اوجاع طير النوارس

البارت 30

.
.
.

اسد:الووو
حنين: السلام عليكم
اسد: وعليكم السلام منو؟
حنين:اني حنين اخت ياسر
اسد:ياسر ابن علي
حنين:ايي ابن علي
اسد:شتردين اتفضلي اذا عله اخوج فلا اتعبين نفسج لدخليني
حنين:لا مو هيج مو عله اخويه
.
اسد
كمزت من مكاني وكلت
.
اسد:ليش شصاير متاذيه نوارس
حنين:لا ما بيهة شي نوارس بس عدي موضوع وياك عليهة
اسد:اذا موضوع عله نوارس وهيه ابصفج فياريت ادكومين ابغير مكان حته احجي وياج اني بموضوع
حنين:اوك ثواني كايمه
.
.
نوارس
اني بس صافنه اشجاي يحجون عليه اشو خلت وكامت حنين بقيت بس اباوع لحوراء وحوراء متعجبه
.
.
حوراء:هاي ليش كامت منا
نوارس:ما ادري بس معقوله راح يحجي اسد عليه
حوراء:لا عاد مو لهل درجه
.
نوارس
اشوي وكلت لحوراء
.
نوارس:بله روحي سمعي اشجاي يحجون
حوراء:اي صح خلي اكوم
.
.
رادت ادكوم حوراء وترجع حنين ومخلصه اتصال واني بس اباوعله متسائل
.
حوراء:شنو شكال
حنين:لا ماكو شي بس سالني عله نوارس اشلونهة وخوما ضايجه وهاي السوالف
نوارس:يعني مكال غير شي
حنين:لا مكال
.
نوارس
اباوع عله حوراء اتباوع عله حنين وما مقتنعه بحجيهة بس شسوي خليت وسكتت بعد مكلت شي لو كايل اسد شي حلو جان كالتلي حنين وما تسكت حته اتفرحني
.
.
حنين:اني رايحه انزل جوه مليت اهنا
.
راحت حنين وحوراء كعدت اكبالي وجرتني من اديه وتهمس يمي
.
حوراء:مدري ليش ما قتنعت بالحجي مال حنين
نوارس:والله ما ادري بعد
.
.
.
حنين
نزلت رحت لغرفه امي سميه
.
حنين:مامه فارغه هسه نحجي
سميه:اي يمه اكيد
حنين:يمه جايتج بشغله وهيه راح اتفرح بتج نوارس لان كلش راح تفرح بهل شي
سميه:اعيوني النوارس كوليي شنو السالفه
حنين:يمه اتصلت عله اسد وطلب مني طلب بس مو اضوجين واريد بس اسدين غياب
سميه:شلون يعني
حنين:يمه اسد طلب ايشوف نوارس كال خلي تطلع بوحده بالليل من اينامون اهلهة حته ميحسون بس اكلج علمود اسدين عله اغيابهة
سميه:يمه لا ايسويله شي
حنين:يمه تره نوارس عاشت ويه اسد
سميه:والله ما ادري اخاف عليهة
حنين:صدكي راح تفرح نوارس حيل وهيه الساعه بهدعش ونص ......
.
.

نوارس
واني ممطوله اريد انام وبصفي حوراء وعله السرير الثاني حنين
واني جاي اريد اغفه ما احس اله صوت حنين تكعد بيه
.
حنين:(بهمس)نوارس اكعديي نوروسه
نوارس:هاا شكو
حنين:كومي ابسرعه كومي
نوارس:ويين
حنين:كوومي بسرعه
.
نوارس
كوه كمت وحنين اجرجر بيه وجان اتفز حوراء
.
.
حوراء:هاي شنوو وين رايحات
حنين:اشش نصي صوتج واذا تردين كومي
حوراء:كايمه لعد
نوارس:ويين رايحين
حنيين:معليج بس تعالي لبسي هاذ الحجاب ابسرعه
حوراء:شنو اشجاي ايصير
.
نوارس
بس لفيت هيج الحجاب عله راسي ومتعجبه ونعسانه حيل وجرجر بيه حنين نزلت جوه اني وحنين وحوراء شفت امي اكبالي اتعجبت ليش كاعده لحد هسه
.
نوارس:مامه شكو
سميه:فدوه بس لا تتاخرن ابسرعه خلي ترجع
نوارس:ويين ارجع
حنين:امشي وبعدين افهمج
.
خذتني حنين وهيه متحجبه ولابسه جبه وحوراء هم نفس الشي وطلعنه بالشارع متعجبه وخذني نمشي سريع
.
نوارس:ولج وين رايحين ابنص الليل
حنين:اششش كافيي اسكتي
.
نوارس
سكتت ما حجيت شي ومشيت وياهن ابسرعه وصله للشقه الي جانت بيهة امي اول مشفتهة اتعجبت
.
نوارس:وللجن اشعدنه اهنا
حوراء:حنين احجيي اشعدنه
حنين:شوفي نوارس روحي اصعدي لشقت امي سميه افتحي الباب وفوتي مفتوح اكو جنطه بالهول جيبيهة
نوارس:خايبه خوثه جايبته ابنص الليل علمود جنطه جان اجينه باجر
حنين:ابسرعه اركضيي
.
.
نوارس
دفعتني حنين واني رحت صعدت احس كلبي ناغزني مدري ليش
فتحت الباب ودخلت وسديت الباب ورحت ابجهي للهول الشقه وجان اشوفه واكف اكبالي
.
.
.
__________
.
.
اسد
واني طلعت بال١ باليل وقفلت البيبان كلهن مال شقه حته قفلت باب غرفه جيلان عليهة اخاف تنهزم
وطلعت ركبت سيارت وبجهي لشقه ام نوارس
فتحت الباب ودخلت ورحت كعدت بالهول بقيت كاعد ربع ساعه وسمع صوت الباب ينطبك عرفت اجت بقت عيني عله باب الهول اشوكت تدخل