اوجاع طير النوارس

البارت 4

.
.
نوارس
واني نايمه عله الكرسي ومدنكه راسي وفاقده محسيت اله ارشكت ابدولهة ماي بحيث سبحتني هلكد ماي بيهة فزيت واني شهكت اريد اخذ نفس وكمت اكح  وهوه كض وجهي بقوه ورفعه عليه واني اكح حسيت نفسي اختنكت وكبل كام ايضرب ابجهي بقوه ضربات متكرره وحده وره اللاخ ويكول
.
اسد:صحصحيي يله كافي نووم
نوارس: كعدت والله كعدت كافي
وخرت وجهي من ايده وهوه رجع كض وجهي
.
اسد
كضيت وجهة بايدي ابقوه وعصبيهة ورفعته عليه واباوعلهة وعاكد حواجبي
.
نوارس: وخرر وجعتني
اسد: تحجين لو الجأ لغير تصرف وياج
نوارس: كتلك ما مسويه شي لتلح
.
اسد
ضوجتني ابكلمتهة وخرت ايدي من وجهة ورجعت ضربتهة ابضهر ايدي ابكل قوتي ابجهة من قوت رادت توكع وكضيت الكرسي وعطت بيهة
.
اسد:(بعياط)ولبووك هاذ كله شسميي انتي مني لا جنسيه ولا شي عدج
نوارس:كتلك ماا عدي اهل حته ايسوولي جنسيه
.
درت ضهري منهة ورجعت باوعتلهة وكتلهة بعصبيه واني رافع ايدي كبال وجهة
.
اسد:اشجنتي تشتغلين لعد مستحيل كاعده هيج وساكته
نوارس: (بخوف تردد)كل. كليوميه ابمكان اشتغل
اسد: وشنو نوع شغلج
نوارس:(ابجي)عمله تنضبف
اسد:(بعياط)الله الله عله الشرف عامله تنضيف شنو اليثبت هااا
نوارس:(ابجي)والله والله مجاي اجذب عليك والله
اسد: الضاهر انتي حبيتي الواير مالت البارحه مو
نوارس:(ابجي وترجي)لا فدووه لا والله جاي احجي صدك والله مجاي اجذب عليك فدوه
اسد: زين اعوفج وبعد ما اضربج بس اجاوبين عله هاذ سؤال وبس
نوارس: شنوو
اسد: اطيني اسمج الثلاثي
.
نوارس
اصفر وجهي وكمت اتنفس ابسرعه ودموعي تنزل سره
.
اسد: يلله
نوارس:(ابجي) ما عدي والله ما عديي والله
.
اسد
اباوعلهة واني اعيوني طافره وحواجبي معكوده وهيه تبجي  وكتله
اسد: راح اتعامل وياج بغير اسلوب لعد
نوارس: لا فدوه ابوس ايدك صدكني اني بريأه ما عدي اذه عله واحد والله
.
ابجي واحجي ويا وهوه كعد ابصف رجلي عله نص ركبه وطلع جداحه من جيبهة وكال
.
اسد: تعرفين هاي شنو
.
نوارس
اباوع وفاتحه اعيوني وخايفه بس لا يحركني وابجي وكتلهة
.
نوارس: ابوس ايدك لا فدوه
اسد: انتي جبرتيني هيج اسوي
نوارس: والله جاي احجي الصدك ما مجذبه
اسد: اشش اسكتي بس خلي اشوف شنو جوه بديج
.
اسد
وهيه كاعده وتبجي اني شلت اشوي من البدي ودخلت ايدي الكاضه الجداحه جوا وشغلتهة عله جلدهة بعيد عن البدي وما اسمع غير صوت صيحتهة من الوجع وكامت ترفس ابرجليهة من الحركه اشوي وخرت منهة
.
نوارس
حركني ابطني واحس شطت للسمه من الوجع وعطت بكل صوتي وابجي اشوي وخر
.
نوارس:(بعياط وبجي)أاااخ أااخ بطنيي حرام عليك
اسد: وهسه شفكرتي؟؟
نوارس: انيي مخطوفه من اصغيره والله والرباني كبير بالعمر فقيير ومات قبل شهرين والله مجاي اجذب وبقيت اشتغل بكل المناطق عسا ولعل فديوم الكه اهليي
.
اسد
تحجي وتبجي ادموع اعيونهة ازخ انقهرت عليهة يمكن صدك تحجي ومجاي اجذب واني ضالمهة كعدت اكبالهة عله الكرسي وكتلهة
.
اسد: يا منطقه انتي كاعده بيهة جنتي
.
نوارس
واني فحطانه من البجي والوجع متسارعه دكات كلبي كلش ونفسي سريع اعيوني غوشن وكمت ما اسمع شيحجي وياي
.
اسد:(بعياط)ياا منطقه احجيي
نوارس: منطقه المنطقه ياا
.
وما احس عله نفسي اله فقدت الوعي ونمت
.
اسد
واني اباوعلهة وانتضر تحجي هيه كبل نزلت راسهة وفقدت واني كضيت وجهة ورفعته شفتهة متخربطه كمت اضرب ابجهة ابقوه مرات متكرره واكول بعياط
.
اسد:(بعياط)وللج كوومي احجيي احجيي يا قندره
.
خليت وخرت منهة واني حاير وكلت بيني وبين نفسي
لازم احقق وره هل بت واذا صدك حجبهة اني اخليهة تلكه اهلهة لو اطلعهم من جوه الكاع بس اذا اجذب جنت عله نفسهة
.
.
نوارس
فزيت واني دايخه احس الغرفه تفتر بيه رفعت راسي وكعدت وتعجبت اديه عله الكاع؟؟
وباوعت عله نفسي اني نايمه عله الكاع مو عله الكرسي
.
نوارس: هاي اشجابني اهنا وشوكت فتحو اديه وخلوني بالكاع؟؟
.
اباوع عله اديه امورمات من مكان الكلبجه ورفعت اشوي الاردان شفتهن مشطبات اشطب اثر الضرب هاذ الحيوان لما عده رحمه
رجعت عله الحايط ارتجيت عليه وكرفصت رجليه ولفيت ايدي حواليهن وضميت وجهي بينهن واني ميته برد الغرفه ثلج لان الدنيه شته وشعري رطب واني ارجف وكاعده انفتح الباب خفت عرفت هم هاذ اجه وصدك هوه دخل وسد الباب واجه كبالي كعد عله نص ركبه
واني ميته خوف وارجف وعيوني بعيونه لحادهن عليه وحواجبه المعكوده وكال
.
اسد: ما جاوبتي عله سؤالي
نوارس:(بخوف وتردد)وشن.شنو سؤالك
اسد: استغفر الله العلي العضيم كلساع اعيد
نوارس: ما اذكر والله
اسد:(بصوت عالي)من ياا منطقه
نوارس:(بخوف)من منطقه زراعيه اسمهة.............
اسد: هاا متاكده
نوارس: ايي والله
اسد: باجر اروحلهة وروح لجيرانكم لو هم ميتين جيرانكم
نوارس: لا لا عايشين
اسد: خووش باجر راح اروح اني وياج ونسالهم واحد وحد عليج واذا صدك الحجيتي جاوبو عليه انتي حره خووش
نوارس: ايي
اسد: بس قسم بالله العلي العضيم اذا جذبتي اريد ابتلي بيج والله اندمج
نوارس: لا لا والله باجر اسال وشوف
.
اسد
عقجت وجهي ولويت حلكي وهزيت براسي ابمعنه اي وكتلهة
اسد: يله انطمري باجر الصبح اروح
.
نوارس
اباوعله وارجف من الخوف وهزيتله راسي بمعنه اي وهوه خله وطلع راح اني اتمدت عله الكاع ومكرفصه من البرد مجمده والبرد يكرص وبسبب البرد اثار الضرب توجعني حيل بقيت ممطوله ودموعي تنزل بسبب الوجع والقهر
.
.
اسد
واني كاعد عله الميز ولعب ابلحيتي وصافن بالملفات وبالي مو يمهن ابد بالي كله يم نوارس كاسره خاطري هل بت معقوله كل هل ضيم شايفته ابحياتهة وهيه بهل عمر الصغير وندك الباب
.
اسد: اتفضل
انفتح الباب دخل صديق حياتي العزيز
مصطفى: شلونه اللواء الاول الرأييس
اسد: انته الرأيس حبيبي
وكمت وطيته ايدي سلمت وكعد عله الكرسي لكبال ميزي
.
مصطفى: شلون لخبار
اسد: والله لحمد لله عايشين
مصطفى: وشلونه الشغل خوما امتعبك
اسد: لا مرتاح حالين ما تعبان
مصطفى؛ اشعجب دومك من يطوك واحد للتحقيق تطلع فحطان من يمه وتعبان
.
اسد
شلت ملف نوارس وشمرته كدام مصطفى عله الميز وكتله
.
اسد: شووف
فتح مصطفى الملف وكلب بي ويباوع وعاقج حواجبه متعجب وكال
.
مصطفى:هاي شنوو اشو بس أسم ابنيه
اسد: مصطفى اريدك اساعدني
مصطفى: فهمني شنو السالفه وشنو هاي
اسد: هاي ابنيه بدون جنسيه بدون اسم ثلاثي بدون اهل بدون بيت واريد احقق ابموضوعهة وعرفه واريدك اساعدني
مصطفى: هاي شني اول مره هيج اشوف يمكن ارهاب هاي وجذب
اسد: لا باجر راح اروح اسال اني وياهة واريدك تجي
مصطفى: ايي بس فهمني شنو قصتهة خلي اعرف
اسد: اوكي خلي احجيلك
.
حجيتله كلشي عنهة وشكالتي وشنو اني اريد اسوي واذا طلع حجيهة صدك ارجعهة لاهلهة وبمسادته
..
.
مصطفى: وكفت شعر راسي تعرف
اسد: لازم اساعدني
مصطفى: بالخدمه اني اذا هيج هيه مضلومه ليش لا
اسد: مشكور عضيدي
مصطفى: بس مكتلي اشكد عمرهة
اسد: ١٧سنه بس
مصطفى: خطيه كل هاذ صاير الهة وهيه بهل عمر
اسد: لهاذ السبب اريد اساعدهة واذا حجيهة صدك لازم بعد اطلعهة من المخفر فراح اكعدهة ابيتي لفتره لبين ما الكه مكان مناسب الهة ولعمرهة
مصطفى: ما شاء الله انته اسمك اسد واسم على مسما انته صدك اسد
.
.
اسد
بقينه نحجي ونتفق شنسوي لحد مصارت الساعه بال١ونص بالليل رجعت اني لبيتي دخلت السياره بالطرمه وسديت الباب ورحت ابجهي فتحت التدفأه بخرفتي و دخلت للحمام سبحت  طلعت لبست ملابس واني جاي ابدل واباوع عله المرايه اجه بالي يم نوارس وكلت
.
اسد: بس لا هسه بردانه اي اكيد بردانه اذا الغرفه عباره عن حديد ليش متبرد ...يله اذا حجيهة صدك باجر اتنام ابدفو بس اذا اجذب طبهة ازهيري تستاهل وابو زايد وياهة
وره ساعه نمت
.
.
نوارس
واني مكدرت انام الليل ابطوله ابسبب البرد كاعده ومكرفصه وضامه اديه بين رجليه وشعري خالته جوه البدي علمود ايدفي ركبتي
اشوي ونفتح الباب احس كلبي راد يوكف من الخوف اتسارعن دكاته ودخل نفسه الشخص
.
.
اسد
اجيت للشغل الساعه ب٨الصبح خليت غراضي ابمكتبي وكبل رحت لنوارس واني امش أبممر الغرف افكر  وتوقعت نوارس هسه نايمه وكول شيكعدهة الي بس من فتحت الباب وشفتهة اتفاجأت كاعده وفاتحه اعيونهة عله الباب ابخوف صايرات وجهة دم من البرد وكتلهة
.
اسد: خوش كاعده حسبالي نايمه
نوارس: مكدرت انام الجو بارد
اسد: طبج مرض يله كومي
.
نوارس
واني احجي ابالي
وسم اي والله حته حجي ميعرف يحجي
عقجت وجهي وكمت
.
اسد: يله خلي اروح لشكو واحد تعرفي ابمنطقتكم
نوارس: ايي راح اخذك للكل
اسد: اي يله امشي
.
نوارس
طلع هاذ الرجال واني امشي ورا بالمخفر واشوف كلهة اجنود وشرطه طلعنه من يمه وشفت ولد واكف يم سياره حديثه عاليه الضاهر هاذ جندي عرفته من ملابسه
.
اسد: هلا بمصطفى
مصطفى: هلا بيك جاي انتضرك
اسد: اقدملك نوارس
.
نوارس
هيج كال واني دنكت خجلانه وهوه باوعلي وكال
.
مصطفى: هلا بيهة
اسد: يله صعدي بالسياره ودلينه
نوارس: ايي
.
وصعدت بالسياره اليوره وصعدو اثنينهم بالصدر ويسولفون بالشغل لحد موصلنه المنطقه
.
اسد: اي منين اطلع بعد
نوارس: امشي الليكدام بعد
.
دليته عله بيت ساره صديقتي لان اهلهة كلهم يعرفون قصتي وشنو اني
طبك اكبال بيتهم ونزلت وهمه اثنينهم نزلو اني دكيت الباب
.
حمودي: منوو
نوارس: ايي افتح (وحس كلبي راح ينشلع من الخوف نضرات هذوله اتخوف)
فتح الباب حمودي وهوه مصدوم
.
حمودي: نووارس هااي اشبيج شصاير ليش هيج وجهج
اسد: السلام عليكم خويه
حمودي: وعليكم السلام اتفضل
اسد: نكدر ندخل للبيت نحجي
حمودي: هاا. اي ايي اتفضلو
.
نوارس
دخلت بس اني وهاذ الجان اياذيني بالتحقيق ذاك بقه واكف بالباب
دخلنه للستقبال واجه ابو ساره وام ساره وحمودي كعدو يمنه بالستقبال ام ساره اتباوع عليه مصدومه واني وجهي خريطه صاير من الاثار والزراك
.
ابو ساره: اتفضل ابني شكو وشصاير للبت
اسد: السلام عليكم بويه
ابو ساره؛ وعليكم السلام والرحمه
اسد: تعرفون هاي البت
.
وماشر عليه
.
ابو ساره: ايي واعز المعرفه
اسد: خووش تعرفون وين عايشه ويامن؟؟
ابو ساره: جانت عايشه اشوي غادي عنه ويه رجال مرحوم اسمه عيسى محسن
اسد: وين هاذ عيسى
ام ساره: اتوفه يا ابني قبل شهرين اكثر
اسد: هااا زين اشلون هوه رباهة هيه ما عدهة اهل
ابو ساره: هاي البت لكاهة عيسى عله ضفه شط العرب هيه وتوهة مولوده وخذاهة رباهة وكبرهة ما شاء الله وحسن التربيه بيهة
اسد: هاا شكرا بويه
ابو ساره: هسه اجه ادوري اسال صح لو لا
اسد: (بستهزاء)ههه اي بله اسال
ابو ساره:البت وين جانت وليش هيج وجهة
اسد: قصه اطويله بس صار اشتباه بينه وبين ارهابي وافهم انته بعد ويله نوارس كومي انروح
.
كبل كام ابو ساره وكال
ابو ساره: نوارس مراح اتروح لمكان راح تبقه
اسد: بويه لخاطر ربك اكعد وستريح احسن
ابو ساره: مشووف انتم شمسوين بيهة
اسد:(بعياط)كاافي جاي اكلك مشتبه بيهة شتريد انسويلهة يعني
.
نوارس
متت خوف من عاط وكبل كضاني من زندي وسحبني طلعنه اني ويا من البيت وفت الباب مال سياره ودخلت بيهة وكعدت وباوع لهاذ الرجال جاي يحجي ويه الثاني الاجه ويانه اشوي ودخلو للسياره ورجعنه وكال
.
اسد: شوفي نوارس تردين اساعدج
نوارس: بشنو اساعدني؟؟
اسد: الكالج اهلج وارجعج الهم
نوارس: والله
اسد: ايي تردين
نوارس: اي والله اسوي فضل ياريت ارجع
اسد: اي بس لازم اتكعدين يمي لحد وتسمعين كلشي اكلج اسوي منلكاهم
نوارس: كلشي حاضر بس كون الكاهم
مصطفى: انشاؤ الله تلكيهم
.
.
يتبع في بارت قادم