي فتحت لحافهة وجاي اغطيهة طخت ايدي بأيدهة حسيتهة حاره اتعجبت خليت ايدي عله خدهة اتفحص حرارتهة شفتهة مصخنه كلش مو زين عليهة هيه ونايمه اصخن هيج لان تنشمر (تمرض كلش)وبديت اكعد بيهة وضرب عله خده عله كيف علمود تكعد
.
اسد: نوارسس نوارس اكعدي
.
شفته فتحت اعيونهة كوه وباوعتلي
اسد: كعدي بابه كعدي شو انتي مصخنه كلش
.
.
بتبع....