اوجاع طير النوارس

البارت 20

.
.
نوارس واني كاعده بالسباره اجه اسد ركب وعيونه حمر من العصبيه ولدون ميكول شي كبل حرك السياره ومشه واني كتله اني وابجي
.
نوارس:(ابجي) اسدد
اسد: كافي لتحجين فهمت كلشي
نوارس: والله كلشي صار مو ابرضاتي
اسد:(بعيطه وعصبيه)اعتدوو علييج موو
نوارس:( ابجي وشهكه)أا أايي
اسد: اليوم العن رب اهلج هذول
نوارس: شعليهم اهليي؟
اسد: ولج ابووج واخوج الخطفووج كله من جوه روسهم والله اذا ما احركهم همه وعايشين اطاع ابن كحبه
.
.
نوارس
اذكرت صدك ياسر الخطفني وبجيت ابقوه وبصوت عالي وغطيت وجهي بأدي
.
.
اسد
عله صوت بجي نوارس واني اعصابي اتوتىت ما بقه رب ابراسي كبل درت وجهي عله الجامه ومسحت لحيتي بأيدي ورجعت انداريت عليهة وعطت بكل عصبيه
.
اسد: كاااافيي لخااطر الكعبهه كاافيي
.
نوارس
انخنيت من عاط بيه لان عصبي هوه وخفت يضربني نوب فسكتت روحي كوه بس بقيت اشهك ودموعي تنزل ودايره وجعي عله الجامه

وره عشر دقايق سالت اسد
.
نوارس: شنو وين رايحيت؟
اسد: لبغداد
نوارس: لل.لليش (بتوتر)
اسد: متردين امج بعد شنو
نوارس: جذااب انته مو عله امي انته اتريد اتروح لابويه وياسر
اسد: (بعصبيه اني وحاد اسنوني)اولن لدكولين جذاب لا اصمطج ابراشدي اخليج اتفلين اسنون ثانين تعرفين الضاهر من البدايه اهلج الخاطفيج لان كبل كلتي ياسر تعرفي هوه وما كتيلي
نوارس: أاا.اي اعرف بس نسيت اكلك
اسد: بصيطه خوش
.
نوارس
بقيت اباوع لاسد واني حيل خايفه منه وجان ايدك المبايل مالته وكال اسد
.
.
اسد: هلا بالنقيب زيد....بشر لكيتو لا....خووش جيبو لبغداد اطي للملازم كرار هوه بعد يعرف وين ايودي.....مشحور تعبناك ويانه....الله وياك
.
وسد الخط وكتله
.
نوارس: شنو منو تقصد؟؟
اسد: اكو الحيوان ياسر وراح ايجيبو
نوارس: وو.وين ايجيبو
اسد: بعدين اشوفين وتعرفين
.
.
نوارس
سكتت مكلت شي بعد وصلنه لبغداد واني صافنه عله شوارعهة ونتبهت نفس الطريق الي ياخذنه عله بيت اهلي كبل خفت وكلت لاسد
.
نوارس: راح اروح لبيت اهلي
اسد: ايي
نوارس: ليش؟
ومجاوبني اسد بقه ساكت ويمشط ابلحيته بصابعه وعصبي اني هم سكتت بعد وره ربع ساعه وصلنه لبيت اهلي شفت سياره شرطه اباب بيتهم واكفه واسد طبك سيارته وراهة وفتح الباب راد ينزل وكالي
.
اسد: اشبييج صافنه نزلي
نوارس: هاا اي ايي هسه نازله
.
ونزلت من السياره ومشيت وره اسد والباب لكينا مفتوح واسد كبل طب للبيت واني ورا وكو شرطه تلاثه واكفين بالحوش سلم عليهم اسد ودخل للستقبال واني ورا دخلت وشفت ابويه كاعد عله التخم ومنزل راسه ويبجي وكدامه اثنين واكفين من الشرطه واخويه عباس هم واكف وياهم
.
اسد: مرحبا سيدي حضره النقيب صكر
صكر: هلا بيك اسد هاي الطفله الكتلي بيهة
.
نوارس
ايباوعلي الرجال وهوه اطويل وضخم وعده بس اشوارب وجهة امبين عله عصبي
.
اسد: ايي هاي هيه وصير بت هاذ القذر الي خطط عله خطفهة وبيعهة لشباب تجار بعضاء جسم الانسان
صكر: عرفت بس هوه جبان وعار بس يبجي ويكول معليه
علي: والله ما عليه سيدي ما توقعت هيج راح ايصير
عباس: كافي بويه كلشي بين تره
اسد: كاافي انجب وسكت واصبر عله جزائك
علي: اشراح اسويلي تره اني ابوهة الك كلب اتيتمهة
.
اسد
طفرت اعصابي وكبل رحت وكفت اكباله وصمطه ابوكسي ابجهة وكعته بالكاع وعباس اجه كبالي مساند ابو وكاضني واني عطت بي
.
اسد: لكك كووواد وانته اشلون اطاك كلبك اتبيع بتك لصاقطيين هااا
صكر: كافي اسد اصبر هسه اشوي ويوصل ابنه وثنينهم يتعاقبون اهدء
.
اسد
تفلت عله علي وخرت منه وعطت ابنوارس من شفتهة واكفه يم الباب وتبجي اتقربت عليهة ورفعت ايدي ابجهة وعيط عليهة
.
اسد:(بعياط وعصبي)انتيي اشبييج هاا اشبيييج لا تبجين لا افلشج هسه
صكر: اسسد كاافي جاي اكلك لذب حركتك بيهة انوب خطيه
اسد: يله روحي دهلي جوه بالبيت يللله
.
نوارس
طفرت من مكاني وكبل ركضت طلعت من الستقبال ورحت دخلت للبيت واني خايفه كلش وجسمي يرجف ورحت امشي كوه وعيوني تفتر عله البيت ابكامله وجان ردت اصعد عله الدرج وجان ينفتح الباب مال غرفه ابصف الدرج وشفتهة
.
حوراء:براء تعالي
.
نوارس
وكضتني من ايدي وسحبتني ابداخل الغرفه وسدت الباب وشفت امي كاعده تبجي وحنين هم واني كبل ادموعي نزلن من وحدهن وركضت وطحت ابحضن امي
.
سميه: يمه بنيتي حبيبتي انتي خوما صارلج شي يا بعد حيلي
ليلى: عله كيفج عيني موتي نفسج تره مو زين عليج هيج
.
نوارس
مهتميت لحجي الي سمعته ورفعت راسي عله امي واني ادموعي تنزل وهيه هم تبجي وكتلهة
.
نوارس: مامه اذووني مامه أذووني(ابجي)
سميه:(ابجي)كلبي انتي لتبجين كلشي ينحل والله لتبجين
حنين: كله ابسبب ياسر وابويه هل شي خلي ياكلون عقابهم
ليلى: اذا فتحتي حلكج عله اخوج اشكه الج نصين انجبي وسكتي فالل الله ولا فالج لو مو ابوج موسوس ابراسه مسوه هيج
حوراء: يمه صوجهم اثنينهم لدافعين الياسر
ليلى: قابل اشصار هاهيه بت سميه كلشي ما بيهة
سميه: مامه شسوولج شصار؟
.
نوارس
اني ابجي ومنزله راسي وكتلهة
نوارس: مامه ياسر طفني وطاني لولد اثنين رادو ايبيعوني واحد من يمهم
.
وسكتت ما كدرت اكمل وزدت بجي
حنين: اشبيج اشبي هاذ الولد اشسوه
سميه:(ابجي)يمه حبيبتي كولي لتملخين كلبي اكثر
نوارس:(ابجي وتردد)أا. أعتده عليه
.
وامي كبل ضربت اخدودهة وكالت
سميه: يمه بنيتي اختصبج موو يمه حبيبتي
حوراء: شووفي مو بريأ ياسر القذرر
ليلى: كاافي انتي خلي نفهم
.
نوارس
وجان سمعنه صوت اعياط عالي مال زلم اني اعرف صوت اسد وسمعه ايعيط بكل عصبيه كبل كمزت من مكاني وشفت مرت ابويه كامت تلطم لان عرفت ياسر اجه جان طفرن خواتي وكامن فتحن الباب اني كبل طلعت وركضت عله باب الخارجي مال مطبخ وشفت هاذ الرجال صكر مدري شسمه كاض ياسر من ياخته وكوه ايمشي وشوف ياسر امدمه من فوك ليجوه وجهة مينعرف من الدم هز كلبي هز شكله وكامت تلطم وتعيط
.
ليلى:(بعياط وبجي)ابنيي الله لا يطيكعليي الله ياخذك كله من جوه رااسك واللك ابنيي رااح ابنييي.
.
وكضنهة حنين وحوراء ايهدن بيهة واني انداريت شفت اسد كاض ابويه من ياخه دشداشته وطلعه من الستقبال وضربه دفره وكعه عله وجهة وشرطه شالته من الكاع وخشمه كام يجري دم واني اباوع عله اسد وهوه عصبي كللش وصبر ما ضال ابراسه كبل كمت ابجي وبصوت عالي واني مجلبه بالباب وخايفه

وجان ما احس اله شي جرني من وراي جرني من ايدي وصرت ابحضن امي بين اديهة وجهي صاير ابصدرهة وجان ضميت وجهي اكثر بيهة وحضنتهة حيل وكمت ابجي ابقوه وهيه اصبر عليه
.
سميه: كافي مامه لتبجين حبيبتي يا بعد روح امج انتي
.
نوارس
صدك حسيت ابشي اول مره احسه ابحياتي شعور غريب مثل الراحه والطمأنينه والأمان والحب كلهن انجمعن بهل شعور كللش حلو وخذتني ورجعنه للغرفه وحنين وحوراء هم جابن امن واجن

واني كاعده يم امي بس دخلت مرت ابويه للغرفه اجت ركض عليه ونزلت كضت رجلي اني سحبتهن منهة وهيه تبجي وتتوسل
.
ليلى:(ابجي)فدووه براء حبيبتي اني هم نفس امج فدوه ابوس رجلج انتي الوحيده تكدرين اساعدييني فدوه قنعي هاذ الجابج ايرجعلي ابني والله ماله ذنب ابوج كاله هيج ايسوي فدووه ابوس رجلج
حنين: كافي يمه اشجاي اسووين
ليلى: هيه الوحيدره تكدر اتردلي ابني
.
نوراس
انقهرت عليهة وكتلهة
نوارس: خاله كومي لتخافين ابنج يرجعلج سالم
ليلى: كولي والله اتردي اليي
نوارس: والله ارده الله وعد
ليلى: فدوه اعتمد علييج بعد
.
وخرت مني وامي خلت ايدهة عله راسي وباستني من راسي وكالت
.
سميه: اووف شطيب هل عطر ليكول عطر الجنه
نوارس: مامه حبيبتي
.
.
اشوي واجه عباس دخل للغرفه
سميه: ها يمه اشصار
عباس: ما صار غير الحق يمه
ليلى: ابني ماله دخلل كله صوج ابووك
عباس: ادري بس بعد شيفيد يا يمه ليلى ابنج اطه اختي لتجار اعضاء وختصبوهة اشتردين ايسووله يطو كاس ذهبي
سميه: اشراح ايسووله هسه
عباس: والله كال اسد علي منتهين منه لازم ايموت لان هوه راس الخطه وياسر راح يبقه بالتحقيق فتره وبعدين تطلع النتيجه وبوكتهة انوكل عود محامي
ليلى: شنو يعني تحقيق؟
.
سكت عباس مكال شي واني هم سكتت لان اعرف التحقيق يعني يشبع كتل لان جربته
.
ليلى: متحجيي شنوو تحقييق
عباس: بين قوسين يشبع كتل يعني وهاذ اذا كدر يتحمل وبقه عايش
ليلى: يبوو ابنيي راح بالرجليين(ابجي)
.
.
نوارس
بقت مرت ابويه تبجي واني كومني حنين وحوراء وخذني لغرفتهن فوك
.
حنين: خلي انطلعلج ملابس حته اسبحين وترتاحين
نوارس: اي والله ياريت
حوراء: كلبي انتي ميته قهر عليج
.
واجت حضنتني واني حضنتهة واجت حنين هم حضنتنه
حنين: احله حضن ابحياتي
حوراء: من بعد حضن الحبيب اكيد😉
حنين: انجبيي عاد هاذ احله اكيد
حوراء: سالي براء اذا اجذب
نوارس: انيي ليش تسالني؟
حوراء: تره كلنه نعرف عدج علاقه بأسد😉
حنين: اولن اسمهة نوارس وثانين تره اسد خوش لكطه حلو كللش حلو هم ورتبه وشخصيه وضخامه لكل يتمنه نفسه
نوارس: لا لا غلطانين ماكو شي بينه
حنين: موو علينه كلبي نعرف تره
حوراء: كلبي انتي احنه خوات تره شي تسولف الشي ومنكول لتافين هسه نفس ما اني اعرف عد حنين علاقه باخو صديقتهة وسام
حنين: ههه اي صدك ونعرف بيج عدج علاقه بابن عمي نجاح
حوراء: هههههه ونوارس بأسد😂
نوارس: هههه خوش طلعت اني مو الوحيده
حوراء: لا كلبي كنه هيج تره مو بس انتي
حنين: بس نوارس تاخذ المرتبه الاوله بحبيبهة لان ايجنن مواصفات فووول
.
.
نوارس
بقينه نسولف ونضحك صدك ارتاحيت واخيرن خوات صارن عدي وسرنه واحد وسوالفنه بينه احله شي بالدنيه هاذ الشي
.
.
.
يتبع........