اوجاع طير النوارس

البارت 39

.
.
.
أسد
واني گاعد بالمستشفى بعد مطلبولي الدعم وجو ساعدوني وجبت جيلان عله المستشفى مع العلم اني اعرف شنو النتيجه بس گلت عسه ولعل اڪو امل بحياتهة .
.
واني گاعد عله الكرسي ومدنگ راسي والقهر ماخذني
.
واجه واحد من الشرطه اعرفه صديق قديم
.
جاسم:اسد
اسد:هاا شتريد
جاسم:تره الدڪتور ينتضرك اتوقع عله شهداه الوفاة مرتڪ
.
.
اسد
رفعت راسي ولدمعه نزلت عله خدي وبتسمت بستهزاء وگلت
.
اسد:(ابقهره)هاي صاري الثانيه تعوفني هيه وابني
جاسم:يله خويه عادي الله يعوضڪ اكيد
.
اسد
جاسم خله ايده عله جتفي وتني مسحت دموعي وهزيت راسي بنعم وگمت رحت شفت الدكتور واگفلي وطاني الشهاده الوفاة وقعتهة واني ما مصدك بالي صار بس احس روحي اشوط من جوه بحيث احس من تنزل الدمعه اعيوني تطلع منهن ناار وقسمت بيني وبين نفسي ما ارتاح اذا ما اخذ بثارهة وبثار ابني اذا ما اندمهم اذاا ما اعذبهم واحد واحد لو اعرف عله موتي
.
بس بالهدوأ راح امشي وياهم ما استعجل بعذابهم 
ومصحاني غير صوت جاسم
.
.
جاسم:اسد وياي انته
اسد:ايي وياڪ
جاسم:روح غسل وجهك بماي بارد اعيونك حمر اذب شراره خلي يهدأن
اسد:لا ما اغسل حته تبقه بيه الحرگه لحد ما اخذ حگي منهم
جاسم:ﷲيستر
.
.
.
༺الكاتبه : ضحى الطائي༻
____________________________
.
.
نوارس
بعد يوم اجني حوراء وحنين الي يابه اشگد مشتاقتلهن صار اشگد ما شايفتهم
.
واحنه جاي نسولف گتلهن
.
نوارس:اگللجن شغله
حنين:كولي
نوارس:تعرفن يوسف صديق عباس
حوراء:يااابه والله قديم بعده ويا عباس
حنين:ليش اشمدريج بي
نوارس:لا بس البارحه اجانه  وبس سؤال
حوراء:بس صدك حلو وشخصيه حلوه
نوارس:ايي والله صدك
حنين:هااا وللج الگلب رفف
نوارس:لا يابه موووهيج بس اسال
حوراء: ولج دحبي وانسي ذاك الاثول اسد
حنين:فدوه اروحلج حوراء اشوكت تتعلمين تحجين
نوارس:يابه اشبيجن بس هيج حجيتلجن شحبه مستحيل هل شي اصلن
حوراء:وليش مستحيل مثلن
نوارس: ما اريد لان اكتفيت من قبل اني
حنين: اعتقد لازم تنطين فرصه لنفسچ ولا تضلمين روحج ويه شخص صار مو الچ
نوارس:اووو اسكتن ما اريد سدن الموضوع
حوراء:اوڪي اشبيج ضجتي
نوارس:لا ما ضايجه بس اني الشفته وبه اسد مستحيل اورط نفسي مره ثانيه ويه اي شخص
حنين:اشبيجن اشتحجن هسه الولد يمكن حته مجايين براسه
نوارس:ايي والله شهل حجي اذا يسمعنه يمڪن يعفط النه
حوراء:هههههه اي والله
.
.
نوارس
واحنه جاي نسولف دگ تلفون حنين شافته
.
حنين:هاي امي جاي تتصل
حوراء:دري
.
وردت حنين الضاهر گالتلهة ارجعن نفس مبين بكلامهة وسدته وگتلهة
.
.
نوارس:اتريدچن ترجعن
حنين:ايي هم صدك اتاخرنه
حوراء:ايي راح اشتاق لنوروسه
نوارس: حبيبتي انتي اني هم راح اشتاقلجن والله
حنين:ديله حوراء كومي خلي اروح وانتي نوارس تعالي وصلينه للباب
نوارس:ادللي حبيبتي
.
وگمت وياهن وصلتهن للباب سلمت عليهن وفتحت الباب حته يطلعن انصدمت من شفت يوسف واگف گدامنه
.
.
.
يوسف
واني طالع افتر بسيارتي اجت ابالي براء اخت عباس صدك خطيه قاهرتني بقصتهة ردت اطمأن عليهة بس اشلون
واجت فكره ابراسي ودرت سيارتي ورحت لبيت عباس
طبگته گدرام الشقه ونزلت من السياره وترددت اشوي اروح لو زحمه بس رحت
صعدت لشقه عباس اريد ادگ الباب انفتح فجأه وبراء(نوارس) ابجهي طلعت هيه وخواتهة بقيت اباوع بس لبراء حته نسيت اسلم وگالت وحده من خوات عباس
.
.
حوراء:وعليڪم السلام
يوسف:هاا اسف اقصد السلام عليكم
حوراء:اسم الله عليك ليش متوتر تره نعرف بعض من قبل
.
وحنين تگرص حوراء من جوه وكالت
.
حنين: مو قصدهة تره جاي تشاقه بس معرفت اشلون تحجيهة
يوسف:عادي اختي حوراء ما اضوج منهة
حنين:اتفضل ليش بقيت واكف
يوسف:ها لا بس اريد براء اتروح اصيحلي اخوهة وباوعت لبراء
.
نوارس
حجاهة وباوعلي نسيت اني هم اسمي براء وكتله
.
نوارس:منو براء ..انيي (ومتعجبه)
حنين: ايي انتي يا حضيي وين عباس
نوارس:عباس ما موجود طالع
يوسف:هاا والله
نوارس:ايي
يوسف:اشوكت يجي؟
نوارس:ما اعرف ما گال
يوسف: يمكن گال لامج ساليهة
حوراء:عله شنو هل تحقيق كله انته اتصل عليه وشوف اشوكت يرجع
.
.
يوسف
جنت عمدن اسال اهواي حته افتح مواضيع ويه نوارس بس حوراء جاي تخربهة ضجت وكتلهة
.
.
يوسف:اعررف
حوراء: لعد يلله اتصلل
حنين:شبييج حوراء شعليج
حوراء:چا قابل مجذبه صدك جاي احجيي
حنين:(بهمس)لاا تحجين لعد وكرمينه بيكوتج
.
.
نوارس
عرفت يوسف يتقصد الڪلام وياي بس حوراء لازم تحجي😅 وهوه ايباوعلي واني ولا باوعت ابوجهة اجاوبه واني اباوع عله البنات واخر شي گال
.
يوسف:يله اروح اني براء خويه عود گولي لعباس اني اجيت
حوراء:نواارسس اسمهة
.
.
يوسف
طبگت حواجبي وباوعت لحوراء وكتلهة بعنتره
يوسف:اعررف لا تدخليين
حنين:يوسف ليش ما تتفضل يمنه
يوسف:لا اروح احسن الي
.
.
نوارس
من كال هاي الكلمه وباوعلي اشوي دار وجهة وراح حنين بس شافته راح ضربت حوراء عله راسهة وكالت الهة
.
..
حنين: والله ميصير براسج خيير لو تنگلب الدنيه
حوراء:اشبييج انتي ضجتي
حنين:وللج بابه عيب هل اسلوب الناس تكرهج ادگوم احجيي عدلل
حوراء:ليش ما شفتي اشلون يباوع عله نوارس تره اغار عليهة
نوارس:دكافيي فدووه تره مالي خلك عركات
حنين:امشي بالبيت اربيج امشييي
.
.
نوارس
ضحكت عليهن صدك ونسه جوهن اتحسر لان اني بعيده عله خواتي بس مو بيدي
راحن وسديت الباب وراهن ورجعت لغرفتي
.
.
.
♥
༺༽الڪاتبه:ضحى الطائي༼༻
_________________________
.
.
.
اسد
صار سبوع عله وفاة جيلان واني النار بيه مشتغله احس دين ما باقي براسي اربعه وعشرين ساعه اخطط اشلون اخذ بخقي
.
واني گاعد عله السرير وتصل مبايلي شفته من الشغل
.
اسد:الووو
الشغل:السلام عليكم سيد اسد
اسد: وعليكم السلام تفضل
الشغل:اخر شخص حققت ويا انته وهوه الجريمه مالته مجرد صرقه وانته مفلشه للولد حالين هوه بالمستشفى حالته خطره
اسد:والمطلوب شنو؟؟
الشغل:انته اعصابك متوتره من قبل اسبوع ومشاڪلك بالمرڪز كثرت كلش
اسد:ويعنيي
الشغل:الرأيس گال تاخذ اجازه شهر تكعد ترتاح وتفكر بالي جاي اسوي
اسد:ههههه والله شغله عله كلشي كامو يكعدوني من شغلي
الشغل:هاي مطالب الرأيس ولازم تمشي عله الكل
.
اسد
اتنرفزت من كلامه وگتله بعصبيه وهدوء
اسد:ماشي لازم تمشي يله بايي
.
وسديت الاتصال ابجهة وحييل ضايج هوه مفري الوحيد الشغل انوب ايكعدوني شهر اكتل روحي غيرر
ونعلت الشيطان وكمت عله مكتبي وطلعت الحاسبه مالتي صار اشگد مفاتحع ولا شايفهة
.
ومن فتحتهة شفت صوره نوارس واجهيه مخليهة گبل فتحت عيوني وبقيت اباوعلهة وخليت ايدي عله الصوره اترقب تفاصيل وجهة ناسي امرهة بس من شفتهة احس گلبي گمز من مكانه
وما حسيت غير الدمع گام يمشي عله خدي ما توقعت راح يجي هيج يوم انڪسر بي هلگد
.
واني وابجي گلت لصوره
.
اسد(ابجي):حبيبتي نوروسه محتاجچ
ونزلت راسي عله الحاسبه وبجيت بقوه لان عايفهة هسه اكيد حسبالهة عايش قصه حب ويه جيلان ضلمتهة حييل
.
بس قويت نفسي ورفعت راسي ومسحت ادموعي وگلت لصوره
.
.
اسد:اوعدج يا حييلي بس اخذ حقي منهم اجيج اوعدج بس اصبريلي اشوي
.
.
._____________________________
.
{{''بعد مرور 7اشهر }}
.
.
نوارس
مرت سبع اشهر لاخ وماكو اي خبر من اسد يعني صارله سنه گامله مسامعه صوته بيهة وطبعن هسه هوه يمكن ميفكر بيه فاني قررت اتغير وغير حيياتي ما اكول نسيت مستحيل اگدر انسه لحضه وحده طاري اسد بس لازم امشي بحياتي
.
.
اما بالنسبه لخواتي فحنين خطبهة وسام وعاشت احله قصه حب ويا وبالنسبه لحوراء فزعلانه من نجاح وهوه حيل قافل عليهة وما يرضيهة
وبالنسبه لعباس فهوه احن واحسن اخ وڪل يوم احمد ربي عليه
وبالنسبه ليوسف فبقه دوم يجي ويساعد عباس واكثر گعداته يمنه اني ما مطيته وجه لان بعدني احب اسد بس اعرف بي هوه يجي حته بس ايشوفني ويقوي علاقته بيه بس اني محابه هل شي ابدد
.
.
للحاضر
نوارس
واني وحدي بالبيت لان عباس اخذ امي عله مراجعه عدهة بالمستشفى واني بقيت
وجاي انضف سمعت الباب اندگ حسبالي اجه عباس وامي فرحت افتح بسرعه فتحت الباب طلع ابجهي يوسف اتعجبت
.
.
يوسف:السلام عليڪم
نوارس:وعليكم السلام
يوسف:أاا .بس عباس موجود
نوارس:لا اخذ امي عله المستشفى
يوسف:خوما بيهة شي خالتي
نوارس:لا لا مجرد مراجعه
.
هز راسه بنعم وشوي وگال
.
يوسف:عادي ادخل احجي وياج بموضوع
.
نوارس
اتعجبت وخفت منه وفتحت عيوني وكال
.
يوسف:لا لا لتخافين بس احجي كلمتين وروح
نوارس:احجي اهناا
يوسف:اشبيج مراح اسوي شي لتخافين
نوارس:منو گلك اني خايفه
يوسف:اوكي.....راح احجي
نوارس:تفضل
يوسف:.....تقبلين تزوجيتي
.
نوارس
انصدمت بالي گاله وگتله
نوارس:شنوو؟؟
يوسف:نفس ما سمعتي تزوجيني لان حيل احبج
.
نوارس
بقيت ساكته حرت شحجي هاذ ويا ونصدمت وگال
.
يوسف:لجاوبين هسه ما مجبوره فڪري بالموضوع زيين يله اجاوبين والله احبج حييل وعيشج احله عيشه تستحقيهة
.
.
نوارس
بقيت ساكته ومصدومه عله حجيه صراحه وكال
.
يوسف:يله اترخص اني بيباي
.
.
وراح ولني بقيت بصدمتي والله متوقعت هييج ابدد
سديت الباب ودخلت جوه للبيت حته نسيت شنو جنت اسوي بس بنفس الوقت اسد احتل عقلي اشلون اقبلل بهاذ واني بالي يم اسد معقوله هاهيه بعد انتهينه
.
.
.
༺الڪاتبه:ضحى الطائي༻
_________________________
.
.
.
اسد
بعد ما مرت سبع اشهر بالضييم وشلاع الگلب واخيرن لگيت الخطه المناسبه هذول لحياوين  يستاهلون مستحيل اترك الهم شي اذا ما طلع حگي اضعاف
.
.
اتصل عليه احمد ورديت
.
.
اسد:همزين من اذكرت عندك رفيج ودكيت
احمد: افااا عليك اسد متعرف شغل عدي
اسد: صح الله يساعدك
احمد:هسه مگتلي شناويي
اسد:ناوي اشگ ڪل واحد اذاني
احمد:اخخ ولا تبطل
اسد: طبعن مستحييل
احمد:وراهة اشراح اسوي حته اشوف اجيك لا
اسد:اروح لنوارس
احمد:شنووو نوارس بعدك عليهة؟؟؟؟
.
.
.
النهايه