اوجاع طير النوارس

البارت 54

.قبل قرائه البارت نبدي~~ بالصلاة على النبي محمد صل الله عليه وسلم ~~
°
°
اتمنه الكل الي يقره يطيني رأيه بالقصه وطبعن هاي قصه واقعيه بس تحتوي عله اضافات بصيطه
.
وارجع وكوللكم القصه حقيقيه بس تتواجد بيهة اضافات اصغيره
.
اتمنه تعجبكم الكتابه وتطوني رأيكَم بالتعاليق حته تفرحوني
.
.
.
.
((((الكاتبه؛ ضحى الطائي)))))
.
.
_______________________
.
.
نوارس
خذوني هاذ الولد الاول الحباب ولد ثاني ما شايفته
.
كاضيني من اديه ومشون بيه واني اباوع حوالي دنيه ليل صايره وكبور وحواليهن شجر ونخل اني من شفت لكبور حسيت هبط ضغطي بعد ايست من روحي
ويمشون بيه لحد موصلنه ابنص المقبره وهيه حييل اجبيره
وصلن لكبر مفتوح يعني حفره باوعت اله ومتت خوف ودموعي تنزل جان هاذ الولد الثاني كضن من جتفي ودفعني عله الكاع وكعني وكعدت واني ابجي
.
.
.
الاول؛ عله كيفك يابه
الثاني؛ تره راح ندفنهة وانته خفت عليهة لان كعدت
الاول؛ يلله حضر القبر حته انزلهة بعد
.
.
نوارس
بجيت بقوه والثاني خذه كرك ويلم اتراب وجان اتقرب عليه الاول وكال
.
.
الاول؛ (بهمس) لا تخافين راح انقذج
.
.
نوارس
اشلون ينقذني وهاذ موجود ما ادري حرت
جان شمر الكرك الولد وكال
.
.
الثاني؛ يله خلي نخلص ونولي طفيت من النعاس
الاول؛ اوكف انتضر اروح للتواليت واجي ابسرعه
الثاني؛ شني متوازي بعدين مو هسه
الاول؛ ايي هسه انتضرنيي رايح
.
.
نوارس
راح الولد الحباب وبقه الثاني باوعتله وهوه باوعلي وكال
.
.
الثاني؛ اله خمس دقايق ما يجي اني اخلص
.
.
.
.
__________________________
.
.
.
اسد
جاي نمشي بالبستان باتجاه المقبره اني وتلاثه وياي من الجنود فكلت الهم
.
.
اسد؛ يله شباب خلي نتفرق بعد وشوفو علمود نطمان عله بعض اذا لكيتو واحد ابدربكم اضربو طلقتين بسرعه حته من نسمع صوت طلق مرتين نطمأن بانو انتو الي كتلتو بس اذا طلقه معناهة استهدفوكم والثاني ايساعد مفهووم
الجنود؛ حااضر سيدي
.
.
.
اسد
اتفرقنه واني جاي امشي وعبرت كوم شجر ونخل وكلساع حسبالي احد اجه بس تطلع حركه عاديه
كاض كلبي من امشي وجان اسمع صوت رمي طلقه وحده يعنيي واحد منهم اصوب اتوترت
.
ومشيت وصلت لنهايه لبستان وشوف لمقبره من ابعيد وجان ما اهيس احد اجه من الجهة الثانيه ركض وبدون ما يدري انضرب بيه واني كبل دفعته عله الكاع ورفعت اسلاحي عليه وكتله
.
.
.
اسد؛ لا تتحرك
الاول؛ لا لاا سيديي اجيت اسااعد
اسد؛ شنوو اساعد انته مو تشتغل ويه لكواد زايد
الاول؛ نعمم سيدي بس شفتهم خاطفيين ابنيه من عرسهة ابنيه اصغيره وينوون ايدفنووهة سييدي
.
.
اسد
عرفت جاي يحجي عله نوارس كبل كضيته من ياخته وكتله
.
.
اسد؛ (بعصبيه) ويينهة ويينهة احجيي
الاول؛ سيدي وصط المقبره بس متكدر تدخل وحدك  يكتلووك
.
.
اسد
وخرت منه وكتله
اسد؛ شسمك انته؟
امير؛ اميير اسمي سيديي
اسد؛ راح اتروح وياي يا امير  اتساعدني
امير؛ حاضر سيدي بس لازم تلحك
.
.
.
.
....................
.
.
نوارس
كاعده اني وهاذ الولد اتاخر وكال اليمي
.
الثاني؛ تاخر مرت اكثر من ١٠دقايق خلي اكمل شغلي
.
.
نوارس
اجاني وكضني من ازنودي وكومني واني بجيت ابقوه وتوسلت بي
.
.
نوارس؛ (ابجي وخوف) لاا فدووه لاا والله حرام مالي ذنب انيي فدوه عووفنيي
الثاني؛ كاافيي لا تعذبيني يلله
.
.
نوارس
وجان دفعني وكعني بالكبر واني كبل كعدت عدل ردت اكوم وهوه نزل يمي ويدفع بيه ايريد اينومني عله ضهري واني ما اكدر ادفه ادي مكلبجات من وره
وجان ايخلي ابلوك عله الفستان مالتي ورجلي واجتوفي حته لا اتحرك وخر مني وطلع من الكبر واني ابجي واعيط
.
.
نوارس؛ (ابجي وعياط) لاااا فدوووه ابووس اييدك فدووه عووفنيي
الثاني؛ كاافي يله عود سلميلي عله ربج بالطريق
.
بقيت ابجي وتوسل بس ماكو نفع بدون احساس
وهوه شال الكرك وبده ايذب عليه اتراب
.
.
.
...................
.
.
اسد
دزيت امير ايشوف الدرب بس اتاخر فكلت خلي اتحرك اني احسن
فمشيت عله كيفي طلعت من البستان توني وما احس اله مسدس طخ راسي من وره واحد كال
.
زايد؛ هاا ولك قشمرر حسبالك تفلت
.
.
اسد
درت وجهي عليه وهوه مخلي السلاح ابجهي وكال
.
.
زايد؛ اشمر شكو الي عدك يله يللله لا افرغ هاذ براسك
اسد؛ ماشي
.
اسد
شمرت المسدس من ايدي وفتحت الاحزم الي رابطه بمتوني وبي رشاشه وشمرته بالكاع وفتحت احزام الدخيره مال شواجير وشمرتهة ورفعت اديه وكتله
.
.
اسد؛ هاي شمرت كلشي ارتاحيت
زايد؛ رااح انهييك يا اسدد
اسد؛ ماشي يله مادام اني كدامك
زايد؛ تدلل
.
.
.
اسد
سحب المسدس ابجهي وجان كبل ضربت ايده وسحبت السلاح وهوه كض ايدي وطلع سجينه راد يضربني ابطني بيهة بس مجابهة بالمكان العدل واني وخرت وضربته بوكسي  وهوه مجلب بايدي الي كاض بيهة لسلاح وجان كض لسلاح بايده الثانيه واني جريت السلاح وشمرته بعيد وخرت منه وهوه اجه بكل عصبيته عليه يركض وضربني سجينه ابجتفي واني من عصبيتي شلته وركعته بالكاع وكعدت فوكا وشلت السجينه من ايدي وهوه ايحاول ايوخرني ضربته سجين ابركبته وكفت حركته وكعت اديه
واني وخرت منه وبقيت اباوعله ومسحت ايدي من الدم ابثوبي وعفته ورحت
.