اوجاع طير النوارس

البارت 64

.
.
.
السلام عليكم ورحمة الله وبركاته مساء الخير
رجعت وياكم ابارت جديد اتمنى الكل يدعم ويخلي نجمه ورأيه بالتعاليق
.
.
طبعن قبل لا نبدي نفس كل مره ((اللهم صل وسلم على سيدنا وحبيبنا ونبينا محمد وعلى آله وصحبه أجمعين وسلم تسليما)))
.
.
.
مع تحياتي الكاتبه؛ ضحى الطائي
.

_____________________
.
.
اسد
بقيت كاعد يم احمد اسولف واحمد سالني
.
.
احمد؛ صدك شخبار خطيبتك مجبت طاريهة
اسد؛ ابخير زينه بس تعرف حض اخوك دومه كل منوصل واحد يبعرهة علينه
احمد؛ ليش شكو منو هسه عارض
اسد؛ امي الله يسلمهة متريد نوارس
احمد؛ لا تزعل مني بس من يوم يومهة متريدهة امك
اسد؛ اعرف بس ردت اغشم روحي بس طكته ابجهي بعد
احمد؛ وهسه شراح اسوي
اسد؛ لسبوع اللاخ عرسي
احمد؛ وامك؟
اسد؛ ما علي لابد يجي يوم ونتراضه
احمد؛ احسن شي هيج سويت
اسد؛ طبعن
.
.
اسد
بقيت اسولفله عله الي صار واني بالشغل وره ساعه كمت وترخصت منه اصر عليه ابقه عله الغده بس اني ما قبلت كتله مستعجل وطلعت بعد من بيتهم
شغلت سيارتي وتحركت
.
.
.
نوارس
تاخر اسد واني بالغرفه  اعدل ابشعري وبروحي ورجعت كعدت حيل ضجت اسد حيل اتاخر وره ساعه سمعت الباب انطبك عرفت هاذ اسد
كبل كمت رحت شفت اسد دخل للمطبخ باوعتله وسويت روحي مطنكره وضايجه
اسد باوعلي وعكف حواجبه وكال
.
.
اسد؛ اشبيج ليش مبوزه
نوارس؛ ما بيه شي
اسد؛ هااا فهمتج
نوارس؛ اي كول شنو
اسد؛ انتي شفتي وضعنه مستقر وهدوأ كلبت هرموناتج وعبج اسوين اكشن وضوجين وهاي الامور
نوارس؛ لا والله مو هيج شسالفه
اسد؛ لعد تحجين لو لا
نوارس؛ لااا
اسد؛ لعد وخري خلي اروح لاخوي
.
.
نوارس
وخرني من طريقه وراح للاستقبال واني بقيت اباوعله هاي اشبي ماشيي اصبرلي يا اسد
.
وبديت احضر واسوي غده كلت اسوي مركه تشريب دجاج وحضرت كلشي وبديت اسوي طلعت قوطيه الحمص ردت افتحه ما كدرت
اجت فكره ابراسي اضوج بيهة اسد وخذيت قوطيه الحمص ورحت
.
.
.
اسد
اني كاعد بالاستقبال ويمي سيف جاي ايكلب بمبايله نوارس اجت باوعت الهة وشايله بيدهة قوطيه حمص اشو هاي باوعتلي وراحت السيف كالت
.
.
نوارس؛ سيف تكدر تفتحه الي
سيف؛ اي صار
.
.
نوارس
باوعت لاسد اعيونه كامن مينشافن هلكد معصب وصغرهن عليه وسيف اطاني القوطيه فتحه الي وكتله
.
.
نوارس؛ شكرا
سيف؛ ادللي
.
.
اسد
من سوت هاي الحركه انغثييين حييل ودي اكسر القوطيه ابراسه وراحت وهيه طبيعيه واني محترك ابمكاني شنو ما تجيني انيي ليش اتروح لسيف
.
.
.
نوارس
رجعت للمطبخ ضحكت ابهدوء شفت اسد اشلون ضاج يستاهل ضوجني وما اهتملي خليي
.
وكملت غده وخلصت كلشي
وصبي لاسد ولسيف وديت الهم بالاستقبال ايحبون ياكلون بيهة واني ردت اروح وسيف كال
.
.
سيف؛ شنو ما تاكلين
نوارس؛ لا ما اشتهي بالعافيه
.
.
نوارس
انداريت شفت اسد مخنزر ويباوعلي واني كبل درت وجهي وطلعت ابسرعه رحت للغرفه باوعت عله روحي بالمرايه وكلت
.
.
نوارس؛ والله يا نوارس كدرتي اضوجي وبعدين راح تاكليهة
.
وكعدت بالغرفه وره نص ساعه عرفت خلصو اكل كمت رحت للمطبخ شفت اسد جاي ايغسل وسيف اينشف اديه واني كلت خلي اخبث وهاي اخر مره😅
.
.
نوارس؛ سيف الساعه ابيش اذا تكدر شوف مبايلك
سيف؛ اي عادي ليش لا الساعه بالوحده وعشره
نوارس؛ ها شكرا
.
.
.
اسد
جاي اغسل اديه وسمعت نوارس سالت سيف كبل رفعت اعيوني ونداريت ورجعت سديت البوري ونداريت باوعت لنوارس وانيرعاكد حواجبي هيه طبيعيه ولا ليكول
.
.
.
نوارس
اسد باوعلي وعاكد حواجبه ومصغر اعيونه سويت روحي طبيعيه وشلت لماعين وهوه استغفر ربه وراح
اني ضحكت بصوت ناصي
و بديت اعزل المطبخ ونضفته كله مخليت شي ونشفت اديه ورحت للغرف شفت اسد واكف ايباوع عله لمرايه ويعدل بشواربه وكتله
.
.
نوارس؛ اسد شكو
اسد؛ دخلي وسدي الباب
نوارس؛ بس ليش
اسد؛ ادخلي وسدي الباب
.
.
نوارس
خفت وسديت الباب وكتله
.
نوارس؛ هاا شكو
.
وهوه عض شفته وخله ايد ابجيبه وايد رفعهة ياشرلي باصابعه لثنين بمعنه اتقربي
واني اتحركت ابطا وتقربت عليه واباوع لعيونه اشلون ضايجات وهوه مطنكر
جان جرني من زندي وطبكني عله الكنتور وحاوطني باديه واني نحصرت بينه وبين الكنتور واني اباوع اله اشلون اكبر مني اضخم ومدنك راسه ويباوعلي بعصبيه واني كتله
.
.
نوارس؛ شنو شكوو
اسد؛ شنو هاي التصرفات التافهة
نوارس؛ يا تصرفات
.
.
اسد
كالتلي هيج واني ضربت الكنتور بقوه وعطت بيهة
.
.
اسد؛ (بعصبيه)؛ لااا اصييرين ثووله
نوارس؛ اشش نصي صوتك لا يسمعنه اخوك
اسد؛ وليش اليوم هلكد مهتمه لاخويه هاا شكوو
نوارس؛ شسالفه اسد قابل شنوو
اسد؛ نوااارس
نوارس؛ ماشيي بس كافي لا تعييط
اسد؛ يله كولي شكو
نوارس؛ اني هيج سويت عمدن حته بس اضوجك
.
احجي واباوع بعيون اسد لمخنزرات وعاكف حواجبه وكال
.
اسد؛ اضوجيني وليش اضوجيني
نوارس؛ لان اليوم اني وحجي وياك عفتني ورحت وما هتميتلي اني وضايجه
اسد؛ الله يطيح حضج اي والله هسه اذا اطيح حضج احد ايكلي ليش
نوارس؛ والله ردتك بس تهتمليي
اسد؛ وتردين اهتملج بهاي الطريقه السخيفه
نوارس؛ اسفه
.
.
اسد
وخرت منه وكفت اكبالهة اباوع عليهة وهيه كبل اجت حضنتني هنوب اكصيره هيه واصله الصدري بس اني ضحكت وحضنته وكتله
.
.
اسد؛ يمه للقزمات يمهه
نوارس؛ بعد لسوي هيج بيه
اسد؛ تره مو بقصد هيج مسوي بس هسه اني زعلان منج
نوارس؛ ابشنو اتريد اراضيك
.
.
اسد
وخرتهة مني وكتله
اسد؛ ارضه ابوسه
نوارس؛ امممم ماشي دنك حته ابوسك
اسد؛ هههه ماشي
.
.
اسد.
دنكت اطيته خدي وباستني وطيته خدي الثاني وهم باستني ورجعت اطيته خدي الاول وباستني وضحكت
.
.
اسد؛ خلي نبقه هيج للصبح اشو عجبني الوضع
نوارس؛ لاا هاهيه بعد روح
اسد؛ اطرديني
نوارس؛ لا مو اطردك بس روح عيب اخوك وحده
اسد؛ اليوم ردت اشنق اخوي بسببج
نوارس؛ شسالفه
اسد؛ والله غير صرت بركان
نوارس؛ روح  لعد حياتي بعدين نحجي
اسد؛ ماشيي رايح
.
.

نوارس
راح اسد واني باوعت للمرايه وضحكت انشالله ميحرمنه من بعض  يا رب
.
.
.
الكاتبه؛ ضحى الطائي
.
.
.
اجه الليل واني كاعده يم اسد بالاستقبال جاي ايكلب بالتلفون واني اباوع ويا وندك الباب اسد كام فتحه واني طلعت من الاستقبال عرفت ولد اجه
.
.
.
اسد
كمت فتحت الباب شفت امير اجاني الي جان يشتغل ويه زايد
هسه صار يشتغل عدي بس مو بالمركز لا بحياتي الخاصه هوه ايسوي كلشي اريده بعد مرديت جميله من ساعدني واني سادته وعفيت عليه
.
.
اسد؛ يا هلا بامير
امير؛ لا بيك ستاذ شلونك
اسد؛ لحمد لله بخير
امير؛ دومك يا رب بس اجيت عله الشغله الوصيتني عليهة
اسد؛ لعد دتعال ادخل خلي نحجي جوه
امير؛ ماشي
.
.
اسد دخلته للاستقبال كعدنه وكتله
.
.
اسد؛ اي احجي اسمعك
امير؛ والله يا استاذ لكيتلك احسن محلات تعرض قوط وبدلات للعريس كلش مرتبات ويخبلن هم
اسد؛ حلو هاي اول شغله
امير؛ والثانيه حضرتلك من كرايبي احسن نسوان اثنين ايكدرن يرحن ويه اهل العروسه عله النيشان وراح هنه ايحضرن العروس اكثر من اهلهة هم نسوان حووك
اسد؛ عاشت ايدك وبعد
امير؛ ولكيتلك ارقه صالون بالبصره اشك شكك الشغل مالته للعرايس واذا اتريد ادزلك صور للشغل
اسد؛ اي دزلي بعدين حته اخذ رأي المدام
امير؛ وهم لكيتلك احسن حلاق للعرسان فق اصلن وهم ادزلك شغله بالزيان وهم ايعدل الوجه خبطات ومبيضات
اسد؛ عاشت ايدك ما قصرت
امير؛ تدلل استاذ بس البدلات كلت انته ما عليه بيهن
اسد؛ اي هاي عوفهة علينه تعبناك
امير؛ تعبك راحه استاذ
اسد؛ شكراا
امير؛ وهم حجزتلك عند فندق احسن واحله فندق موجود
اسد؛ عفيه
امير؛ وهم لكيتلك قاعة راح ادزه الك صدك محترمه
اسد؛ عفيه عليك انته بس دزلي الحساب هم ومعليك بعد
امير؛ صار استاذ

.
.
.
وره اشوي وره ما اتفقنه راح امير واني رجعت للاستقبال شفت سيف اجه وسالني
.
.
سيف؛ منو هاذ
اسد؛ واحد وصيته عله امور العرس ايحضرهن الي
سيف؛ الضاهر اسوي عرس رناني
اسد؛ اذا ما اخلي الدنيه كلهة تحجي بي فلا اطلع اسد
سيف؛ تطلع نمر
.
.
.
اسد
باوعت عله سيف وعكفت حواجبي وكلت
.
اسد؛صدك شو اسمي اسم حيوان ما منتبه
سيف؛ حته نوارس نفسك هم حيوان هههه
اسد؛ ايي والله اني وهيه اسامينه مال حياوين ما منتبه
سيف؛ لكلوب سواجي ههههه
.
.
.
نوارس
مرن يومين وما بقه للعرس غير اربع ايام واني كل يوم ازيد توتر وقلق واني وحدي ابنيه
اسد جان طالع واني كلت احجي ويا رحت كعدت بالمطبخ انتضره وره ربع ساعه اجه اسد
.
.
نوارس؛ هلو حياتي اشلونك
اسد؛ يا هلا ابحيلي هسه صرت زين من شفتج
نوارس؛ يا بعد عمري بس اريد احجي وياك بموضوع
اسد؛ يا ستار شكو
نوارس؛ ماكو شي بس اكعد خلي نحجي
.
.
كعد اسد وكالي
.
اسد؛ خوما صاير شي عمري
نوارس؛ حياتي انته تعرف بعد اربع ايام للعرس
اسد؛ اي اعرف ليش
نوارس؛ اسد اريد خواتي وياي ما اكدر وحديي
اسد؛ اوووف اووف اشبيج لعد عمري خانكتج العبره ليكول
نوارس؛ لا مو هيج اني بس اشوي توتر العرس جياثر عليه واني وحدي
اسد؛ حقج صاار تأمرين امرر غير باجر خواتج واخوج وزوجان خواتج ومرت ابوج يمج بعد تامرين بشي ثاني
نوارس؛ لا هاهيه
اسد؛ بعد حيلي تدللين انتي بعد شنو
.
.
نوارس
بقيت اباوعله واشد باصابيعي من خوفي وتوتريي اول مره هيج شي ايصير وياي
.
.
.
.
مع تحياتي الكاتبه؛ ضحى الطائي
.