اوجاع طير النوارس

البارت47

.
.
.
السلام عليكم اسفه عله التاخير بس والله مشغوله وضروف اعذروني حبايبي مشتاقيلي مثل ما اني مشتاقتلكم☺️☺️♥😚
.
.
༺مع تحياتي الكاتبه:ضحى الطائي༻
_____________________________
.
.
نوارس
بقيت گاعده يم ام اسد واخته شيماء وهنه يحجلي عله اسد وجيلان صراحه حييل انقهرت عله جيلان شافت ضيم قبل لتموت الله يرحمهة
صح جنت ادعي وتمنه جيلان تبتعد من اسد بس مو هيج
.
.
بدريه:يله يمه لا ضوجين وضيگين خلگچ كله بالقسمه والنصيب وقضاء وقدر محد يكدر ايبدل الكاتبه الله
نوارس: صحيح كلامج الله يرحمهة
.
.
نوارس
سمعت الباب مال بيت انطبگ ڪبل كمت عرفت اسد اجه من الشغل
وصاحت ام اسد
.
.
بدريه:(بصياح) يااا هلا يمه تفضلل نوورت
.
دخل اسد للمطبخ وفتح اديه وكال
اسد: ياا هلا يا بعد عمريي انتيي يا بعد چبديي
.
وحضن اسد امه وباسهة من ايدهة
.
بدريه: لله يرضه عليك يمه ويسعدك بحياتك انشاء الله
اسد: بوجودج طبعن
بدريه: چا شنو اعوفك لا وحگ ﷲ مشلغمه عله افادڪ فلا اهدك بيوم
اسد: هههه يا بختي لعد
شيماء: شنوو نسيتني لو ما شفتني
اسد: هلاا ابزر الگعده وبزر الشييب
شيماء: بعد روحي شلونك
اسد: بخييير
بدريه: طبعن اذا الاحباب قافل عليهم الباب ليش مو بخير
.
نوارس
ام اسد تباوعلي وتغمز هيه وتحجي خجلت وبتسمت واسد باوعلي وضحڪوگالي
.
.
اسد:شوفي نوارس هاي الاوله والاخيره اريدچ احبيبة وداريهة اڪثر مني مفهوم
نوارس: انشاء الله اخليهة بعيوني
بدريه: سالمه عويناتچ خوش بت حبابه احسن من ذيچ لعبت بينه ڪولبي الله يرحمهة
اسد: الله يرحمهة ..ونوروسه تگدرين تجين اشوي نحجي فوگ اذا ما عدج شغل
نوارس: هاا لا لا ما عدي ايشي جايه
.
.
نوارس
راح اسد واني استأذنت من ام اسد ورحت وره صعدت شفته فاتح باب غرفته وگاعد عله الچربايه
ورحت وگفت گدامه وگتله
.
.
نوارس: ها عيوني خوما محتاج شي
اسد:تعالي
.
نوارس
ڪضني من ايدي وقربني عليه بعد اڪثر واني واگفه وهوه گاعد رفع راسه وباوعلي وگال
.
.
اسد: اروح فدوه الج يا عمري وحيلي
.
نوارس
: ابتسمت بخجل وگتله
.
نوارس:اسد حياتي ميصير اصيحلي علمود هيج ادگلي واني عايفه امك زحمه
اسد: فدوه للمأصله الفاهمه بس اني ما صحتج حته اكلج هيج
نوارس: لعد شنو؟
اسد: جبتلج هديه
نوارس:(بفرحه)والله
اسد: والله ولو انتي احله هديه بس عادي نجدد
نوارس: ههههه شوفني بله الهديه
اسد: حااضر
.
.
نوارس
وشال جيس شكله حلو وطلع منه ڪارتونه صغيره جوزيه اتعجبت شنو هاي
وفتح اسد الڪرتونه وطلع مبايل جايبلي اسود
.
.
اسد
طلعت المبايل من الكارتونه وباوعت لنوارس مكيفه وشكلهة ليكول مصدومه ضحگت وگتلهة
.
اسد: عجبتج هديتي
نوارس: هاا والله الي
اسد : طبعن ماكو غيرج اضن
نوارس: بس اني ما اعرفله
اسد: والله اني هم جنت ما اعرفله بس هيج استخدمه حي الله
نوارس: ههههه شڪراا عيوني انته بس انته جبتلي هاذ ومجبتلي منبه
اسد: هههه هوه هاذ بي منبه
نوارس: والله اشلون
اسد: ولج اشگد عمىچ انتي
نوارس: (بتعجب)19 ليش
اسد: يمه حيلي ههههه فدووه
.
.
نوارس
عكفت حواجبي وبرطمت  وكلت
.
نوارس: تضحك عليه لان صغيره وانته كبير
اسد: وهاذ احله شي بيج
.
.
نوارس
بقيت اباوعله ومبتسمه اباوع عله ملامحه وعيونه وحواجبه ونوب انتبهت عله روحي وخرت منه وكتله
.
.
نوارس؛ يله خلي انزل عيب اهلك وحدهم ميصير
اسد؛ تمام كليبي
نوارس؛ وانته سويلي المبايل
اسد؛ حاضر
نوارس؛ رايحه
اسد؛ راح اشتاقللج
.
.
نوارس
ضحكت ورحت نزلت جوه شفت ام اسد تثرم زلاطه وسولف ويه شيماء وكتلهة
.
نوارس؛ لا خاله ليش تعبتي روحج اني اجيت اسوي
بديه؛ لا تكولين خاله انه عمتج بعد وهم انه ما احب اكعد وجتف ايدي لازم اشتغل
شيماء؛ تعالي حبيبتي خلي نتسامر انه وياج نتعرف عله بعض اكثر
.
.
نوارس
رحت كعدت يم شيماء عله الكرسي وهيه كالت
.
شيماء؛ لا تقيدين روحج وياي اني اخيتج لجبيره اعتبريني
نوارس ايي طبعن عادي
.
نوارس
بقينه انسولف اني وشيماء حبابه حيل ما عدهة حقاره ارتاحيتلهة حيل
وشوي وكمنه نحضر غده وصبت النه ام اسد ورحنه بالستقبال فرشنه السفره وكالت ام اسد
.
.
بدريه؛ يمه نوارس روحي صيحي لاسد خلي ينزل يتغده
نوارس؛ حاضرر
.
ورحت اصيحله
.
.
اسد
واني كاعد وحيدي بالغرفه فكر يوديني وفك ايجيبني ما فزيت اله عله صوت المبايل جاي ايدك شفت من الشغل جاوبت
.
.
اسد؛ الووو
الشغل؛ اشلونك حضره اللواء اسد
اسد؛ هلا بيك تفضل
الشغل؛ اعذرنه سيدي عله الازعاج بس اجه طلب من الرأيس بانو تجي للشغل ايريد يقابلك ويحجي وياك
اسد؛ يا ستار... تمام ماشي العصر اني يمكم
الشغل؛ تمام سيدي اخذ راحتك
.
.
.
اسد
سديت الاتصال ونتبهت نوارس يم الباب واكفه وكتله
.
اسد؛ تعالي حياتي
واجت وكالت
.
نوارس؛ تعال نتغده صبينه تره
اسد؛ حاضر جاي
.
.
اسد
كمت ومشت نوارس قبل واني وراهة امشي وباوع عله هامت راسهة وشعرهة ما ادري ليش اجاني شعور بانو لازم ابوس نوارس وهسه 😅
فكضيتهة من ضفيرتهة وجريتهة علكيف عليه وبستهة من هامتهة وخرت وباوع لوجه نوارس مصدومه وخجلانه وجهة صاير يخبل ضحكت اني وعفتهة ورحت وهيه بقت واكفه وساكته
.
.
.
نوارس
اني جاي امشي طبيعي محسيت اله اسد جرني من ضفيرتي وباسني براسي انصدم هايي شنو صارت مفاجأ😅
وعافني وراح وهوه يضحك ضحكت اني هم عله كيف ومشيت
.
ورحت نزلت جوه واسد كعد عله السفره وهوه يباوعلي صفح وحس حاصرته الضحكه بس ضامهة
وام اسد كاعده وشيماء واني هم كعدت وتغدينه بس اسد طول الغده مباوعلي استغربت عليه اشو باسني ومجاي ينتبهلي
خلصنه غده ولمينه السفره اني وشيماء ورحنه انعزل المطبخ كالتلي شيماء
.
.
شيماء؛ حبي نوارس سوي انتي جاي واني راح اعزل لماعين
نوارت؛ تمام عزلي واني من اودي جاي واجي نغسل سوه
شيماء خوش اتانيج
.
.
نوارس
سويت جاي وصبت باستكانين لاسد ولامه وديتلهم الجاي اني واجي امشي وصلت لباب لستقبال سمعت ام اسد تحجي ويه اسد
.
.
بدريه؛ يمه فدوه لا تبلي روحك اتاكد زين من التريده اول
اسد؛ ايي يمه صدك تحجين طبعن انه اريدهة ولا مفكر اعوفهة وهيه تره حبابه
بدريه؛ ادرري حبابه بس يا يمه مو كدك هااي مو عمرك صغيره عليك
اسد؛ واني صرت اصغر منهة من عرفتهة
.
.
نوارس
من سمعت اسد هيج كال مردت ايكمل ويحجي عله روحه كبل دخلت وسويت روحي طبيعيه ولا ليكول سمعت شي
واسد من شافني كبل سكت ودار وجهة من امه
واني اطيتهم جاي وكلت
.
نوارس؛ ايشي تحتاجون صيحولي
اسد؛ عاشت ايدج
.
.
نوارس
ابتسمت ورحت للمطبخ بقيت صافنه وافكر بالي سمعته وصحاني صوت شيماء
.
.
شيماء؛ نواارس اشبييج صافنه
نوارس؛ هاا لا لا مصافنه طبيعيه اصلنن
شيماء؛ تمام تعالي نغسل
نوارس؛ ايي اجيت
.
غسلت اماعين ويه شيماء وعزلت المطبخ شفت اسد صعد للغرفه
.
.
.
اسد
وره ما راحت نوارس امي بقت تقنع بيه واني ضجت وخليت وكمت منهة ونهيت الحديث بعد
وصعدت لغرفتي كعدت عله الميز مالتي طلعت جكاره ورثت صدك ضجت من رووحي ليش يعني مجاي استقرر وبعد هل عمر كله زوجتي لاوله توفت هيه وبتي والثانيه جيلان توفت هيه وابني وهسه نوارس عله علك كلبي بيهة وهيه بعدهة فرخه اصغيره واَمي معاجبتهة لهل درجه فكريي اني

.
ومصحاني غير صوت نوارس
.
نوارس؛ اسد
اسد؛ هاا هلا حبيبتي
نوارس؛ شبيك اشوفك شارد ودخن وضايج خوما صاير شي
اسد؛ لا ماكو شي
.
.
نوارس
اتقربت من كرسي اسد وكتله
نوارس؛ لضم عليه تره اني اعرفك من اضوج

اسد
ابتسمت لنوارس وكضيت ايدهة وطفيت الجكاره بالنفاضه وكتلهة
اسد؛ والله ما راح اهدج طول عمري يا حييلي
.
نوارس
ابتسمت وكتله
نوارس؛ حيلي حلوه هاي الكلمه دومك ادكلي بيهة
.
اسد
جريت نوارس عليه وباوعت بنص اعيونهة ورفعت ايدي عدلت كذلتهة وكلت شعر الهة
.
اسد يا حيلي ومروتي وكلشي حلو انته
يا عشك هاي لجيال من عشكتك مهتميت ابن منو انته
ويا حيلي الراح ويه كفه ضهرك الدرته
ويا كلبك الي صار بذيج ليام جتال وكلبي جتلته
ويا حيلي بهل دنيه وانته ردته
ويا حيلي الي جان مثل الجبال وبنضره منك هدمته
وتحسر عله حيلي شلون جان
وانته دخلت لحيلي وسكنته
يا سنانه كلبي الي ابين بيباو حبك سجنته
ويا حيلي الي وياي وبروحي لحمته
.
.
نوارس
اشكد فرحاانه اله اشوي جان بجيت من الفرح وبقيت مبتسمه وباوع لاسد
.
.
اسد
نوارس بقت اتباوعلي وفرحانه واني كرصت خده عله كيف وجريته عليه وبسته من خدهة وخرت وكالت نوارس
.
نوارس؛ ذكرتني بمساعه من بستني من راسي
اسد؛ ههههههه غلسي عليهة
نوارس؛ لييش حلوه حبيته هههه
اسد؛ مدري شجاني وبستج من هامتج
نوارس؛ احله بوسه
.
ومقاطعنه غير صوت ام اسد من سمعتهة طفرت كبل وخرت من اسد حييل خجلت منهة وكالت
.
بدريه؛ اسد اذا هيج لازم بعد نحجي بموعد الخطوبه ميصير تدنالهة وهيه مو حلالك اشلون
اسد؛ احلله خبر اسمعه يله شوكت نخطب
بدريه؛ لازم اجيب اهلهة وامهة لازم حاضره
اسد؛ بااجر العشيره كلهة يمج
بدريه؛ ماشي
.
نوارس
راحت ام اسد وهيه تباوعلي ومعاجبهة الوضع عرفت ضاجت وباوعت لاسد فرحان واني ابتسمت جذب ورحت طلعت من غرفه اسد نزلت مريت من الاستقبال وسمعت صوت ام اسد اصيحلي غمضت عيوني بقوه وجمدت ورجعت فتحت عيوني ودخلت للاستقبال وكلت
.
نوارس؛ ها خاله العفوو عمه
بدريه هاي اخر مره اشوفج قريبه هل كثر مو اسد وانتو بعدكم ما مخطوبين
نوارس؛ لا عمه والله اول مره هيج بسس
بدريه؛ لا بس ولا شي كتلج بعد حرام ميصير
نوارس؛ حاضر بعد متنعاد
.
ودرت وجهي وطلعت بسرعه من الاستقبال حيل ضجت وخجلت وشيماء جان اتباوعلي ومستغربه  حييل خجلت غميت روحي وكمل دربي للمطبخ جاي اشرب مي شفت اسد امبدل ملابس الشغل وراح عله امه رحت ورا
.
.
اسد؛ يمه راح اطلع للشغل محتاجه شي اجيبلج وياي
بدريه؛ سلامتك يمه بس هاي لريدهة
اسد انشاء الله
.
.
نوارس
اندار اسد وشافني وكال
اسد؛ اجيبلج شي وياي
نورس؛ سلامتك يعمري
اسد؛ يروحي
.
.
نوارس وراح اسد واني اباوعله ونتبهت ام اسد اتباوعلي واني رحت صعدت لغرفتي فتحت الباب ودخلت رحت امشط شعري شفت المبايل الي جابه الي اسد فتحته بدون رمز ولا شي فارغ عفته عله الميز رجعته ولميت شعري سويته طوبه عاليه وطلعت وصله ورحت نكعتهة بالحمام ومسحت الاخشاب مال غرفه كلهن واني ماخذني الواهس اشتغل وفكر فزيت عله صوت شيماء
.
.
.
((مع تحياتي الكاتبه؛ ضحى الطائي)))