اوجاع طير النوارس

البارت 6

.
.
نوارس
خلصت اكل لحمد لله شبعت كلش صار كم يوم ما ماكله شي
كمت شلت لماعين عفتهن عله السنك وغسلتهن ونشفتهن ورجعتهن لمكانهن ورحت رجعت صعدت للغرفه مالتي دخلت وسديت الباب
.
.
اسد
واني ممطول عله السرير وعايف الحاسبه عله رجلي والعب بيهة وكاض جكارتي ادخن
جنت ادور بالحاسبه عله محمي ثقه وشاطر ابشغله علمود اوكله عله قضيه نوارس بلكي يكدر ايساعدنه او يكدر انطلعلهة جنسيه راسلت اثنين محامين محد رد خليت سديت الحاسبه وعفتهة ابصفي وبقيت افكر بيني وبين نفسي
شلون رراح تكضي سالفه نوارس هاي بس الله اعلم بعد خطيه هيج اعوفهة لا بيت ولا اهل صعبه عليهة وهيه بنيه مراهقه وجيب العين وشباب هل وكت سرسريه اخاف كلشي ايسون بيهة
صدك شغلتلي بالي الليل كله افكر بيه وكول
.
اسد:  والله حرام هيج ابنيه مهتلفه بالشوارع ما عدهة مكان تكعد بي
.
وحلفت من ذيج الساعه حته اذا ما لكيت اهلهة لو يطلعون متوفين اني اصير اهلهة وهيه بتي وراح ابقيهة يمي ودير بالي عليهة وبعد يم الله الباقي
بس انشاء الله نلكه اهلهة لان راح اصير فرحه عمرهة هاي واهلهة هم راح ايفرحون ابتهم المخطوفه ترجع
.
بقيت افكر لحد ما اخذني النعاس ونمت
كعدت بال٧الصبح عله صوت المنبه كبل فزيت وكمت رحت غسلت وجهي وطلعت من الغرفه وعيني عله غرفه نوارس اجاني الفضول اشوفهة كاعده لو نايمه
اتقدمت وفتحت باب غرفتهة ابهدوأ وباوعت الهة نايمه وغاطه بالنوم خليت نعلت الشيطان وطلعت وسديت الباب ونزلت سويت ريوك الي اتريكت وفرشت اسناني وصعدت بدلت خذيت غراضي والسويج ورحت للشغل بعد
.
.
نوارس
واني غاطه بنومي كعدت واني شبعانه نوم اول مره هيج انام براحه وبفراش دافي ومريح كلش
فتحت اعيوني كوه وباوعت عله الساعه البالحايط شفته ب٨وص كبل لفلفت نفسي كلت
.
نوارس: بعد وكت اشوي واكوم خلي ابقه مرتاحه ما اريد اكوم من السرير
ورجعت نمت وجريتهة لل١٠ الصبح شبعانه نوم كللش كعدت عله حيلي وحكيت راسي وكمت نزلت من السرير رحت وكفت يم الميز ضفرت شعري ونزلت كذلي ورحت نزلت دخلت للمطبخ غسلت وجهي وفتحت الثلاجه اريد اتريك جان فزيت عله صوت اسد الي خلاني اكمز من مكاني
.
.
اسد
عفت الشغل ورجعت ابسرعه حجزت موعد ويه محامي وكالي تعال هسه رجعت للبيت طبكت السياره بالباب ورحت دخلت للبيت فتحت الباب بالقفل ودخلت شفت نوارس بالمطبخ فاتحه الثلاجه وصحتلهة
.
اسد: نواارس
اشو هاي كمزت من مكانهة خايفه اشبيهة
.
نوارس:(بخوفه) اسد شجابك؟
اسد:شنوو(بتعجب ورافع حاجبي)
نوارس: اسفه مو قصدي بس
اسد: بس شنو
نوارس: جاي من وكت من الشغل
اسد: ايي يله ابسرعه امشي خلي اروح حجزت يم محامي ولازم اروح هسه
نوارس:اوكي ما عدي شي
اسد: راح ترحين هيج بهل ملابس؟؟
.
نوارس
رفعت اجتوفي وكلت
نوارس: ما عدي غيرهن
اسد:(بأبتسامه)هاا خوش
نوارس: ادري لبسي ما معقول بس شسوي انته مجيب جنطتي
اسد: لا اصلن ايخبلن عليج
وضحكت بأستهزاء
نوارس: خووش يله خلي اروح
.
مشه اكبالي اسد واني امشي ورا وطلعنه وهوه قفل الباب ورحنه للسياره دخلت بالسياره يمه بالصدر وهوه هم ركب وحرك السياره واني الدرب كله افكر شنو فايده المحامي
.
اسد
الدرب كله العب ابالحيتي وعيني كلساع تجي عله نوارس واوخر ابسرعه حاصر ضحكتي لان طلعت بهل ملابس عريضات عليهة وكبار كلش اخر شي سالت نوارس
.
نوارس: بس شنو فايده المحامي
اسد: نوصل وتفهمين
نوارس: اي بس اريد اعرف شنو فايته بموضوعنه
اسد:(رفعت صوتي)جااي اكوول نوصل وتفهمين
.
نوارس
عصب وعاط عليه واني عيوني عليه اباوعله وخايفه اخاف يضربني وهوه باوعلي ودار وجهة وستغفر الله
.
اسد: استغفر الله ربي
وصلنه للشركه البيهة مكتب المحامي نزلت ونزلت نوارس وهيه تباوع ومتعجبه والشمس صايره عله عيونه ياا ربي اشكد حلوات عسليات ايخبلن اني امشي واباوع عله اعيونهة وكتلهة
.
اسد:يله نوارس
ومديت ايدي الهة اريد اكودهة
.
نوارس
اتعجبت مد ايده ايريد ايكودني واني رافعه اعيوني اباوعله وباوعت عله ايده ومديت ايدي وكدته وهوه مشاني لحد مدخلنه ورحنه لمكتب المحامي
.
.اسد: السلام عليكم اختي
السكرتيره:وعليكم اتفضل
اسد: المحامي عدي موجود
السكرتيره: ايي عدك موعد
اسد: ايي والله
السكرتيره: اتفضل لعد
.
مشه اسد واني ورا دخلنه للمكتب
.
اسد: السلام عليكم
عدي: وعليكم السلام هلا بسيدي اللواء
اسد: هلا بيك