اوجاع طير النوارس

البارت 9

.
.
.
نوارس
كعدت الصبح الباب مال غرفتي جاي ايدك كوه فتحت اعيوني وكمت واني مطفيه من النعاس فتحت الباب شفته مصطفى
.
مصطفى: صباح الخير
نوارس: هلو شنو شصاير
مصطفى: اسف عله الازعاج بس راح اروح للشغل
نوارس: ايي وشسوي اني
مصطفى: نوارس اسف عله البارحه الصار مو قصدي
نوارس: كافي سد لموضوع اريد انام
مصطفى: اي راح اعوفج وروح بس ممكن اطلب طلب
نوارس: كول
مصطفى: لدكولين لاسد عله الصار خلي بينه
.
نوارس
رفعت حواجبي وباوعتله وكلت
نوارس: لضاهر خايف من رد فعله من يعرف
مصطفى: لا مو اخاف بس عيب يعرف استحي منه
نوارس: يعني اذا اكله مراح ايسوي بيك شي
مصطفى: نوارس خليهة بينه وهاهيه اله ادكوليين
نوارس: الله كريم باي
وسديت الباب الغرفه وعفته ورجعت لفراشي اتغطيت وفكر ابرد فعل اسد اذا عرف شيسوي معقوله ميهتم لو شنو مراح اكله احسن ايي احسن
.
مصطفى
سدت الباب ابجي واني عفتهة ورحت بعد نزلت ورحت للشغل
.
.
اسد
واني بالدرب رجعت وصلت البيت فتحت مبايلي شفت الساعه ب١٠ونص زين ما متاخر كلش
طبكت السياره بالباب مدخلتهة وفتحت باب الشارع ودخلت مشيت فتحت باب البيت ودخلت رحت ردت اصعد للغرفه شفت نوارس بالمطبخ جاي تنضف السنك وما منتبهتلي دكيت الباب بالمحبس البأصبعي
.
.
نوارس
واني جاي امسح بالسنك وانضف سمعت اندك الباب مال مطبخ فزيت ونداريت شفت اسد واكف يم الباب ايباوعلي فرحت حيل ابشوفته ابتسمت ابجهة ابتسامه اكبيره واحس كلبي راح ايطير من مكانه هاكد مدك بسرعه وكتلهة
.
نوارس: ياا هلاا رجعت
اسد: ايي رجعت خلص شغلي من وكت
نوارس: لحمد لله لان رجعت
اسد: فرحتي من رجعت
نوارس: ههه اي والله
اسد: ليش خوما سوالج شي مصطفى
سالتهة هيج اشوفهة تحجي او لا
.
نوارس: هاا لا ما مسويلي شي بس اني متعوده عليك
اسد: متأكده
نوارس:(خفت من هيج كال وكتله)اأايي ما مسوي
اسد: خوش اني اصعد ابدل ملابسي واسبح يمكن وانزل وانتي سويلي جاي
نوارس: حاضر
.
اسد
صعدت واني ضايج محجت الي صار بينهم بس راح اطيهة فرصه لاخ وارجع اسالهة اذا محجت اني اعلمهة بس اذا حجت وبررت موقفهة لا راح اسامحهة واعاقب مصطفى لعود ثقيت بي
ورحت خذيت ملابسي ودخلت سبحت
.
نوارس
واني مخليه القوري عله النار وفكري طاير
معقوله اسد يعرف لا لا مستحيل يعرف ومصطفى ميكله لان هوه منعني ما اكله
بس يمكن حس بيه لان خفت من كال متاكده ايي اي حس بيه مستحيل يعرف وراح ما ابين اله بعد
.
.
اسد
خلصت سبح واجيت وكفت يم الميز امشط بلحيتي وباوعت عله روحي وكلت لنفسي
اسد: ولك هاي الطفله تلعب عليك نعله عليهة واني هنوب مصطور بيهة من خره بيه وبيهة
.
وضربت الميز بادي اثنينهن وكلت
اسد: ما عاش ليلعب عله كلبي
وخرت ورحت نزات كعدت بالهول عله التخم وصحت
.
اسد:(بصوت عالي)نوووارس
نوارس: اجيت هسه جايه
اجيت وجبت وياي الجاي لاسد وعفتهة كدامه عله الطبله
.
اسد: شكرا
نوارس: تدلل
اسد: كعدي هناك كدامي خلي نحجي
.
نوارس
هزيت راسي بمعنه نعم وكعدت عله التخم الكدامه واباوعله وهوه شرب نص من استكان الجاي وكال
.
اسد: هم ضوجج مصطفى بشي لو حجاله حجايه
نوارس: لا بشنو قابل ايضوجني
اسد: يعني مسوه شي ايضوجج بي
وصغرت اعيوني وعاكد حواجبي واباوع عليهة بعصبيه
.
.
نوارس
من نضرات اسد لعصبيه لحاده عرفت من يمهة هوه يعرف بالصار بيني اني ومصطفى بقيت ساكته ونزلت راسي واحس اعيوني غوركن كوه كاضتهن ميبجن
.
اسد
شفتهة دنكت راسهة كبل كمت وكفت كدامهة كلش وهيه بعدهة كاعده ومنزله راسهة
رفعت راسهة بصابيعي لثنين بهدوأ واني اعصابي طافره وهيه خلت عيونهة بعيوني وعيونهة غركانات بالدموع وكتلهة
.
اسد:(بعصبيه)يعني صاير شي بينج وبينه
نوارس: اسد بسس
.
اسد
مخليتهة اتكمل حجيهة سكتتهة ابراشدي من قوته ايدي كامت توجعني وهيه انضربت بأيد التخم وكضيت وجهة بقوه ودرته عليه وهيه تبجي وكتلهة
.
اسد: ولج عغتج يومين بس يمه البوس صار ابفلس ولا كله من الحلك
.
نوارس
هوه كاض وجهي كلش قوي احس فجي ايريد ينكسر من الوجع واني كاضه بأيده اريد اوخره وابجي وهزله راسي بمعنه لا
.
اسد
واني اباوع لوجهة اشلون صار قطعه حمره واثار ايدي عله خدهة دفعتهة عله الكاع وكعت وكتله
.
اسد: الما يقدر خير اسد ما قدره بنعال
ورحت
.
نوارس:(بصياح)والله مو برضاااتي هيج سوه والله اسدد
.
اسد
عفتهة وصعدت لغرفتي دخلت وسديت الباب عليه احس راسي راح ينفجر كضيته ونمطلت عله السرير بقت الافكار تاكل براسي لحد مغلبني النعاس ونمت
.
.
نوارس
كمت من مكاني ولوم بروحي لان صوجي مكتله من البدايه جان مصار كل هاذ ولا عصب عليه صعدت لغرفتي دخلت وسديت الباب مشيت ورحت عله السرير انمطلت ابنصه وكرفصت واني مجلبه بالبدي بكل قوتي وعيوني ادمع وكلت
.
نوارس:(ابجي)يا بويه يا عيسى كتلي اصير قويه وتحمل بس ما اكدر لكل هاذ والله الدنيه مجاي تطيني فرصه اكوم شسوي كل ماكول فرجت تنسد وهاي طلعتي صفح نوب اني جنت مرتاحه ويه اسد كلش وهوه كلش زين وياي وحباب بس خرب كلشي يا بويه مو كتلك راح اتبهذل من بعدك ليش عفتني من بعدك صفيت بالشوارع نوب بالمخافر وهسه واحد ميخاف ربه بيه هيج سوه
.
بقيت احجي ويه روحي وابجي ردت احاول انام مكدرت وجت فكره ابراسي اروح اراضي اسد
كمت من مكاني احس نفسي بدون وعي اريد اسوي ايشي بدون تفكير
طلعت من غرفتي ورحت لغرفه اسد كبل فتحته ودخلت شفت اسد نايم ومندار عله جهة الباب ومجتف اديه
واني اتقدمت عليه صعدت من جوه عله الجربايه وحضنت رجليه بقوه وابجي بصوت عالي وهوه فز
.
اسد
فزيت عله شي نزلت راسي شفت نوارس حاضنه برجليه وتبجي بصوت عالي وعطت بيهة
.
اسد: (بعصبيه)اشبييج وخري
نوارس: (ابجي)فدوه لا اضوج عليه ما عدي غيرك والله
اسد: نوارس وخري مني احسلج
نوارس: انته مو عود ابويه واني بتك ماكو واحد هيج ايسوي ابته
اسد: لا جنت غلطان ويله وخرري
كمت احرك ابرجلي واريد اوخرهن منهة مكدرت حاضنتهن بكل قوتهة وعطت بيهة
اسد:(بعياط)وللج وخرري
نوارس:(ابجي) ما اوخر اذا مترضه عليه وصدكني
اسد: وبشنو اصدك
نوارس: مو ابرضاتي من باسني والله حته ضربته وروح ساله اذا اجذب
اسد: مصدك يله وخري
نوارس: كوول والله
اسد: والله مصدك والله بس وخري
نوارس: هاي وخريت
وخرت من رجليه وكمت من السرير وبقيت واكفه كدامه وهوه عدل كعدته وباوع عليه
.
اسد
هيه كامت وكفت كدامي واني عدات كعدتي واني باوعت عله وجهة متروس ادموع واحمر كضيت ايدهة وسحبتهة عليه وكفت كدامي كلش ونزلت كعدت عله ركبهة يم رجلي واني كضيت وجهة ومسحت ادموعهة وبستهة من راسهة وكتلهة
.
اسد: والله اطلع حق كل دمعه نزلت بسببه
نوارس: اريدك بس اصدك بيه
اسد: امصدك بيج لتخافين
وهاذ اله اندمه
نوارس: لا خلي ايولي
اسد:(بعصبيه)لا اريد اطيح حضه حته يعرف انتي وراج زلم وسند وميصتصغرج بعينه هاذ لقندره

.
نوارس
فرحت من هيج كال حسيت صدك عدي سند ونسند عليه وكتله
.
نوارس: شكرا
اسد: فدوه لكلبج بس بعد لتسوين هيج وجلبين ابرجليه 😅
نوارس: ههه انشاء الله
اسد: يله كومي روحي لغرفتج ارتاحي
.
نوارس
هزيت راسي بمعنه نعم وكمت طلعت من غرفته وسديت الباب ورحت لغرفتي واني طايره من فرحي لان رب العالمين سخرلي واحد نفس اسد ودعيت ربي ايحفضه الي كون من كل شر
.
.
اسد
راحت نوارس واني كمت بسرعه طلعت ملابسي من الكنتور وبدلتهن بسرعه وخذيت سويج سيارتي ورحت نزلت بسرعه شغلت السياره وتصلت عله مصطفى سالته وين هوه كلي بالمخفر وكتله راح اجيك هوه اتعجب لان رجعت اليوم وكبل حركت السياره ورحت
.
وصلت للمخفر دخلت شفت مصطفى واكف ينتضرني يم باب الدخوليه واني رحت عليه ومفوره اعصابي وشافني
.
مصطفى: هلا بأسد
اسد: لا هلا بيك
وضربته دفره ابنص صدره اجت دفعته الليوره وكعته وكضوني لزلم يردون يهدوني
.
مصطفى: اسد شبيك شصاير
اسد:(بعياط وعصبيه)قبل لسوي اشيشي اعرف اكو زلم وره لبنيه تمسح شواربك بالنعال
مصطفى: هيه لتحرشت بيه مو اني
اسد: اكللل خرره اني مراقب الكامرات بكل لحضه تخطيهة بالبيت وعرف كلشي
الجندي: اهدأ سيدي شصاير عله كيفك
اسد: اتريد تعرف تردوون تعرفون كلكم شسوه هاذ القذر(بعيااط)
الجندي: شسووه احجي
اسد:يتحاارش بطفله ايي بطفله عينه نحست عليهة
من هيج كلت وخرو مني مي ولمخفر كله ايباوع عله مصطفى وهوه مصفر وجهة واني تقرب عليه وكتله
.
اسد: عود ثقيت بيك
وفلت ابنص وجهة ودرت وجهي ورحت هاي تكفي طول عمره انمسحت كرامته بالكاع كدام الشرطه والجنود وهاي اذا ما فصلو من شغله عله السوا لان ينحسب متحرش ولازم يتعاقب
شغلت السياره وبقيت افتر حته ابرد اعصابي اشوي واجت فكره براسي
.
.
نوارس
تاخر الوقت واسد مراجع للبيت حته سوت عشه وبقت انتضره صارت الساعه ب٨وعشره واني كاعده بالهول انتضره فتح الباب ودخل اسد كبل كمت من مكاني ومبتسمه شفت شايل بيده علاكه اشوي كبيره اتعجبت اشبيهة هاي
.
اسد
دخلت للبيت شفت نوارس مبتسمه واكفه يم التخم اجيت كعدت كدامهة عله التخم
.
نوارس: شنو هاي
اسد: تعرفين كلش زين هيه الج
نوارس: ههه لا مو هيج
اسد: هاج وروحي كدر عليج
نوارس: وهوه شنو
اسد: اخذي وروحي وتعرفين شنو
.
نوارس
خذيت العلاكه من ايده ورحت صعدت ابسرعه لغرفتي فتحته وطلعت من يمهة اتراك كلش حلوو ماروني كلش حلو شتوي وطلعت بنطرون وبدي شتوي مال طلعه كلش حلو
عجبني حيل وطرت من الفرحه لبست التراك اول ورحت ابسرعه نزلت اشوفه اله هوه بعده ابمكانه شوفته واني فرحانه
.
اسد اجت ولابسه لتراك وكفت كدامي واني اباوع عله طولهة اتخبل طالعه
.
نوارس: شلونه عليه
اسد: ايخبلل عليج
نوارس: والله
اسد: والله كلش حلو اجننين
نوارس: راح اروح اكدر الثاني وارجع
ورحت ركض فرحانه كللش ورحت صعدت نزعت لتراك ولبست البنطرون ضيك اشوي ولبست البدي عريض كلش حلو بي فرو ناعم ولونه سمائي لبستهن ونزلت بسرعه رحت لاسد وكفت اكباله
.
نوارس: وهاذ اشلونه
اسد: هوه حلو وانتي محليته بعد اكثر
نوارس: هههه لا كول اشلونه عليه
اسد: يجنن بنيتي انتي
نوارس: شكررا
من فرحت بقيت اباوع لروحي واني واكفه كدام اسد
.
اسد
شفت الفرحه ابجهة كلش فرحت بيهن نوارس كمت من مكاني وكفت اكبالهة وكضيتهة من خدودهة وبستهة من راسهة وكتلهة
.
اسد: اسف لان ضربتج اليوم
.
.
.
يتبع....