اوجاع طير النوارس

البارت 16

.
.
عباس
واني رايح لامي احجيلهة كلشي عله اختي براء وشيصير خلي ايصير حته اذا ابويه طلك امي ابسببي عادي اعيش اني وبراء وامي وحدنه بالشقه لمشتريهة ابويه لامي وباسمهة واني اشتغل وعيشهن
وصلت للشقه صعدت الهة وهيه بالطابق الثاني فتحت الباب كبل لان عدي نسخه من المفتاح دخلت شفت امي نايمه فارشيلهة بالكاع اجيت كعدت عله اركبي ابصفهة وشلت ايدهة وبستهة ابهدوأ وهيه فزت
.
سميه: عباس وليدي
عباس: يا هلا بعافيتي
سميه: ربي يحفضك وليدي بس لريد اسال سؤال
عباس: كولي يا بعد راسي
سميه: بس تحلفلي ادكول الصدك
عباس: وداعتج اكول الصدك
سميه: ليش ابوك جابني اهنا اشصايرر ليش وحدي اني
.
عباس
تحجي امي ودموعهة تنزل عله هدهة انقهرت عليهة وكبل رجعت بست ايدهة وكتلهة
.
عباس: راح اكلج يمه بس مو تنصدميت
سميه:(ابجي)شصايرر كوول كلبي مشكووك والله
عباس:(ابتردد)يمه بنتج ببا..براء
سميه: (بعياط وبجي)عااايشه بنتي عاايشه وينهة ارييد بتييي
.
.
_____________
.
.
اسد
واني واكف بالحديقه ودخن ودنيه صبح اتريد اصير ضهر(الضحى) وافكر هسه عباس حجه لامه عله نوارس لو بعده وكلت اجيس نبض اتصلت عله عباس مرد المره الاوله المره الثانيه رفضني عرفت هسه هوه مشغول خليت ورجعت دخلت للبيت شفت نوارس كاعده بالهول عله الدرج اجيت كعدت ابصفهة
.
.
نوارس
واني كاعدع عله الدرج وصافنه وافكر هسه امي عرفت بيه لو لا لو غلسو عليه وكالو الهة اشوي واجه اسد باوعتله وهوه اجه كعد ابصفي وكتله
.
نوارس: اشوكت اشوف امي؟
اسد: لتخافين عن قريب
نوارس: خاف ما كالولهة ومتعرف هيه
اسد: لتخافين حدهم لحد باجر اذا ما ردونه جواب اني اخذ الشرطه وروح الهم لتخافين
نوارس: شكرا اسد ربي يحفضك ما اعرف شسوي لو انته مو ابحياتي انته ساعدتني اهوايي وبفضلك كل هاذ
اسد: كافي لتحجين هيج انتي بنيتي وحبيبتي وعيوني تستاهلين كلشي
.
نوارس
اباوعله وبتسمت ابجهة وهوه خله ايده عله خدي وبتسم وكبل مبايل اسد دك وهوه جاوب
.
اسد: هلا بعباس....شنوو.......ايي ايي اشوي ويمك انصير......عفيه عليك.......يله باي
.
وسد الاتصال
.
نوارس: شنو شكوو
اسد: لازم اروح
.
.
_____________
.
.
عباس
حجيت كلشي لامي لبارحه وشلون براء اجت وشلون ابويه طردهة احجي وامي شابعه بجي واني ممطول ابصف امي وشويه ما احس اله ابويه دخل للشقه مالت امي هوه وياسر اني كبل كمت وهوه اجه ابسرعه عليه وعصبي كلش وكال
.
علي: حجيت موو
عباس: وهاذ هوه الصح
وما احس اله ابويه صمطني ابراشدي كلش قوي وامي كبل كعدت عله حيلهة وابويه راح وكف يمهة وهيه كضته من الدشداشه مالت ابويه وتعتعت بيهة بيهة وصيح وتبجي
.
سميه:(بعياط وبجي)ولك عللي بنتي ويين اريد بنتي الله ينتقم منك ولك تضم عليه بنيتي الله ياخذك جيبلي بنتي
علي: ايي اي راح اجيبهة كافي اتعيطين فضحتينه موو اسكتيي
سميه: يلله جيبهة هسه يلله
علي: عباس يله اتصل خليي ايجيبوهة النه هسه
عباس: حاضر
.
عباس
واني جاي اتصل عله اسد ياسر اتقرب عليه وهمس يم اذاني كال
.
ياسر:(بهمس)عفيه عليك لعبتهة صح
.
وخر مني وجاوب عليه اسد وكتله هسه ايجيب براء امي اتريد اشوفهة وهوه كال اشوي وصير يمك وسديت الخط
.
سميه: راح تجيي
عباس: ايي اشوي وتجي
علي: بصيطه يا عباس
سميه: اسكت انته هااي ابنيتي وهاذ ابني مالك حق تحجي ايشي
علي: هااي هم بنتي واني ما اريدهة
سميه: لعد طلكنيي وخليني انيي اعيش وياهة وعبااس
.
علي سكت ما حجه شي كبل دار وجهة وراح للمطبخ ولحكه ياسر وكاله
.
ياسر: يله بويه لضوج عادي
علي: شوف ياسرر راح تجي هسه براء وراح اخليهة ترجع ويه هاذ الجابهة وكللهم باجر جيبهة هيه وغراضهة بعد
ياسر: واني شنو لازم اسوي
علي: ما اريد الصبح يطلع وبراء يم اللواء اسد مفهووم
ياسر: اخطفهة قصدك؟
علي: ايي اريد اتعيد الماضي بيهة وما اريد اشوف وجهة بعد
ياسر: وين اوديهة
علي: دبر مكان الهة اطيهة لواحد ايريد يزوج بعيد علينه وميعرفنه مفهوم سالفه براء اريد تنسد
ياسر: حاضر بويه
.
.
___________
.
.
اسد
ابسرعه اخذت نوارس ورحت للموقع الشرحليا عباس لشقه وصلنه وطبكت سيارتي ونزلت اني ونوارس ونوارس مخنوسه وتتنفس ابقوه اجيت كدتهة من ايدهة هيه باوعتلي وبتسمت وكتلهة
.
اسد: يله وره عاذ الدرج تتغير حياتج
نوارس: انشاء الله
وكبل مشه اسد وهوه كايدني واني مشيت ويا وصعدنه للطابق الثاني واني كل خطوه اخطيهة تزداد دكات كلبي وخوفي
اسد دك الباب
.
اسد
دكيت الباب وباوعت النوارس اشلون خايفه ومتعرف شسوي
فتحو الباب عباس طلع النه
.
اسد: الحمد لله خسبالي خربطت
عباس: هلا بيكم تفضلو
.
نوارس
دخلنه واني جاي امشي ودموعي تنزل تيهني اسد واحس رجلي يمشن من وحدهن وروحي جاي تنجذب للهول واني دخلت للهول وشفت امريه كاعده عله الفراش مو حيل اكبيره وفاتحه اعيونهة العسليات ودموعهة تنزل واني بقيت واكفه اجمدت ابمكاني وكمت ابجي ابصوت عالي عرفتهة امي اول مشفتهة لان الشبه بيني وبينهة اكبيير كلش وهيه تبجي مدت ايدهة الي وكالت
.
سميه:(ابجي)تعاالي يمه تعاالي لحضني
.
نوارس
واني ابجي ما احس اله رجلي ركضن الهة وذبيت نفسي عليهة وكعت ابحضنهة وحضنتهة ابكل قوتي وابجي ابصوت عالي وهيه حاضنتني وتبجي وتمسح ابراسي ودكول
.
سميه: يمه بنيتي برااء يمه ياا حبيبتيي ياا عطر الجنه والله عرفت انتي عايشه والله ما ايست فد يومم من جيتج ياا بنيتي ياا بعد حييليي
.
نوارس
تحجي وتبجي امي واني ابجي وياهة وحاضنتهة ابقوه وهيه كاضه راسي وتبوس بي واني رفعت راسي وباوعتلهة وكتلهة
.
نوارس:(ابجي) ماامه مشتاقتللج مشتاقه لحضنج لمشاايفته
سميه:(ابجي)يا حبيبت امج اني موجوده بعد لتبجين يا بعد كللبي فدوه اروح لوجهج لحلوو
.
نوارس
ورجعت حضنتني وتبجي
.
اسد
اني اباوع عله نوارس اشلون تبجي وشلون ذبت روحه ابحضن امهة وباوعت العباس كاعد عله اركبه ومنزل راسه ويبجي و ما احس اله دموعي نزلن عله خدي كبل مسحتهن بس بقن ينزلن وباوعت لنوارس اشلون وجهة صار احمر من البجي اتمنيت اروح ومسح كل ادموعهة
يا ربي اشكد صعبه حالتهة انقهرت كلش عليهن
.
.
نوارس
واني حاضنه امي وابجي كتلهة
.
نوارس: ماامه بعد لتعوفيني فدووه ما اكدر بعد بدونج والله(ابجي ودموعي ينزلن عشره عشره)
سميه: ماا اعوفج يا بعد روحي انتي والله ما اعوفج
.
نوارس
وخرت من حضنهة وباوعت الهة وهيه اتباوعلي ودموعه اينزلن وباوعت لاسد وكالت
.
سميه: انته لجبتلي ابنيتي
.
اسد
شفت ام نوارس باوعتلي وهيه تبجي وكالتلي انته جبت ابنيتي وكتلهة
.
اسد: ايي اني
سميه: وين لكيتهة
اسد: سالفه اطويله بعدين نحجي بيهة
سميه: شكررا اشكرك وليدي بدونك مرجعتلي بنيتي
اسد: بالخدمه يمه هاذ واجبي
.
نوارس
اباوع لاسد وعيونه صايرات حمر الضاهر بجه وهوه باوعلي اني ضحكت ابجهة وهوه ابتسم ونزل راسه
.
سميه: بنيتي براء احمد ربي من رجعتي بس خوما تعبتي الرجال وياج
اسد: لا يمه نوارس خوش ابنيه وحبابه
سميه:نوارس؟
نوارس: مامه هاذ اسمي
سميه: اني سميتج قبل لا اولدج بأسم براء بس المربيج مسميج بهاذ الاسم
نوارس: ايي مامه هاذ اسمي نوارس
سميه: ايي يا حبيبتي يا نوارس
عباس: ايخبل اسم نوارس
.
نوارس
ابتسمت ابجه عباس ورجعت لحضن امي وهيه هم حضنتني اشوي واجه عود الهوه ابويه كال
.
علي: هلا بنيتي شلونج
نوارس: لحمد لله بخير
علي: دومج ابنيتي دومج بس هسه انتي لازم ترجعين ويه السيد اسد
اسد:(بستغراب)ليشش ؟؟
علي: وباجر اجيبهة علمود اليوم انحضر الهة مكانهة انحضر الهة غراضهة صح لو لا سميه
سميه: ايي صح بس خلي هسه اشوي تبقه يمي مشتاقتلهة
علي: راح اشبعين منهة يا بويه هسه خلي تتوكل وباجر راح تجي وتعيش ويانه مو تعبنه الرجال ويانه
.
اسد
اباوع لعلي وما مقتنع بحجيه بس كلت
.
اسد: ها نوروسه يله
.
نوارس
انداريت عله امي وبستهة من خدهة وكتلهة
نوارس: مامه باجر ارجع عود لازم اروح
سميه: اي يا بعد حييل امج روحي بالسلامه ورجعي الي
نوارس: باي مامه
سميه: بااي يروحيي انتي
.
نوارس
كمت ورحت وكفت يم اسد وباوعت لامي وشفت ادموعهة تنزل واني لا تلقائي كمت ابجي ودرت وجهي ورحت ويه اسد نزلنه وركبت بالسباره واسد هم ركب وحرك السياره واحنه بالدرب كلت لاسد
.
نوارس: اسد
اسد: كولي يا روح اسد
نوارس: اشلون بعد راح اكدر اشوفك
اسد: اني راح ابقه وياج يعمري انتي وراح اجي كل فتره اشوفج لحد مصيرين سنه يم اهلج واجي اخطبج بعد
نوارس: كل فتره تجي وشلون اذا صارلك شي وما اجيت اشلون اطمأن عليك
اسد: اي راح اجيبلج مبايل وتصل عليج ونحجي
نوارس: خوش اذا هيج
اسد: ايي
نوارس: شكرا اسد رجعتني لحضن امي شكررا
اسد: ادللي يعمري انتي
نوارس:ههه يروحي انته احبك
.
اسد
ابتسمت ونداريت عليهة وكتلهة
اسد: اموت عليج انيي
.
.
.
يتبع......