اوجاع طير النوارس

البارت 36

.
.
اسد
اني كاعد بغرفتي طبعن من يوم العرفت بجيلان حامل حابس روحي بالغرفه وهيه متفلشه من يوم الاني فلشتهة ما معزله ولا مشيول منهة شي
.
وطبعن اهلي كلهم زعلانين مني لا امي تحجي وياي ولا اي واحد من اخوتي اربعه وعشرين ساعة بس اتصل على امي واخوتي محد يجاوب منهم وبنسبه للشغل كمت اكضي أكثر الأوقات بس مشاكل بي اليحجي وياي كلمه ازكر بي واخر مره تعاركت ويه واحد عسكري وشتكه عليه بس ما انفصلت همزين
.
وبنسبه لجيلان فهيه هسه داخله بشهر الثالث من الحمل جايب آلهة شغاله هيه لسويلهة اكل وتروحلهة للمحل وجيب شكو تريده وتحتاجه جيلان واني بهل اشهر مشايف وجه جيلان كله لو بالشغل لو قافل عليه الغرفه
.
وبالنسبه لنصير فبعده مكاضي ولا يعرفون عنه شي
.
.
وهسه اني كاعد عله السرير وجاي اكلب بالموبايل وجان يندك الباب صحت
.
اسد: خيييرر
جيلان:(من وره الباب) اسد اطلع سويت جاي انزل اشرب لا تحبس روحك أكثر
اسد: روحي ما اريد جاي كللشي ما اريد
.
.
جيلان
ضجت حيل من حاله اسد بس حابس روحه وصار من عهد حملي ولهاذ اليوم مشايفه خيال اسد حته ما اعرف اشوكت ايروح للشغل لو شوكت يرجع إذا اني اكعد بالسته ونص الصبح الكا رايح للشغل
.
انقهرت عليه حيل متوقعت هلكد يحب نوارس لدرجه مرض روحه
خليت وعفته ورجعت نزلت جوه
.
.
اسد:(اني واحجي ويه روحي)خلي ارجع اتصل بامي احسن اكيد هسه تجاوب
.
اتصلت وبسرعه ارفض الاتصال ضجت حييل وركعت الموبايل بالحايط اتفلش
.
اسد: نعله الله على الشيطان الرجيم
وفركت لحيتي بايدي وصفنت وحجيت لروحي
.
اسد: كل هاذ جيصير وياي بسبب غباء مني مال خمس دقايق هسه اهلي زعلانين مني ونوارس حبيبتي متاكد عرفت لأن اختهة حاضرتني  ... بس يله عادي تهون
.
وما حسيت اله دمعتي نزلت على خدي ضحكت عله روحي لأن اني الي مينهز جفني جان هسه كمت ابجي وما احس بروحي
.
.
خليت وتمددت عله السرير بقيت افكر لحد مخذاني لنعاس ونمت
.
.
.
مع تحيات الكاتبه: ضحى الطائي
___________________________
.
.
نوارس
اشوي شوي بديت اتعايش ويه الموضوع لان ماكو فايده بحزني اشو اسد مزوج ومرتاح صح اني جاي احاول ما اضوج بس اذا شخص جاب طاري الموضوع كدامي ابجي بس طبعن راح اعبر هاي المرحله
.
.
رحت كعدت يم امي كاعده بالصطح عله الشمس كتلهة
.
نوارس: مامه مو الجو بارد عليج ليش كاعده أهنأ
سميه: لا دفيانه من الشمس تعالي يروحي يمي
نوارس: أصلن ردت اجي قبل لتحجين
ورحت كعدت بصفهة وهيه حاوطتني بايدهة
.
نوارس: مامه تعرفين اني شكد احبج
ورفعت راسي عليهة اباوعلهة
سميه: الله مصلي على محمد شهل عيون اليخبلن
نوارس: يا لون عيوني
سميه: عسلي وبالشمس صارن صفر
.
نوارس
ابتسمت ونزلت راسي
سميه: فدوه لكلبج خجلتي
.
وجان يتصل موبايل امي شافته حنين تتصل عليهة وردت
.
سميه: الووو هلا حنونه
حنين: هلا مامه سميه شلونج
سميه: بخير لحمد لله
حنين: اكلج خلي نوروسه تجي يمنه
سميه: لا لا لا والله ما اكدر
حنين: اسمعيني امي راحت الزياره وباجر تجي
سميه: والله ما ادري اشلون اخليهة وحدهة تروحلكم
حنين: راح اخبار ابن عمي يجي ياخذهة
سميه: ماشي إذا هيج
.
.
نوارس
امي خلصت اتصل وكالت
سميه: راح يجي ابن عمج ياخذج الخواتج وحدهن بالبيت ورادنج ترحين يمهن
نوارس: هاا والله خوش اني هم مشتاقتلهن
سميه: اي روحي حضري نفسج قبل ليجي اخوج
.
.
نوارس
بسرعه كمت نزلت رحت لبست جبتي وحجابي وجان ادك الباب عرفت اجه ابن عمي
رحت فتحت الباب طلع نجاح
.
نوارس: هلو اشلونك
نجاح: هلا بيج عيني وين عمتي
سميه: هاي عمتك أهنأ
نجاح: ها عمه شلونج
سميه: لحمد لله وانته شلونك
نجاح: بخير اسال عليج
سميه: الله يسلمك ابني
نوارس: يمه شوكت نزلتي فززتيني
سميه: توني نزلت
نجاح : يا ريت تعجلين اشوي وياي لأن وراي شغل
سميه: يله مامه لعد روحي لشغلين الولد
نوارس: اوكي بيباي
سميه: الله وياج بتي
.
.
نوارس
وصلني نجاح لبيت أبويه بسيارته ودكينه الباب طلعت حنين النه
.
حنين: ولكم ليش هلكد اتاخرتو
نجاح: الست عجبهة تبقه اسولف
نوارس: لا هاي اجينه بسرعه
.
وطبينه للستقبال حوراء كاعده تنتضرنه هم
.
حوراء: هلا بنوروسه ياا ميه هلا
نوارس: هلا بيج يروحي
حنين: نوروسه سويتلج اشلون زلابيه تخبل
نجاح: بحيث من زلابيتهة ابجهج للغسل معده
حوراء: اسم الله عليهة لا طيبه كلش
حنين: خلي اجيبلج
.
.
نوارس
اني كعدت عله التخم وراحت حنين للمطبخ وجان يتصل موبايل نجاح هوه شاف الموبايل وكبل سدا
.
حوراء: منو اتصل؟؟
نجاح: ها صاحبي بس مو وكته هسه
حوراء: صاحبك لو غير شي
نجاح: شبيج حوراء حته عله هاي تحققين
حوراء: لا بس عدي منك سوابق فبعد ما اصدك بسالفه صديقي
.
واجيت حنين
..
حنين: اشبيكم
نجاح: شوفي اختج مدري اشبيهة
حوراء: هسه اني صرت اشبيه لو أتريد اذكرك
حنين: كافي اشبيج
حوراء: لا مو حسباله اني غشيمه عليه
نجاح: اشبيج كمتي ترعدين ذاك اليوم اختج حبيبهة مزوج ومرته حامل وما حجت بكدج
.
.
نوارس
كبل كمزت روحي من حجايته وفتحت عيوني عليه وساكته احس جعص كلبي بكلمته
.
حنين: