اوجاع طير النوارس

البارت 43

.
.
.
مع تحياتي الكاتبه :ضحى الطائي
.
.
.
نوارس
اني گاعده ابصف امي وامي رادت تحجي وسمعنه الباب اندگ ابقوه اني فزيت گبل كمت وكلت
.
نوارس:خلي اروح اشوف منو
يوسف:لا اني طالع
نوارس:لا لا يمكن من گرايبنه
وعفته ورحت بسرعه وشفت عباس راح قبل وفتح الباب واني اباوع واريد اعرف منو
سمعت صوت شباب ايسلمون عله احمد وما امبينين من وره الباب
وسمعت صوت واحد منهم خلاني اجمد ابمكاني ويثگل نفسي واني صافنه عله الباب
.
.
.
اســد
وصلنه لشقه ام نوارس واني جاي اصعد الدرج دگات گلبي ازيد لان بس كم خطوه تبعدني عن نوارس وكفنه اني واحمد گدام الباب واني خانس وكالي احمد
.
.
احمد:يله شوفني لاسد لبداخلك يا اسد ليش اشوفك ضعفت
اسد:فرحان ومن الفرح ضغطي هبط
احمد:هههه يله يا نجر شوفني قوتك بدگه الباب
اسد:حضر نفسك راح اكسره
.
اسد
ودكيت الباب ابقوه اشوي وفتحي عباس اخو نوارس الباب
.
عباس:السلام عليكم شلونك ستاذ
احمد:واني شنو
عباس:هلا بيك انته هم صار اشگد ما شايفيكم
اسد:شلونك شخبارك
عباس:والله باحسن حال وبفضل الله وفضلك
اسد:لا واجبي هاذ
احمد:راح اتخلينه اهنا
عباس:لا لا طبعن تفضلو
.
اسد
فتح عباس الباب النه واني دنكت راسي ودخلت ومن رفعته احس گلبي گمز من مكانه من شفت حيلي واگف كبالي ويباوعلي بقيت جامد بمكاني واباوعلهة لا تلقائي اعيوني غورگن ودي ارڪض عليهة وحضنهة بكل قوتيي وما اهدهة
.
.
.
نوارس
واني اباوع دخل اسد للبيت واني فتحت اعيوني بحيلهن خاف يجذبن عليه خاف يوهمني مو هوه بس من رفع راسه وباوعلي وبقه صافن عليه استوعبت هوه صدگ كبالي كبل دموعي نزلت عله خدي وركضت للغرفه مالتي دخلت وسديت الباب عليه واني ابجي واضحك من الفرح معقوله بعد كل هل وقت الغاب اجه
.
.
.
.
اســد
نوارس شردت للغرفه اني نزلت راسي وضحكت ومسحت دموعي ورحت اني واحمد وعباس للديوانيه مالتهم شفت اكو مره ولد كاعدين واني كلت بصوت عالي
.
.
اسد:ياا الله السلام عليكم
الكل: وعليكم السلام
سميه:اسد
اسد:بشحمه وبلحمه شلونج يمه
سميه:ياا هلا بيك يمه نورتنه تفضلل انته واخوك
احمد: مشكور يمه
.
.
اسد
گعدت اني واحمد عله التخم  وام نوارس كامت واني اباوع عله الولد ورافع حاجبي وهوه هم ايباوعلي وكال
.
..
يوسف:عرفونه عليكم اول مره نتلاكه
اسد: طبعن ليش لا اني اسمي اسد لواء ركني
يوسف:اسد حلوو اسمك اول مره اسمع بي
احمد:طبعن بس ليستاهله يسمو هيج واضن هاي بغداد مستحيل تلكه واحد هيج اسمه وطبعن حشااك
يوسف: ههه عادي ماكو مشكله بس مكلتلنه وانته
احمد:اني اسمي احمد ضابط ومبين من اشواربي طبعن
يوسف:شنو جايين من عرس ؟
اسد: هاا قصدك القاط لا لا مو عرس بس ناوي عله عرس
يوسف: حلو اني هم بس ما اجيت بقاط مو وكته
اسد:ههه ليش احسك تستهزأ بس عله كلن اني اجيت بقاط لان ضامن عرسي انته شي طبيعي تجي بملابس عاديه ما ضامن شي
يوسف:ايي هم صدك
.
.
.
.
نوارس
واني كاعده بالغرفه وفرحانه من فرحتي ابجي وحوراء وحنين يفترن حوالي ويحجن
.
حنين:شهل دخولل شهل طله شهلل كشخه الاجه بيهة
حوراء:وللج هاذ شبه الحلم ماكو هيج شيي ما مستوعبه بعدني
نوارس:وللجن فدوه اذا حلم لدكعدووني اريد ابقه نايمه
.
.
وجان امي تدخل للغرفه وكالت بهمس
.
سميه: هيه هاي الناقصه صاار اشكد ما اجه اله بهيج يوم
حنين:وليش ضايجه مو زين بعد احسن همزين مراحت ليوسف
سميه: وللج هوه اني ضايجه لو خايفه اسد ايسوي مشكله ويه يوسف اذا عصب ميعرف روحه
حوراء: لعد عباس وين
سميه:طلع يخابر
حوراء: روحي لعد يمهم
سميه: رايحه نوارس ابقي اهناا
نوارس: اي يمه اشمالني اجيي
.
.
نوارس
راحت امي واني رجعت عله ابتسامتي الي لا تلقائيه وفرحتي وكلت
.
نوارس: امششن خلي اروح اشوفه من ابعييد
حوراء: دييله اشعدج كاعده اهناا.