اوجاع طير النوارس

,البارت34

.
.
اسد
فزيت الصبح كوه افتح بعيوني وراسي دايخ احس الكاهن تفتر بيه
وفتحت عيوني انتبهت عله روحي نايم عله الكاع اتعجبت ونتبهت اني بدون ملابس استغربت شنو الي صاير وياي
هنوب صفنت كمت اذكر لقطات لحد مذكرت الي صاير كبل كمت وكلت
.
اسد:لا لا لا لااااا طيح الله حضي اي والله طييح الله حضي لك اشسويت انييي
.
كبل كضيت راسي وحرت اشلون انزل شكول لامي اشلون اسوي هيج
وذكرت جيلان أصلن من من قبل متلقيه اهواي من أمور الاختصاب يعني اني مو اول واحد هل شي خلاني اهدأ اشوي
.
ابسرعه لبست ملابسي ونزلت جوه شفت امي بالمطبخ هيه وشيماء
كبل رحت آلهة وكلت
.
اسد:يمه
وجان ميسكتني اله راجدي منهة انداريت عليه وكالت
.
بدريه:لا دكول يمه لا اكص لسانك بري منك ليوم الدين فااهم
اسد:والله مو بقصد جنت مو بوعيي
بدريه: حيواان لو بوعيك احسن لك شاارب جاي من اشوكت كايم تشرب يا نجسس
اسد:يمه عذريتي مجان قصدي
بدريه:عوف كلشي بس شنو ذنب البت شنووو
اسد:اني اصلح كلشي والله
بدري:ولك شنو اصلح كلشي يعني تريد تزوجهة
اسد: لااااا مو هيج طبعن
.
سيف:يمه اجه ابو التكسي
اسد:تكسي؟؟تكسي شنو
بدريه:مالي محط رجل بهل بيت منا ورايح اني ماشيه البيتي
اسد:صدك جذب يمه جاي اكلج مو ابوعيي
سيف: كافي خويه زودتهة أنته البارحه
.
اسد
بقيت ساكت اشوي وكلت
اسد: اوكي ماشي عله راحتكم اني راح امشي للشغل
.
وعفتهم ورحت صعدت فوك وصلت غرفتي انتبهت لغرفه جيلان وفكرت لازم احجي وياهة فدكيت الباب مجاوبت خفت لا صاير بيهة شي كبل فتحت الباب شفت جيلان كاعده عله الجربايه وتباوعلي وكالت
.
جيلان: هم الك عين ادك الباب بعد يا شريف
اسد: لتمسلتين عاد
جيلان: لا والك عين هم اترد والله صلف
اسد: تره متهميني ولا اهتم للي صار لأن انتي من قبل مو شريفه يعني مالي اثر بيج
جيلان: وزين اشلون إذ حبيبتك عرفت بالموضوع
.
اسد
اذكرت نوارس مجرد مشافتني يم جيلان حيل انقهرت اذا تعرف بهل موضوع اشلون
.
.
اسد: إذا تفتحين حلكج اشكه الج وثاني شي اشلون تحجين وياهة متكدرين
جيلان:(باستهزاء)ههه ولك اني جيلان شنو نسيت ميصعب عليه شي
.
اسد
عفتهة ورحت لغرفتي قفلت عله روحي الباب مجاي اكدر اباوع ابجه اهلي ابسبب الي سويته
.
.
________________________
.
نوارس
واني كاعده يم امي وأخوي عباس ارسم وسالتني
.
سميه: شنو جان اسم الي رباج
.
نوارس
اتعجبت عله سؤالهة اول مره تسال هيج سؤال
نوارس: عيسى الله يرحمه
سميه: جان رجال طيب لو لا
نوارس: أكثر من ما تتوقعين
سميه: الله يرحمه لو عايش جان حرت ابشنو الجازي
نوارس: ايي
انضكت روحي من اذكرته طول عمري ما شفت واحد اطيب من أبويه عيسى جان هوه كل اهلي كلشي بحياتي جان
.
عباس: ابد ما اتوقعنه راح يجي اليوم الي بي براء ترجع وتكعد ابنصنه وشايله غير اسم صراحه جنه مايسين من رجعتج كللش
.
نوارس
عباس يحجي وصافن عليه ومبتسم ابتسامه خفيفه
نوارس: بس رجعت وبعد راح الزك عله كلوبكم هم
سميه: وشحلات لزكتج والله احس كلشي صار وياي حلم واخاف اصحي منه
.
نوارس
ضحكت وتمددت وخليت راسي بحضن امي وهيه كامت تلعب ابشعري وباستني من راسي
.
عباس: هاا يمه تره اغار
سميه: هههه لعد تعال منو مانعك
.
وكام عباس واجه اتمدد عله الجهة الثانيه وهم عاف رأسه بحضن امي ضحكت اني وحيييل فرحت بحيث دمعت اعيوني من فرحتي ما جنت قبل اتوقع راح يجي اليوم الي ارجع بي لاهلي. بس رجعت لحمد لله
.
.
في مكان آخر
.
حنين
اني كاعده بالغرفه وحدي اكلب بالموبايل وجان حوراء تجي وكعدت ابصفي حسيت اكو سالفه وره ملامح وجهة الي مسويتهة
.
حنين: اشصاير احجي
حوراء: شنو كلشي ماكو بس هيج اجيت يمج
حنين: خوش لعد
حوراء: بس حنين ما راسلج هاذ صاحب نوارس مدري شسمه نسيت
حنين: لا ليش شعندج
حوراء: ما عدي شي بس حسبالي مراسلج كات خطيه اخيتنه اشوي نوصل آلهة اخبار
حنين: لا والله ما مراسل ولا شي
حوراء: مدزيله انتي رساله
حنين: إذا هوه مغلس علينه شعلي بعد اني
حوراء: حقه ايغلس إذا هاي البومه يمه ليش ميغلس
حوراء: خلصتي بعد
حوراء: ددزيله رساله اشبيج مراح اتخيرين شي يمكن حاير بشغله وما عده مجال ايراسل
.
حنين
صفنت اشوي وفكرت صح كلام حوراء شكو بيهة إذا ادز رساله وحده
.
حنين: اوكي راح ادزله رساله وحده بسس
حوراء: اي يله كتبي هلو
حنين: اي هاي دزيتله
حوراء: خووس بعد بس ننتضر اشوكت ايرد
.
حنين
راحت حوراء واني فكرت كلت قبل جان اسد دومه يسأل هسه صار أكثر من أسبوعين ما اله اي خبر
بس اكول الله كريم وانشاء الله ماكو شي ولا صاير اله شي لان نوارس اتموت
.
.
_____________________
.
اسد
صار يومين من امي واختي وأخوي من راحو زعلانين مني حيل متندم عله الي صار اني وبالشغل بحيث من ضوجتي لغيت شكو شغل سلموني ايا وحولته لغير يوم
اخر شي طكت روحي وكمت رحت طلعت من المركز ابكامله ركبت سيارتي ورجعت للبيت الي صرت حته ما اطيق الكعده بي بس شسوي مجبور اكعد لأن هاذ المكان الوحيد لمأمنه كل التأمين الصح من حرس وكامرات
.
دخلت للبيت شفت جيلان كاعده بالهول عله التخم رجل فوك رجل منضرهة ما عجبني بقيت بس اباوعلهة بأشمأزاز
.
جيلان: هلا نورت
اسد: اجي اني تعدلين كعدتج مفهووم
جيلان: اممم اوكي
وعدلت كعدتي وكلت
.
جيلان: هيج احسن
اسد: كافي مضرطه وشعدج انتي أهنأ
جيلان: كاعده وساكته قابل شاسوي مثلن لتخاف اني مو نفسك
اسد: يوم عيد اخلص منج وترحين منا وما اشوف جهرتج بعد
جيلان: اطمأن باقيه ولا راح اروح منا
اسد: بس خلي يجي القرار سحل اطلعج منا
جيلان: ههههه اوكي
.
اسد
عفتهة ورحت صعدت لغرفتي طلعت ملابسي أسبح اريد وسمعت رساله اجت تلفوني شفتهة من حنين جايه ردت ارد بس كلت لا ما اكدر وحذفت الرساله ورحت أسبح
.
.
________________________
.
حنين
فتحت جهازي ردت اشوف اسد راد لو لا
بس اتعجبت اول مره ايشوف الرسايل وما ايجاوب جان ايكيف من اندزله
.
وجت حوراء شافتني
.
حوراء: بشري حمامه غراب
حنين: رب الغراب
حوراء: جذببب
حنين: والله شايف الرساله وما مجاوب عليهة
حوراء: لا هذا المواد سواهة والله
حنين: شسوه؟؟
حوراء: حب جيلان غيرر
حنين: لا تمضرطين لخاطر ربج
حوراء: لا ما امضرط ليش ميسوي علاقه وياهة إذا وحدهم بالبيت
حنين: ديري بالج ادكولين لنوارس والله اموتج
حوراء: ميستاهل اخلي اختي تشغل بالهة عليه ما احجي
حنين : اي عفيه اسكتيي احسن الج
.
.
"""""""""
بعد مرور ١٨يوم
"""""""""""
نوارس
صار أكثر من شهر وماكو اي خبر لاسد ومن يجن خواتي ميحجن شي الي واني بالي مشغول حيل عليه مشتاقتله كلش كل يوميه اذكره وشبع قهر روحي تتعب من اذكر مواقفنه الحلوه البينه مستحيل انساهة مرسومه بجفن عيني كل ما غمض اشوفهن
.
ومصحاني من صفنتي اله صوت عباس
.
عباس: ولج شعندج أهنأ وحيدج صافنه
نوارس: هيج جاي افكر
عباس: اخخخ من حيلي لحيلج يخيتي
نوارس: يبعد روحي أنته
عباس: الي مر بيج مو سهل حقج بكلشي
نوارس: حته إذا اصفن اهواي
عباس: لا عاد مو لهل درجه اصيرين مطي
نوارس: ههههه بس تره هم حقي
عباس: ههههه اي حقج يكلبي
نوارس: شنو رايك اروح يم امي بعد خطيه وحيدهة
عباس: اي يله خلي نمشي
.
.
نوارس
كمت اني وعباس ورحنه كعدنه يم امي نسولف ونشاقه وياهة
.
.
_____________________

.
اسد
واني كاعد بمكتبي جاي اشتغل وندك الباب مال غرفه
.
اسد: تفضلي
وطبت جيلان وهيه مبتسمه وحاطه اديهة وره ضهرهة
.
اسد: ها جيلان شكو
جيلان: عادي نسولف اشوي
اسد: عدي شغل بعدين
جيلان : لا هسه بعدين انام
.
.
اسد
شمرت القلم من ايدي ورتاجيت عله الكرسي وكلت
اسد: ماشي الج عشر دقائق تحجين
جيلان : شكرا
اسد: ايي يله تعالي
.
دخلت جيلان وتقربت عله الميز
قلصت اعيوني عليهة وهزيت راسي بمعنه شنو
.
جيلان: شوف اسد اريدك تسامحني
اسد: من شنو ؟؟
جيلان: من الي راح اسوي بيك
اسد: شسوين
جيلان: صدك يا اسد من شده كرهي الك هيج راح اسوي لا تعتبرهة شقه
اسد: لا هسه عاد اني ميت عليج ولي بابه وليي
جيلان: هلا والله
اسد:(بعياط) ولليييي
.
جيلان
اسد عاط بيه واني كبل جبيت عليه اكلاص ماي وطفرت ركضت ركضه
.
اسد
جبت عليه ماي وشردت احس اعصابي انحركت كبل عطت وركضت وراهة
.
اسد: جييلااان اليوم محد يسلمج من ادي
.
جيلان
واني اركض خفت حيل منه وجان اريد انزل الدرج الوت رجلي وكعت ادعبلت من الدرج
.
اسد
شفت جيلان وكعت ودعبلت من الدرج ابسرعه نزلت آلهة وهيه عاطت
.
جيلان: بطنيي يمه بطني توجعني كامت
اسد: كله بسبب شقاج السخيف عاذ
جيلان: بطني راح تنشك من الوجع ااخخخ
اسد: اصبري ثواني بس اشغل السياره وارجع
.
ركضت ابسرعه شغلت السياره وفتحت الباب مالت السياره ورجعت ركض لجيلان
.
اسد: يله جيلان بويه كومي خلي اخذج للمستشفى
جيلان: اخخخخ ماا اكدر اكوم ماا اكدر
اسد: نعله عله ابليس شقاج
خليت وشلتهة اني وخذيتهة للسياره ركبتهة ورحت ابسرعه للمستشفى نقلوا جيلان عله الطواريء
وره اشوي طلعت دكتوره كالت يراد ننقلهى لغرفه نسائيه ايفحصونهة
.
.
__مع تحياتي الكاتبه : ضحى الطائي
______________
.
نوارس
واني جاي اساعد امي بالمطبخ اني اشتغل وذكر ايامي الحلوه ويه اسد بحيث لا تلقائي ابتسمت
.
سميه: ربي يديم الابتسامه هاي بس شنو سببهة
نوارس: هاا لا مو هيج بس اذكرت شغله ويه خواتي وبتسمت
سميه: ولو ما مقتنعه بس عادي تمشي
نوارس: هههههه صدكي والله😅
سميه: هههه انشاء الله
.
.
_____________________
.
.
اسد واني كاعد انتضر طلعت الدكتوره كبل كمت
.
اسد: ها دكتوره شبيهة
الدكتوره،: هاي من الوكعه هيج صار بيهة شي طبيعي اي ام تتعرض لهيج اصابه دحوم توجعهة بطنهة
اسد: ام؟
الدكتوره: اي غير مرتك وكعت شي طبيعي تتأثر الحامل
.
.
💔💔💔💔💔💔