اوجاع طير النوارس

البارت 55

.
.
.
قبل لا نبدي بالبارت{{صلو على النبي صلى الله عليه وسلم}}
.
°°مع تحياتي الكاتبه؛ ضحى الطائي °°
.
.
.
__________________
.
.
نوارس
فزيت فتحت اعيوني كوه وباوعت اني وين معرفت روحي وين فتحت اعيوني ابقوه وبقيت اباوع منا ومنا ودخلت ممرضه وكالت
.
.
الممرضه؛ نوم العافيه عيني الحمد لله على السلامة
نوارس؛ انيي ليش اهنا اسدد وين
الممرضه؛ اهلج بره هسه اكول الهم يجوج حبيبتي بس اشوف الجهاز
.
.
نوارس
اباوع عله روحي ملابسي امبدله مال مستشفى وجان دخلت حوراء وحنين وامي ليلى وخواتي كبل كامن يبجن واجن حضنني واني دموعي نزلت وحضنتهن
.
.
حنين؛ (ابجي) نواارس حبي جنه خايفين حييل عليج
حوراء؛ نووارس بعد لا تعوفينه دوم مخوفتنه عليج
نوارس؛ (ابجي) تعباانه تعباانه حييل والله العضيم تعببت
.
وخرن مني واني خليت ايدي عله وجهي وكمت ابجي ابقوه ما مصدكه اني جنت ابنص الموت اشجابنيي
وبقيت خايفه وكضت راسي مرت ابوي وكالت بعبره
.
.
.
ليلى؛ يمه نوارس كافي لا تبجين صيري قويه يا يمه والله ميهون علينه هيج انشوفج
.
.
نوارس
من حجت وياي مرت ابوي كبل اذكرت امي وكلت
.
.
نوارس؛ اميي
حوراء؛ شنو شكلتي
نوارس؛ اميي ويين
.
جان كلهن سكتن وشي اتباوع عله شي واني نزلت ادموعي وعطت بيهن
.
.
نوارس؛ (ابجي وعياط) امييي ويين احجننن اميي ويين
.
وكضيت ثوب حنين وعتعت بي وابجي واكول
.
.
نوارس(ابجي)؛ اميي ويين احجيي ليش ماكوو اميي ويين
حنين؛ نواررس بس اصبريي هسه تجيي
حوراء؛ شنوووو
حنين(بعيطه)؛ اسكتتتييي
.
.
نوارس
بقيت ساكته ودموعي تنزل ونفسي كام ايضيك كوه اتنفس خليت ايدي عله صدري احس اكوو شي خانكنيي
جان حنين كضتني وكالت
.
.
حنين؛ نوارس اشبيج اشصاار اصيحلج الدكتوره
نوارس؛ (بعياط وبجي) اميييي ويينههه ارييدههة وينهةة ليش مماا اجتت وين راحتت
.
.
اباوع الهن كلهن يبجن كامن كبل اتقربت وكضيت حوراء  من ثوبهة وعيوني اصب ادموع وكتلهة
.
.
نوارس؛ اميي مصابهه هاا متكدرر تجيي
.
هيه بجت وهزت راسهة بمعنه لا واني دفعتهة وخرت الجرجف مني الي متغطيه بي ونزلت من السديه وحنين اجت كضتني
.
.
حنين؛ وللج شسووين وين رايحه
نوارس؛ لأميي رايحه
وشلعت الكانونه من ايدي انداريت ردت اروح حوراء وكفت ابجهي وكالت
.
حوراء؛ لا ترحين نوارس
نوارس؛ شنوو انتن هم كمتن اضمني من امي
حوراء؛ (ابجي) مراح تكدرين توصلين الهة
.
.
نوارس
حيلي يرجف وباوعت لحنين امدنكه وتبجي رحت عليه رفت راسهة ودموعي تنزل شلال وكتلهة
.
نوارس؛ شش. شنوو تقصد اختتج هااا
حنين؛ (ابجي وشهكه) نننواارسسس
.
.
نوارس
اباوع لحنين اشلون منهاره بالبجي واني ركضت عله الباب كضيته ردت افتح وامي ليلى وكفت عليه وطبكته ابقوه وحنين حوراء كضني ايجرن بيه اني اريد بس افلتهن مني وابجي واعيط
.
.
نوارس(ابجي)؛ عوووفنيي وللجن وخرن هااي اميي خليي اروح الهة
حنين؛ (ابجي) نواارس اهدي فدووه لا اسوين هييج
.
.
نوارس
انهد حيلي وكعت بالكاع كعدت وخليت اديه عله الكاع وابجي واشهك بقوه احس النفس صاار ثكييل حييل ودموع مغركه وجهي
وما حسيت عله روحي اله عطت باعله صوت
.
.
.
نوارس؛ (بعيطه حزن) لللللااااااااا ييييييمممممههه
.
وكعدن خواتي يمي وحضنني ويبجن واني ابجي واحجي
.
.
نوارس(ابجي) دخييلج ياا يمه لا اسوين هييج بيه والله ماا اتحملل يييممههههه
.
.
حنين
نوارس ماعت روحه وكعت عليه واني وحوراء زدنه بجي وريد بس انكعدهة
.
حنين؛ (ابجي وخوف) نوواارس لا هيج تخوفيينه اكعديي
حوراء؛ خلي نرجعهة عله السديه ابسررعه
.
.
حنين
كومنه نوارس نومناهة عله السديه واني نتبهت لجبتي مدمره دم باوعت النوارس كبلل ابخوف وجان شفت ايدهة مكان الكانونه ينزف عطت
.
.
حنين؛ وللج حوراء صييحي الدكتورره جااي تنزفف اركضيي
.
ركضت حوراء اصيح الدكتور واني كاضه ايد نوارس وابجي وباوع لامي كاعده عله الكاع تبجي هم
.
.
.
.
{{{{مع تحياتي الكاتبه؛ ضحى الطائي}}}}
_______________________________
.
.
.
نعود الى بدايه اسد عند حضوره لنوارس الى المستشفى
.
.
اسد
دخلو نوارس جوه للمستشفى واني بقيت واكف اباوع الهة وصافن افكر مصحاني غير حجي
.
.
امير؛ شنو مراح تروح وياهة؟
اسد؛ لا ما اروح راح ارجع وحلف بروح ابوي ما اشوف نوارس لحد ما انهي هاي العدااوه نهيي يله ارجع وبعد لو كاتل لو مكتول ما اذي هاي البت اكثر كله ابسبب
امير؛ الله كريم تنحل
.
.
اسد
انداريت باوعت لامير وكتله
.
اسد؛ مو حسبالك خلصت لان ساعدتني بالنهايه لا اضلك خادم زايد الي نويتو تكتلوني وتكتلون مرتي وحسابك بعدين
امير؛ (ابضحكه خفيفه) حقك وما الومك صراحه الك الحريه شسوي بيه عادي
اسد؛ اني ما منتضر تطيني حريتي بعذابك اني اخذهة غصبن عنك
.
.
اسد
وعفت امير ورجعت لسياره الشرطه كتلهة خلي يعتقلو واني ارجع وياهم للمركز
.
.
رجعت للمركز رحت لمكتبي كعدت دخل عليه الملازم علي واني كبل كمت رحتله وحضنته وخرت منه وكتله
.
.
اسد؛ الحمد لله عله السلامه يا نجر
علي؛ الله يسلمك سيدي وانته هم الف لحمد لله عله سلامتك متوقعنه ترجع من نص الموت عايش
اسد؛ كله هاذ مشيأه ربك مكاتب النه نموت
علي لحمد لله
.
.
.
اسد
رجعت كعدت عله كرسي مكتبي وعلي كعد مقابيلي وسالته
.
.
اسد؛ اشكد مصابين شكد موته
علي؛ سيدي المصبين ١٥ شخص والمتوفين ٦
اسد؛ لا الاه الا الله زين احمد الضابط احمد اشلونه كالو مصوب ابضهره
علي؛ والله ما اعرف هيج تفاصيل دقيقه بس الاعرفه عدد المتصوبين
اسد؛ الله كريم بس لازم انشوفه بس ابنفس الوكت مو وكت لزياره هسه
علي؛ عدل حجيك لازم نكمل
اسد؛ لعد خلي انبلش ولو كدرت اكتل زايد بس انته تعرف ذول نفس الفايروس ايروح واحد يجي واحد ابمكانه لازم ندقق
علي؛ عله امرك سيدي
اسد؛ كم شخص كضيتو من عصابتهم
علي؛ اربعه سيدي
اسد؛ خووش كلش زين
.
.
اسد
بديت اشتغل وحقق بالموضوع ودزيت الاربعه عله التحقيق المكافحه يستنتجون من عدهم ويعرفون عليهم اكثر ويعرفونه عله شخصيات اكثرر
.
وفعلن عن طريق الاسأله والتعذيب المستمر وياهة جابولي استنتاجات كلش مهمه عليهم وجان واحد من ذول الاربعه هاذ حاطي مرسل بين المحافظات ايوصل اخبار للخليات العصابات
وطبعن هاذ اكثر شخص حققو ويا لان هذولاك لتلاثه كلهم كالو عليه حته بلكي انخفف التعنيف عليهم وفعلن وعدناهم بهل شي بس حته نسحب كلامهم اكثرر واكثرر
.
.
.
اسد
واني جاي اشتغل بمكتبي دخل ضابط للمكتب اطاني ملف
.
.
اسد؛ هاذ ملفهم
الضابط؛ لا سيدي هاذ ملف الشخص المهم ابينهم واسمه شرم
.
.
اسد
اتعجبت عله اسمه وضحكت وخذيت الملف اقرا اسمه شرم مازن نصير
باوعت للضابط وكتله
.
.
اسد؛ هاذ حفيد نصيير حقه هيج ايصير مهم امدللي
علي؛ سيدي شنو رايك تاخذلك نضره عليه
الضابط؛ صح وتكدر تحاجي اشوي هم لان صراحه هوه من يعترف النه مستهزأ ويحجي بس الحجي حقيقي حته العذاب ما خوفه
اسد؛ جاي تحمسوني عليه صراحه صدك حبيت ازوره وأواجبه هم
علي؛ هههه اي واجبه عيب جايك وما تروحله
.
.
.
اسد
ضحكت وكمت وخذيت الملف ورحت نزلت جوه لغرفه التحقيقات وكفت ابنص الغرف والضابط فتحلي الباب ضلمه دخلت سد الباب الضابط وعافني وحدي وفتحت الضوه
اتعجبت عله منضر الشخص الي اسمه شهم
اطويل وضخم عضلاته عاليه حته اضخم مني واسمررر حيل وجانو منزعي قميصه وجسمه عباره عن وشوم تارس جسمه ورابطي بالحايط واكف ومدنك راسه
.
اتقربت عليه اباوعله وهوه رفع راسه باوعلي وجهة ولعياذ بالله مخلي حته وشم عله كصته وخده وعده بس اشوارب اثخان وحواجبه اثخان سود واحد من الحواجب مطبور
.
باوعلي وبتسم صفح وكال
.
.
شرم؛ واخيرا شفتك بالحقيقه مو بس صور
.
.
اسد
كضيت وجهة ابقوه واديره يمنه ويسره واكله واني كاشه روحي
.
.
اسد؛ هااي شمسوي ابروحك انته حته ابجهك دااك
.
وخر وجهة مني وضحك وكال
.
شرم؛ (ابضحكه) هههه دورني زين وراح تلكه روحك ابين وشومي
اسد؛ أييييع لا تلعب نفسي اكثر فدوه
شرم؛ دكيته من حبي الك شسوي معذور
.
.
اسد
ابتعدت عنه رجعت اليوره كعدت عله الكرسي كدامه وخليت رجل فوك رجل وكمت اعدل بشواربي وكتله
.
.
اسد؛ سؤال عدي محيرني
شرم؛ كول لا تستحي
اسد؛ هسه انته حته مشايفني ليش لهل درجه الحقد والكره كله يعني لان كتلت جد جد جدك كرهتني لان كتلته لان جان يكتل بالبشر ويتاجر باعضائهم انته ضايج لان جاي اكتل اهلك بس مضوج لمن ايكتلون الناس البريأه وختصاب بنات يعني اعرض عشاير وتجاره إعضاء ما ضجت عله كل هاذ
شرم؛ هاي احنه نسلنه كله يكرهك ويريد ايكتلك ويالنسبه للناس والأعضاء وهاي الامور فهاي نستفاد منهة افلوس
.
.
اسد
كمت وتقربت عليه بهدؤ وكتله
.
اسد؛ واختصاب البنات شسمي
.
حجيتهة وبالنهايه غمزت وهزيت راسي بمعنه شنو وهوه ضحك وكال بكل هدؤ
.
شرم؛ ههه اسميهة وننسسسه
.
اسد
متحملت وضربته بوكسي ابكل قوتي ابجهة وكضيته من شعره وعطت ابجهة
.
.
اسد؛ (بعياط وعصبيه) اذا ماا اندمك عله كلل حرف كلته بهاي كلمتك ياا صگط
.
وخرت منه واني اباوعله ومخنزر خذيت الملف وعفته ورحت رجعت لمكتبي شمرت الملف عله الميز كدام علي وكتله
.
اسد؛ طلعلي اول محافظه راح ابده بالحمله بعد
علي؛ حاضر سيدي
.
.
اسد
راح اشمر روحي عله الموت حته اخلص هااي اللعبه الوصخه الي طولت اسنيين والناس تتاذه
وبعد لو بالهدف لو بالنجف
.
.
.
_____---______----____