اوجاع طير النوارس

البارت 58

.
.
.
.
.
السلام عليكم ورحمة الله وبركاته
.
رجعت وياكم ابارت جديد اتمنه الكل يطي نجمه حته القصه ترتفع والكل يطي رأيه بالتعاليق
.
.
نفس كل مره اكول هاي القصه حقيقيه ١٠٠/١٠٠ بس موجود الاضافات الي اتقلل وتسهل الضروف حته لصير القصه جدا معقده
.
.
وقبل لا نبدي
نصلي على نبينا محمد وعلى آله وصحبه أجمعين وسلم تسليما كثيرا إلى يوم الدين
.
.
.
مع تحياتي الكاتبه ضحى الطائي
__________________________________
.
.
.
نوارس
مر اسبوعين كاملات كل يوم حالتي ازيد سوء واتعب اكثر واكثر كل يوم ابجيي عله امي وعله اسد اغله شي فاقدتهم مني
.
طبعن خواني معجبهم وضعي ورادو ايرجعوني البغداد بس سيف ما قبل اله يرجع اسد وهوه ايقرر شيسوي
.
وكل يوم مشاكل عباس ويه سيف عله موضوعي اله يوم من الايام
.
اني كاعده بالغرفه مرتاجه عله الحايط ولامه رجلي عليه وهمه كاعدين بالهول
اجه عباس سمعته سال عليه
.
.
عباس؛ وين نوارس
حنين؛ بالغرفه كاعده
عباس؛ (بعياط) خلليي تجيي راح تتخبلل ورخبلنه وياهة
سيف؛ عله كيفك لا هيج تحجي هسه تجيك
.
.
نوارس
اني كاعده واجتني حنين
حنين؛ نوارس عباس ايريدج
.
نوارس
هزيت راسي بنعم وكمت رحت اله اني وحنين
الكل باوعلي واني باوعت عله عباس وهوه عاكد حواجبه وضايج
.
.
عباس؛ تعالي نوارس اتقربي يمي
.
نوارس
احس روحي خايفه من الكل وكلت
نوارس؛ حاضر
ورحت مشيت وكفت كدام عباس وهوه ضايج وسال
.
.
عباس؛ ليش كاعده وحدج
.
نوارس
بقيت ساكته واباوع عليه وخايفه كوه اجر النفس ورجع سال
.
.
عباس؛ ليش كاعده لوحدج جاي اكول
نوارس؛ جاي انتضر امي
.
.
عباس باوع لسيف وكال بعصبيه
.
عباس؛ هاا استاذ اقتنعت اختي طاار عقلهة
سيف؛ لا هاي حقيقه امك ماتت بحسرتهة عله بتهة ونوارس اصغيره وتعبت طبعن اشوف امهة ادكووم اكبار اكو ويعانون من هاي الحاله
عباس؛ (بعصبيه) لاازم نررجع بيهة البغداد بعدد اسد ايريد خليي يجي ياخذهة اني هم مقهور عله امي من ماتت ولحد الان بس مو توصل اتخبلل مثلهة
.
.
نوارس
شهكت ونزلت ادموعي وعطت بعباس
.
نوارس؛ (ابجي) امييي ماا ماتتت موجوده كل يوم تجيي بدون احد ميدريي
.
.
الكل سكت من هيج كلت وعباس رفع حواجبه وباوعلي بكل عصبيه وما احس اله كام وضربني براشدد من قوته وكعت بالكاع كضيت خدي وكمت ابجي وسيف كام دفع عباس وعاط بي
.
.
سيف؛ (بعياط وعصبيه) ولللك عاار ابنص بيتي تضررب اماننتي محدد يلمسهة واني مأمنيني عليهة
عباس؛ وانيي راح اخذهة وطلع من بيتك يلله ككومن حضرن غراضجنن خلي انولي
سيف؛ الله ومحمد وعلييي وياك بس نوارس ما اطيهة
.
.
نوارس
سيف كومني وجرني من ايدي وخلاني ورا وعباس عاط
.
.
عباس؛ لكك وخرر منهة وجيبهة لا اسويلك مصيبه
.
وسيف كبل مد ايده وره ضهره طلع مسدس من البنطرون وخلا ابراس عباس وكال
.
سيف؛ يله لو انته زلمه اخذ لبنيه
عباس؛ تهددني يعنيي
سيف؛ شتريد تحسبهة احسبهة
عباس؛ ماشي هاهيه اخذهة واني وعائلتي راجعين لبغداد بس باجر عكبه من ايصير بيهة شي لشوفني وجهك لان راح احملك مسأوليه فهمت
سيف؛ عين غطه وعين فراش
عباس؛ ماشيي ويلله امشن حضرن روحجن خلي اروح بعد
.
.
.
نوارس
اني واكفه وره سيف وخواتي ايباوعلي وراحن ايحضرن وعباس راح هم مرت ابويه كامت وكالت
.
.
ليلى؛ دير بالك عليهة يمه
سيف؛ ميحتاج توصيني يمه
.
.
وراحت مرت ابوي وسيف كعد عله التخم طلع جكاره ودخن واني اباوعله وكالي
.
سيف؛ ماريدج تبقين كدامهم اصعدي لغرفتي طبي بيهة وقفلي الباب عله نفسج ولا اتفتحي ابد مفهم لاي شخص متفتحي
نوارس؛ ماشي رايحه
.
.
سيف
راحت نوارس واني عدي نسخه ثانيه بجيبي حته اكدر افتح الباب
.
.
نوارس
رحت صعدت دخلت للغرفه وقفلت عله روحي الباب وانداريت شفت امي كاعده عله السرير اتباوعلي ومبتسمه
واني نزلت ادموعي وضحكت
.
.
.
سيف
حضرو غراضهم والبنات لبسن الحجابات والجبب اني كمت رحت وكفت يمهن وكلت
.
.
سيف؛ توصلون بالسلامه
ليلى؛ الله يسلمك عزيزي ومشكورين ما قصرت ويانه الله شاهد بس بعد خلافات اعذرنه
سيف؛ لا يمه معذوره
حنين؛ وين نوارس خلي انشوفهة قبل لا اروح
سيف؛ نوارس صعدت فوك كالت ما اريد اشوفهن من يرحن لان انقهر
حوراء؛ هييج كالت؟
سيف؛ اي هيج كالت
حنين؛ لعد سلملنه عليه ودوم خليك وياهة تعرف هلوسات وخوف
سيف؛ بدون متحجين اعرف
.
.
سيف
شلت جنطهن طلعتهن وعباس طلع هم ومطنكر وكلت
.
سيف؛ واحد ينتضركم بالباب هوه ايوصلكم الباب بيتكم
عباس؛ ماريد مشكورين
سيف؛ مو الك للبنات وامك هاذ امان وعرف ايشي ايصير بركبتنه
عباس؛ جااي اكلك معليك بينه متفهمم احنه انولي منريد امانك
.
.
سيف
حاط ادي بجيوب البنطرون واكف اباوع لعباس اشلون محروك
وشالو الجنط وراحو دك التلفون شفته من السايق جاوبته وكتله حاجزين طلعو سياره ثانيه
وسديت الخط ورحت لنوارس صعدت وصلت يم الباب مال غرفه اريد اطلع المفتاح من جيبي وجان سمعت صوت نوارس تحجي
اتعجبت وخليت اذاني عله الباب اسمعهة ليكول جاي تشكي لاحد وتضحك مدري تبجي خفت عليهة وبسرعه فتحت الباب ودخلت شفتهة كاعده ابصف السرير وباوعتلي ورجعت باوعت عله السرير وباوعتلي وكلت
.
.
سيف؛ نوارس اشبيج
نوارس؛ ماكو شي جاي اغني بيني وبين نفسي
سيف؛ دغنين
نوارس؛ ايي اغني
سيف؛ ماشي لعد تعالي ننزل جوه انسوي عشه لان حيل جعت
نوارس؛ ماشي جايه
.
.
نوارس
اتمنيت سيف ما سامعني كون من احجي ويه امي لان متقبل احد ايشوفهة لو يسمعهة ونزلنه جوه والبيت فارغ عرفت اهلي راحو بعد ورحت للمطبخ وسيف لحكني وكال
.
.
سيف؛ شتحبين تاكلين
نوارس؛ ايشي
سيف؛ امممم اتحبيت البتيته التكلا لو السلك
نوارس؛ تكلا
سيف؛ ماشي احله بتيته تكلا راح تجيج
نوارس؛ اسوي اني
سيف؛ لااا الطبخ لحد ايحاجيني بي احب اطبخ اني
نوارس؛ ماشي لعد
.
.
سيف طلع بتيته وكشرهة ويسولف عله شغله ويضحك واني اضحك ويا طبيعي
وكله البتيته وسوه وياهة جاي وتعشينه وخلصنه وقنعت سيف اني اغسل لماعين
واني جاي اغسل سيف كعد عله الكرسي مال طبله وطلع جكايره ويدخن
.
.
سيف
ما اريد اعوف نوارس ولاا لحضه راح الزك بيهة حته لا ترجع تنعاد حالتهة
.
.
نوارس
اني جاي اغسل مواعين شميت ريحه الجكاير حسيت روحي مثل قبل من اني اغسل اماعين واسد يكعد ايباوعلي نزلت ادموعي وضحكت بنفس الوقت
.
.
.
سيف
اشو فجأه اسمع نوارس تضحك من وحدهة عدلت كعدتي وكلت
.
.
سيف؛ نوارسس اشبيج
.
.
نوارس
سمعت سيف بس غلست وكملت غسل اماعين وما احس اله ايد عله جتفي خوفتني انداريت شفت سيف واكف ابصفي
.
.
سيف؛ شبيج خويه
نوارس؛ (ابجي) تعبانه
سيف؛ كلشي ايهون وداعتج بس صيري قويه
.
.
نوارس
مسحت ادموعي وخلصت شغلي سيف بقه كاعد بالمطبخ اني رحت للغرفه كعدت وحدي اباوع للغرفه
وره اشوي اجه سيف وكتله
.
.
.
نوارس؛ اجيت انام نعست
سيف؛ ههه بس اني ما سالتج اشعدج
نوارس؛ هاا بس هيج كتلك
سيف؛ عادي نامي كومي افرشي افراشج ونامي ليش كاعده
نوارس؛ ايي كايمه
.
.
سيف
كامت نوارس ومن وجهة عرفت ارتبكت من شافتني وبسرعه طلعت عذر قبل لا احجي حته واني عفتهة وكعدت بالهول عله التخم الضاهر راح انام بالهول اقرب مكان لنوارس بس ايصير شي قريب عليه اني
.
.
.
نوارس
فرشت ورحت رديت الباب وسديت الضوه واجيت اتمددت بفراشي ردت اطنش كلشي وانام وصدك نمت
.
.
__________________________
.
.
في المناَم
.
.
اني كاعده وحدي وامي اجت الي كتلهة
.
نوارس؛ يمه ليش متجين المشاكل كثرت من رحتي
لمرحومه؛ لا ما اجي اجيت اطلعج من المشاكل واخذج وياي
نوارس؛(ابفرح) والله اروح وياج
المرحومه؛ ايي هم اريدج اوياي اني مشابعه منج
نوارس؛ وشلون اجي وياج
لمرحومه؛ تعالي وراي
.
.
امي مشت واني مشيت وراهة وشفت شي من ابعيد اسود اجه ابسرعه انضرب بيه وكاضني من وجهي ميهدني واني اعيط
.
.
.
________________________
.
.
سيف
صارت الساعه ب٣الفجر واني كاعد اكلب بالتلفون سمعت صوت سديت الجهاز اصنطت اريد اعرف منين جاي
وجان اسمع نوارس تعيط بكل قوتهة طفرت الهة وجان طلعت من الغرفه تعيط وتبجي وركضت اتريد تنهزم
وركضت وراهة كضيتهة بقوتي وهيه تبجي وتعيط اشلون لمخروعه والخايفه
.
.
سيف؛ نوواررس اصحييي اصحيي هااذ انييي نواررس
.
واني كاضهة ابقوتي وخض بيهة وهيه باوعتلي وبطلت متعيط وتبجي وجهة غركان بالدموع وشعرهة مفتوح ملامته
جان كضت ابثوبي وضمت وجهة بيه واني وخرت اديه منهة رفعتهن وهيه ضامه روحه بيه ومجلبه بقوتهة
.
.
سيف؛ استغفر الله ربي مجبور اسايسهة بهل حاله الي بيهة وما اوخرهة من عدي
.
.
وهيه تبجي بقوه سالتهة
سيف؛ اهدي يا خويه اهدي اشصااير شبيج
نوارس؛ (ابجي) أذتنيي اذتنيي
سيف؛ شنو منوو اذتج
نوارس؛ اذتنيي ما اريده
سيف؛ شو بس خلي اروح للهول نكعد نحجي
.
.
نوارس بقيت مجلبه بسيف ومشينه للهول كعدنه عله التخم وخرت منه واني ارجف وابجي وكالي
.
.
سيف؛ شنو شبيج شصار
نوارس؛ اذتني
سيف؛ منو هيه اذتج
نوارس؛ اميي
.
.
.
الكاتبه ضحى الطائي