اوجاع طير النوارس

البارت 11

.
.
اسد: شوو بس فتحي اعيونج
نوارس:(بتعب)شصاير
اسد: ولج انتي مصخنه كومي اشوي مو زين تبقين هيج نايمه
.
نوارس
احس نار اشب من جسمي وهزيت راسي بمعنه اي وكوه كعدت
.
اسد: اي عفيه عليج خلي اروح اجيبلج علاج ورجع لتنامين
.
نوارس
راح اسد واني مطفيه وحس تعبانه وهلكانه كلش اشوي واجه اسد ابسرعه وجايب ويا علاج خافض حراره وبراسيتول وكلاص ماي وطاني دوه بالقبق مال شيشه خافض حراره
.
اسد: هاج بنتي اشربي علاج
نوارس:(بتعب)لا ما اريد
اسد: شنو متردين اشربي حته اصيرين زينه
نوارس: نفسي لعبانه وهاذ مر اكوم اذب من راسي والله
اسد: لا مذبين اشربي حته اصيرين زينه
نوارس: ما اريد
اسد:(بعيطه)اشرربيي
.
نوارس
كمزت من عاط خفت وستهضمت وخذيته مني يمه شربته كوه احس اريد اذبه واذب شكو ابطني
.
اسد
عطت بيهة شفتهة اشلون فزت وستهضمت ليكول طفله اتخبل وجهة صاير احمر ابسبب الصخونه وشربته وشلون كش وجهة ابسبب امروره العلاج ردت اكرصهة من اخدودهة بس كضيت نفسي وبس ابتسمت ابجهة وطيتهة حبه براسيتول وهيه كبل خذتهة شربتهة بدون متعاند ضحكت وكتلهة
.
اسد:(بضحك)الخوف يعدل الشوف
.
نوارس
باوعتله واني عاكده حواجبي ومكتله ايشي
.
اسد
واني كاعد اكبالهة وباوع عليهة اشلون حلوه نضري يمر بين تفاصيل وجهة الحلوه الطفوليه اعيونهة وساع عسليه الذبلانه ورموشهة لسيوف لذحتني بيهن والخدود الحمر والشفايف الورديه وعله ركبتهة البيضه
نعلت الشيطان ودرت وجهي منهة ورجعت باوعتلهة وكتلهة
.
اسد: تردين اعوفج ترتاحين
كضت بايدي ودمعتهة نزلت عله خدهة وكالت
.
نوارس: لا بابه ابقه يمي محتاجتك
هيج كتله لان بهاي حالتي احتاج اهلي يمي واريدهم يمسحون عله راسي ويحتووني بس ما لكيت غير اسد يمي
.
اسد
هيج كالتلي لو فلشت كلبي عليهة واني اشوف ادموعهة تنزل ودكلي بابه وكبل كضيتهة وسحبتهة عليهة وحضنتهة خليت وجهة عله صدري وخدي صار عله راسهة وامسح ابسعرهة ولعب بي وكتلهة
.
اسد: يا عيون ابوج انتي باقي وياج لحد لموت يا بعد حيلي
.
وحسيت عبرت اديهة عله ضهري وحضنتني واني زدت قوه بحضنتي الهة اريد طول الليل يكضي هيج ما اريد توخر مني ابد بقيت اشم بعطر شعرهة وادي شادهن عليهة شد وهيه مخنوسه ما الهة حس بس اسمع صوت نفسه  وخرت عنهة اشوي ورفعت وجهة بادي وباوعت الهة وهيه كلش قريبه عليه وجهة قطعه عمره ومتروس دموع ورفعت عيونهة عليه باوعتلي احس تهت ابنضراتهة التعبانهة

اريد بس انهزم منهة قبل لا اسويلي شي وتجرأ عليهة😅
.
اسد: ابنيتي متردين اتنامين
نوارس: لا منعسانهة
اسد: ليش نامي حته ترتاحين
.
نوارس
حسيت بي ايريد ايروح اضن ضايقته من كتله ابقه يمي وهوه محاب يبقه وياي وكتله
.
نوارس : اوكي روح اني راح ارتاح
اسد: اي احسن الج
وكبل كمت من السرير وباوعت الهة اشوي ورحت مشيت ابسرعه طلعت من غرفتهة وسديت الباب ودخلت الغرفتي بسرعه وسديت الباب عليه ورحت يم الميز اباوع لروحي عركان بسببهة  وبسبب جمالهة وكلت لروحي
.
اسد: نعله عله بليسج اني صخنت مو انتي احمد ربي وشكره مسويت شي بيهة ايضايقهة همزين انهزمت
.
.
نوارس
راح اسد واني رجعت انمطلت وحاولت انام بس مكدرت التفكير ماكل راسي طلعو اهلي حته حسبالهم اني ميتهة ذا شافوني مراح ايفرحون راح ينصدمون وبس
بقيت افكر لحد ما غلبني النعاس ونمت
.
.
اسد
كعدت الصبح الساعه بال٧الصبح كمت غسلت وجهي ونزلت خدرت جاي ويلكت ٤بيضات الي ٣والنوارس وحده😅لان اعرف نواري متاكل اكثر وتريكت وخلصت فرشت اسناني وصعدت لغرفتي بدلت ملابسي مالت الشغل هنوب طلعت ورقه وقلم كتبت بيهة
.
اسد:نوارس اتريكي وخلصي وشربي علاج خليته الج اباب الثلاجه ولا تسوين شي اني اجيب وياي غده ولتعبين نفسج
وعفتهة الهة عله ميز المطبخ ورحت بعد لشغلي
.
كعدت الصبح احس نفس احسن من البارحه شفت الساعه بال٩ الصبح خليت وكمت من السرير كضيت وجهي راحت الصخونه رحت غسلت بالحمام الداخلي مال غرفه ونشفت وجهي وطلعت رحت نزلت جوه دخلت المطبخ اريد اتريك لان جوعانه شفت اسد سالك بيضه ومسوي جاي وجايب صمون محصر الي ريوك
وشفت ورقه عله صفحه شلتهة شفت مكتوب بيهة بس اني ما اعرف اقره بس باوعت الهة ورجعتهة لمكانهة
حميت ااجاي وكعدت اتريكت وخلصت كمت شلت لماعين وغسلتهن وعزلت المطبخ وفرشت اسناني وصعدت لغرفتي مشطت شعري رفعته ذيل حصان ونزات جوه نضفت البيت اشوي لان مالي خلك كلش حته نسيت اسوي غده انمطلت عله التخم بالهول وبقيت لحد مصارت الساعه ١١ونص الضهر كمت ردت اصعد لغرفتي انفتح الباب مال بيت ودخل اسد باوعتله وبتسمت ابجهة وهوه باوعلي وبتسم واجه كعد عله التخم واني اجيت وكفت كدامه
.
نوارس: الله يساعدك
اسد: هلا بيج اشلون صرتي
نوارس: زينه كلش
اسد: خذتي العلاج
نوارس: لا ما مخذته
اسد: ولييش مو كتلج
نوارس: لا مكايلي
اسد: هااا مو كاتبلج ابورقه وفهمتج
.
نوارس
نزات راسي وكتله
نوارس: مو مدارسه اني
اسد: يعني متعرفين تقرين
.
نوارس
باوعتله وسكتت مكلت شي
.
اسد
عرفتهة خجلت من سؤالي وكتلهة
اسد: تعالي كعدي يمي
.
نوارس
هزيت راسي بمعنه اي ورحت كعدت يمه بس مو قريبهة عليه
.
اسد: باجر راح اروح لبغداد
نوارس: نشاء الله
اسد: اشو ما اشوفج فرحانه مو عرفنه مكان اهلج
نوارس: (باوعتله وخليت عيني بعينه وكتله)ايي راح اشوف رد فعلهم من راح ايشوفون بتهم الماتت قبل ١٧سنه هسه عايشه
اسد: اعرفي يا نوارس اهلج انكول اذا مقتنعو بيج او محبوج اني اهلج وراح ابقه ساندج
نوارس:(بضحكه خفيفه)ههه كول ما يردوج عادي
اسد: وهاذ الشي مستحيل لان ماكو واحد يكره ضنا
نوارس: ايي صح راح تكمل حياتي اذا رجعت لاهلي
اسد: نشاء الله
نوارس: ايي
واباوع عليه ومبتسمه
.
اسد
اباوع لنوارس وهيه تباوعلي صافن عله ملامح وجهة وكلت لروحي خلي استغل الفرصه ولمح الهة عله حبي الهة وكتلهة
.
اسد: تعجبيني
.
نوارس
ارتبكت من هيج كالي وردت احجي ودك الجرس مال بيت
.
اسد
رادت تحجي ودك الجرس مو وكته اني انتضر رد من يمهة خليت وكمت رحت فتحت الباب طلع صديقي وصيته ايجيب غده واجه ميقصر شكرت من يمه وراح ودخلت للبيت ملكيت نوارس بالهول صحت الهة
.
اسد:(بصوت عالي)نووواارسس نزلللي ... نوووارس
شوي ونزات بسرعه
نوارس: اجيت
اسد: جابو النه غده تعالي نتغده
نوارس: ما اشتهي بس هسه اني
اسد: لا لازم تاكلين علمود اطيج علاج
نوارس: حااضر
اسد: عفيه يله امشي
.
نوارس
ورحنه اتغدينه طبعن اني اخجل اكل كدام اسد ابقه مدنكه راسي ولا ارفعه ابد وهوه ما حجه ولا كلمهة بس ايباوع عليه واني كوه ابلع اللكمه لحد مخلص وكام واني خلصت وكمت شلت لماعين نضفتهن
.
اجه الليل واني كاعده بغرفتي جاي ارسم اندك باب غرفتي ونفتح شفتهة اسد
.
اسد: عدج وكت لو مشغوله
نوارس: ما عدي شي
اسد: خوش تعالي
اشرت الهة تجي وشفتهة كامت واني رحت نزلت وهيه تمشي وراي رحت كعدت بالهول عله التخم وهيه كعدت كدامي ومتعجبه ليش كتلهة تجي اهنا وكتلهة
.
اسد: شبيج
نوارس: ما بيه شي
اسد: لعد تعالي كعدي يمي
.
نوارس
باوعتله ومتعجبه اول مره هيج ايسوي اسد صارلي اكثر من شهر ولا مره هيج كال خليت وكمت كعدت ابصفه ومنزله راسي
.
اسد
كعدت ابصفي ومنزله راسهة واني اباوع عليهة اشلون خجلانه وكتلهة
.
اسد: انتي هسه ضايجه عله قصه حياتج وبالمريتي بي
نوارس:(باوعتله وكلت)اي اكيد
اسد: لعد خلي اكلج شنو قصتي
.
نوارس
عدلت كعدتي ونداريت عليه وباوعله
.
اسد: اني جنت مزوج
نوارس: (مدري شحسيت من هيج كال كلبي كام ايدك بسرعه وكلت)مزوج
اسد: جنت مزوج
نوارس: وشصار؟
اسد: ماتت اي ماتت وجانت اول حب ابحياتي حيل حبيتهة متت بيهة وهمت سويت كلشي حته اخذهة وصدك خذيتهة بالنهايه وجابتلي ملك يلي هيه بتنه اسمهة ملك وصدك جنهة ملك جانت اجنن ابنيتي جان اكثر شي احبه بعمري هيه عائلتي
.
نوارس
اسد يحجي ومدنك راسه واحسه مقهور من يحجي وكتلهة
نوارس: وشصار بعدين
اسد: ماتن اثنينهن بحادث اشكد منعتهة متروح بس عاندت وراحت وصار حادث وماتن جانت هيه اول حب ابحياتي من بعدهن كرهت شي اسمه حب وكلت بعد مستحيل احب من بعدهن لان اني اول معرفت الحب جان وياهة
.
نوارس
يحجي واني دموع غركت عيوني هم عليه لتن قهرني وهم عله روحي لان اني حبيته 
.
اسد: كمت اكره شي اسمه بنات وحب وعشك بس اتغير الوضع هسه لان هم رجعت وكعت بنص ورطه ورجعت عشكت وحده اضن مستحيل اني وياهة راح نتصارح او تحبني
.
نوارس
فلش كلبي من هيج حجه يعني ايحب وحده غيري ويعشكهة احس شي انهدم ابداخلي وكتلهة
.
نوارس: ليش اتضن مستحيل اتحبك
اسد: اني اختلف عنهة كلش
نوارس: لا اذا تعرفك راح اتحبك
.
اسد
رفعت راسي وخليت عيني بعيونهة وكلت
اسد: والله
نوارس: ايي انته خوش رجال الف وحده تتمناك
اسد: يعني تقبلين بيه
.
نوارس
بقيت بس اباوع عليه ما اعرف شكله
.
اسد: بينه ١٥ سنه ولو بتي ما ماتت جان هسه بعمرج بس نوارس حبيتج اني حبيتج اعيونج مخلت بيه شي ومستحتج الي مشايفهة بالنسوان شفتهة بيج والخلاقج وجمالج انتي سكنتي كلبي وعقلي وعرف بيج حاسبتني نفس ابوج بس اني احبج
.
نوارس
بس اباوعله وساكتهة ونفاسي تزداد ويه دكات كلبي ما اعرف شكول
.
اسد
خليت ايدي عله خدهة واني صافن عله ملامح وجهة وكتلهة
اسد: والله احبج واريدج
.
نوارس
وخرت من يمه وكمت وكتلهة
نوارس:(بمستحه)اأاس.أساعه ابيش اروح باجر
.
اسد
بقيت اباوع عليهة وكلت
اسد: ٨ونص الصبح اروح
نوارس: تصبح عله خير
.
اسد
وعافتني وراحت صعدت واني بقيت اجر حسرات وكول معقوله غلطت لمن اعترفت الهة لو شنو
.
.
.
يتبع....