اوجاع طير النوارس

البارت 29

السلام عليكم اشلونكم رجعت وياكم بعد غياب اعتذر لان اتاخرت بالنشر بس انشاء الله اعوضكم 😊
.
.
مع تحياتي الكاتبه:ضحى الطائي
.
.
---------------------------------------
.
.
نوارس
.
واني ممطوله عله السرير ومقهوره حيل عله الي صار اشلون اسد يجي وما ايريد ايشوفني وياخذ جيلان معقوله نهة كلشي بينه بهل سهوله ليش ما ايقدري الي صار وياي اني شفت اهواي ومرتعبه من كلشي
.

ودخلت حنين وحوراء للغرفه واجن كعدن كدامي واني مسحت دموعي وغمضت اعيوني
.
.

حنين:حبيبتي نوروسه كافي فدوه والله متسوه
نوارس:عوفني
حوراء:ليش اضوجين وهوه ما يستاهلج لان هوه واحد ازباله
حنين:اششش اشبيج اتمضرطين
حوراء: ايي جا صدك ما مجذبه يله حبي نوارس كومي نتغده
.

نوارس
هنه يحجن واني بس اسمع مالي خلك حته احجي شي بس كلت
.

نوارس:ما اشتهي هسه
حنين:جا شلون هسه
نوارس:عفني اشوي وحدي
.
.
حنين
غمزت لحوراء بمعنه انكوم وفهمتني ابسرعه وكمنه وعفناهة ونزلنه  جوه طلعت ابجهي ام نوارس
.

سميه:شنو نوارس وين
حوراء:ما عاجبهة تنزل
سميه:شنو؟
حنين:مامه سميه عوفيج من هاي الثوله اتمضرط نوارس نعسانه وتريد اتنام
ودمغت حوراء ابراسهة
.
حوراء:اخخخ اشبيج اشكلت اني قابل
سميه:اروح اشوفهة لعد اني
حنين:لا لا عوفيهة ترتاح
سميه:ليش اشبيهة هيه
حوراء:ما بيهة شي بس البارحه سهرنه وهسه نامت
سميه:انجبيي لجذبين اعرف كلش زين ضايجه عله هاذ الولد الاخذ جيلان موو
حنين: يمه شساله نوارس اصلن متفكر هيج
سميه:كافي جذب وروحن حضرن اكل ويه امجن وبعدين اني اصعد احجي وياهة
حنين:حاضرر مامه سميه
.
وخذيت حوراء ورحنه للمطبخ وامي يم لطباخ وتباوع من فوك لجوه وكالت
.
.
ليلى:جا وين بت سميه
حوراء:نامت ماتشتهي تاكل
ليلى:هاا احنه ما عولنه نخلص من نفسيه ذيج لبنيه هسه دور هاي موو
حوراء:دكافيي اعذري لبنيه وقدريهة بلكي اتعوضين السوا ابنج بيهة
حنين:حوراااء لجفصين عاد اخوج هاذ
ليلى: لا خلي تحجي لبكلبهة
سميه:كافي اشبيكم تعايطون صوتكم واصل ليغاد عيب
ليلى: اجت الثانيه انوب خلي احضر غده احسن
.
.
.
.

نوارس
واني بعدني عله نفس الحاله مالتي ممطوله عله السرير وذكر كلشي بيني اني واسد وذكر لمن شفت جيلان واكعه ابحضنه احس ذبيت ماي راسي بكامله من البجي وضغطي حيل هبط وما احس بايشي كمت بس غمضت اعيوني وفصلت
.
.
.
.
_________________________
.
.
اسد
رجعت للفندق مالتي الي ماجره اني وجيلان
واحس نفسي حيل تعبان بحيث كبل من دخلت ابجهي للغرفه مالتي سديت الباب وكعت روحي عله السرير انمطلت وصافن عله السكف ابالي نوارس اشصار وياهة هسه اكيد ضايجه من الي صار والي سويته بس شسوي مجبور
.
وندك الباب مال غرفه كمت من مكاني رحت فتحت الباب طلعت جيلان
.
.
اسد:هاا شصار
جيلان:مصاير شي بس اريد احجي وياك
اسد:ابموضوع شنو نحجي
جيلان:هسه راح نبقه واكفين اهنا
اسد:خوش روحي للديوانيه هسه جايج
جيلان:ديوانيه؟
اسد:صح نسيت انتي بغداديه قصدي صااله(من كلت صاله عوجت حلكي)
جيلان:هاا اي حسبالي تقصد المحافضه الديوانه
.
.
اسد
مجاوبت ودخلت للغرفه بدلت ملابسي لان جنت لابس مال شغل ولبست اتراك ورحت للديوانيه شفت جيلان كاعده عله التخم رحت كعدت عله التخم المقابيلهة وكلت
.
.
اسد:ايي احجي
جيلان:اشبيك انته
اسد:شنو اشبيه احجي مو ردتي تحجين
جيلان:هاا يعني انته انسان رسمي وجدي كلش متحب الاضافت بس عله كد الموضوع
اسد:جا خوش من عرفتي انه هيج لعد ابدي بموضوعج
جيلان:راح نبقه ابغداد لو شنو
اسد: باجر راح اروح للبصره لبيتي وهناك شغلي لان ما اكدر ابقه اهنا
جيلان:شنوو ونصير هيج يبقه(بعياط)
اسد:اولن لتعيطين وثانين عوفي نصير علينه ولا تدخلين بهل اشياء
جيلان:(بعياط)شنووو ما ادخل شنوو اشلون اعوف قاتل اهلي هيج اشلون اعوف الي دمر حياتي هييج
اسد:(بعصبيه)كتللج لتعييطين واحنه ناخذ حقج انجبي وسكتيي بعد
.
وكمت من مكاني ضايج اشراح تكضي ليام ويه هل مخلوقه السانهة اشطوله عليه بس اريد الله يصبرني عليهة وكض اعصابي
.
.
.
____________________
.
حنين
صارت دنيه اغروب اتعجبت نوارس ما كعدت خليت وصعدت الهة فتحت الباب شفت الضوه طافي شغلته وشفتهة عله نفس النومه مالتهة
نايمه عله بطنهة وشعرهة نازل عله وجهة ورحت الهة شلت شعرهة عن وجهة وكعد بيهة
.
حنين:نوارس نوروسه حبيبتي اكعدي ..نوارس
اهز بيهة وكعدهة بس مالهة حس هزيتهة ابشكل اقوه وعليت صوتي
.
حنين:نووارس اكعدي نواررس اشبيج نوارس
.
ما تكعد نوارس وكمت اعيط بعله صوتي
.
حنين:ماامه مااامه الحكيي ماامه نوارس مدري شبيهة
.
وجت حوراء تركض هيه وامي سميه وامي ليلى
.
سميه:يمه ابنيتي اشبيهة
.
وشالت نوارس وخلتهة ابحضنهة وتكعد بيهة وتبجي
سميه:يمه بنيتي اشبيج اكعدي نواارس
حوراء:يمه اختي شبيهة
ليلى:سمو بسم الله كلشي ما بيهة بس لا تعيطون جيبو ماي خلي نكعدهة
.
.
حنين
جبت دولكه الماي وذبيتهة ابكاملهة ابجهة وهيه فزت وشهكت شهكه قويه وكامت ادكح وتبجي وامي سميه تمسح ابجهة وتبجي وتحجي
.
.
سميه:يمه نوارس شجاج يا يمه اسم الله عليج حبيبتي(ابجي)
.
.
نوارس
ما احس اله اختنكت وفزيت كوه اسحب نفسي شفت روحي مطرطعه ماي وشوف الكل حوالي وامي حاضنتي وتبجي من خوفتي كمت ابجي ابكل قوتي وامي حضنتني ودكول
.
سميه:يمه حبيبتي لا تبجين ما صار شي يا بعد حيلي كافي
نوارس:(ابجي)يمه تعبت تعبتت والله تعبت شني من دنيه هايي
سميه:حبيبتي يا حيلي لا تبجين والله كلشي ايهون يا رويحتي
.
نوارس
حيل ضميت روحي بامي وكأني احس اكو امان بيهة
وكالت
.
ليلى:هاي كلشي ما بيهة بنتج بس يمكن شايفه كابوس وخافت
.
سميه:روحو اني ابقه يم بنتي اشوي وانزل
حنين:اوكي وايشي تحتاجين صيحيلي اني قريبه
.
.
نوارس
راح الكل بس بقت امي يمي واني كعدت عله حيلي وبيه شهكه بجي ومسح بدموعي
.
.
سميه:يله يمه احجي اشبيج
نوارس:(ابجي وشهكه)كلشي ما بيه بس كابوس جان
.
كضت ايدي وكالت
سميه:ولج يمه اني ام يعني احس باصغر الاشياء الي اصيرلج اني كلب ام وانتي من الصبح مو عله بعضج يا يمه احجي لا اضمين عليه
.
.
نوارس
باوعتلهة وخليت راسي بحضنهة وكتلهة بشهكه
.
.
نوارس:يمه صدك لو كلتي راح يجي يوم وابجي بحضنج علموده
سميه:اعرف والله اعرف كلبج يمه وما جاي يطلع من بالج
نوارس:جذب عليه يمه
سميه:اشش كافي لاتبجين يا عمري انتي هوه الخسرج  لا تنقهرين حيلي انتي انسي كلشي
.
.
نوارس
حسيت عله روحي وشلت راسي من حضنهة ومسحت ادموعي ونزلت راسي وكلت
.
.
نوارس:اسفه مو قصدي هيج احجي
سميه:لا تعتذرين لان حجيتي لان اني اصلن ضايجه منج لان ما حجيتيلي وانتي مقهوره من هل شي وما اريد اضمين شي عليه بعد مفهوم
نوارس:أا.أنشاء الله
سميه:وانسي كلشي ولضوجين لان هوه خسرج مو انتي الخسرتي فهمتي لو لا
نوارس:ايي
سميه:يله وبعد هاي لدموع بعد ما اريد اشوفهة عله هل اخدود الحلوه
.
نوارس
هزيت راسي بمعنه اي وهيه مسحت ادموعي وباستني من خدي وكامت وكمتني وياهة
.
.
سميه:يله امشي اغسلج وجهج وننزل نتعشه
نوارس:اي هسه اني اغسل
.
.
وبنفس الوقت يدخلن حنين وحوراء للغرفه
.
سميه:ابقن ويه اختجن لا تعوفنهة يمه وايشي ايصير تعالن كوللي لا تضمن عليه شي بعد فدوه
حوراء:لتخافين يمه اني كلشي راح اوصلج والله
.
.
نوارس
راحت امي واني رجعت كعدت عله السرير وكعدت ابصفي حنين
.
.
حنين:نوارس لتبجين فدوه اروحلج ليش متحجيلنه ليش تبقين ضامه بكلبج هيج
نوارس:ما اكدر
حوراء:لك صدك جذب كله هاذ علمود هاذ الثوره
حنين:حوراء انتي ليش جفيصه
حوراء:اني بعد ما اتحمل راح اروح واسوي حل بعد
حنين:دوولي لخاطر الله
.
.
نوارس
راحت طلعت حوراء واني كمت رحت غسلت وجهي بس كوه اسحل برجليه
.
.
.
.
__________________________
.
.
اسد
.
واني جنت طالع من البيت مريت ابطريقي جبت عشه جاهز من المطعم ورجعت للفندق

فتحت الباب مال شقه ودخلت قفلته وصحت
.
.
اسد:جيلاان وينج جبت عشه
ورحت للمطبخ خليت الاكل عله الميز ونداريت لكيت جيلان وراي واكفه وكتلهة
.
اسد:ديله تعالي خلي ناكل
جيلان:اي واني هم جوعانه
.
.
اسد
كعدت عله الكرسي وجيلان كعدت اكبالي وطلعت الاكل وبدينه ناكل وباوع لجيلان وهيه اتباوعلي واني مقلص اعيوني واباوعله واكل
واذكر نوارس من جانت تاكل كدامي وتبقه امنزله راسهة
ومصحاني غير صوت جيلان
.
.
جيلان:اشبيج صافن عليه
اسد:شنو شكلتي
جيلان:اشبيك صافن عليه هاا
اسد:مو اشوفج انتي اتباوعيلي وكلت خلي اباوعلهة وشوف تاليتهة
جيلان:هاا متأكد

.
.
اسد
ضربت ايدي بالميز وعجقت حواجبي  وحضيت
.
اسد:انتي اشبيج بس فهميني اشناويه
جيلان:مناويه شي بس نضراتك جاي تشرح
اسد:دلصمي لا امرد السانج ابفجج اكلي ونجبي
جيلان:اهووو يا كلمه ردي لمكانج اشبيك انته
اسد:خااب دروحي سديتي حته نفسيتي كايم انه انام
.
.
كمت غسلت ورحت لغرفتي دخلت وسديت الباب رحت شمرت روحي عله الفراش وفتحت الجهاز شفت الساعه ب١٠وربع وشوي جاي اكلب بالمبايل وشوف رقم غريب جاي ايدك عليه ....
.
.
.
.
__________________________
.
.
حوراء
رحت لغرفه عباس اخو نوارس وهوه جاي يسبح بدون ما يدري دخلت شفت جهازه عله الميز عايفه عله الشحنن اني رحت فتحته واني اصلن اعرف الرمز ورحت عله جهات الاتصال وبحث بالاسماء وشفت اسم اسد ابسرعه دست عليه وطلعت الرقم ابسرعه وكتبته ابجهازي ابسرعه وخاف لا يطلع عباس من الحمام ويشوفن
ابسرعه كتبته ورجعت الجهاز عله الميز وطلعت ابسرعه وسديت الباب
.
.

.
نوارس
.
واني كاعده بالغرفه وحنين جاي تلعب بالمبايل مالتهة كدامي واني صافنه وبالي طاير وما احس اله الباب انفح ابقوه وركع وتدخل حوراء وسد الباب وتجي تكعد اكبالي
.
.
حوراء:ولجنن شوفن اشجبت
حنين:شنو اشجبتي؟؟
حوراء:جبت رقم اسدد
.
نوارس
كمزت من مكاني وكلت
نوارس:والله
حوراء:والله جبته هاذ هوه
حنين:اتصلي عليه ابسرعه
نوارس:لاا لا عوفيي
حنين:لييش خلي نتصل
نوارس:ما اريد احجي ويا
حوراء:حنين تحجي ويا
حنين:اي ايي انيي احجي ويا بس شحجي
حوراء:عدي فكره
نوارس:شنوو
.
وحوراء تشاور حنين وما اسمعت شي وكبل اتصل واني صافنه وحس معتي تلي بيه من الخوف وبس اسمع حنين
.
.
حنين:الوو اسد؟
.
.
.
النهايه😊😊
.
.
مع تحياتي الكاتبه:ضحى الطائي