اوجاع طير النوارس

البارت 24

السلام عليكم اشلونكم انشاء الله الكل ابخير🥀❤
.
رجعت وياكم ابارت جديد بعد غياب ٣ايام❤🥺
.
.
.
_____________________________
.
.
اسد
احمد سأل نوارس اشلون اخبارهة وهيه اجاوبه وتباوعلي ودير اعيونهة ابسرعه مني واني ردت حجه حته اطلع احمد من الاستقبال حته اخذ راحتي ويه نوارس مشتاقلهة اريد احضنهة بحيث اضمهة جوه اضلوعي وكلت لاحمد
.
اسد: اكول احمد
احمد: كول بعد اخوك
اسد: اضن مبايلك اتصل ولتصال مهم ولازم ادكوم بره تحجي
احمد:(بتعجب)لا مبايلي ما داك تتوهم جاي
اسد:(اني وأغمز)لا لا دك بس مسمعته انته
احمد: اشبيك اسد تسودنت انته والله ما داك
اسد: اشبيييك احمدد افهم دك ولازم تطلع اتخابرررر
احجي وغمز اله حته نوارس فهمت
.
نوارس
اسد يحجي ويه هاذ الولد ويغمز اله ايريد ايطلعه حته نبقه سوه كوه حاصره ضحكتي وما اضحك
.
احمد: هاااااا فهمت
اسد: يرادلك هلهوله والله
احمد: اي صح مبايلي جاي يتصل يله اترخص اني كايم
اسد: ايي عود ارجع لتنسه تحقيق فد ساعتين ورجع
احمد: رايحح راايح كافي تطرد بيه
.
.
اسد
ضحكت عليه لان مفهم من البدايه هنوب هوه طلع للطرمه وسد وره الباب واني باوعت عله نوارس وهيه مبتسمه ابجهي وتباوعلي اخخ اشكد مشتاق لهل ابتسامه ولهل وجه
خليت وكمت ردت اروح يمهة وحضنهة ابكل قوتيي لان بعد ما اتحمل بعدهة عليه
واني كمت ردت اروح يمهة مبايلي دك شفته من الشغل
.
.
نوارس
طايره من فرحي لان شفت اسد وهوه كام حته يجي يمي وجان مبايله دك وكال
.
اسد: هلا سيدي....اي بعدني ابغداد.....شنوو تحجي صدك.....ايي ايي سيدي جااي ثواني ويمك اني
.
نوارس
بقيت اباوعله وضجت لان راح ايروح بعدني مشبعت من شوفته
.
.
اسد
سديت الاتصال وباوعت عله نوارس اختفت الابتسامه وبس اتباوعلي اني كبل درت وجهي ورحت طلعت من الاستقبال رحت لاحمد
.
اسد: يله احمد لازم اروح
احمد: ليش اشصار؟
اسد: بعدين تفهم يلله امشي
احمد: حاضر يلله
.
اسد
ابسرعه رحنه اني واحمد شغلنه السياره وتحركنه وهوه جاي ايسوق واني صافن بس عله الدرب ومصحاني غير سؤاله
.
احمد: شلونهة نوارس
اسد: هاا شنو شكلت
احمد: نوارس شلونهة مكتلي
اسد: ما اعرف ملحكت كبل اتصلو
احمد: شنو من حض يله لضوج الجايات اهواي
اسد: انشاء الله
.
وبقيت افكر بيهة وضجت حييل لان ما لحكت اشوفهة اكثر واحضنهة صار بالشهر ونص مشايفهة من عهد ما خطفوهة وبس جبتهة وهم ما شفتهة جنت ضايج بس الله كريم بعد
.
.
~~~~~~~~~~~~~~
.
نوارس
راح اسد واني بقيت كاعده ابمكاني متحركت ابد صدك حسيت خنكتني العبره لان راح
ودخل عباس
.
عباس: شنو وينهم؟
نوارس: اجه اتصال وراحو
وكبل كمت من مكاني ورحت طلعت من الاستقبال وبجهي طلعت حنين ورادت توكفني لان شافتني ضايجه بس صعدت لغرفه الفوك دخلت وسديت الباب ورحت وكفت يم الميز مال تواليت وجاي اباوع لروحي ونفتح الباب دخلت حنين وحوراء واني كوه كاضه نفسي من الضوجه البيه
.
حنين: نوروسه اشبيج حبيبتي
نوارس: ماكو شي
حوراء: اشو ابسرعه طلعتي اسد وينه؟
نوارس: راح
حنين: شنوو هستوج انتي نزلتي اشفهمتي منه
.
نوارس
كوه كاضه نفسي ما ابجي بس اعيوني امغوركات احس كلبي انشك عليه مشتاقتله كللش
.
حوراء: سونه كلبي اشبيج لتنقهرين يروحي اكيد عده شغل ويرجع ابغير يوم
.
نوارس
واني هزيت راسي ابمعنه نعم وكعدت عله الجربايه وجان ينفتح الباب وباوعت شفت امي دخلت كبل مسحت اعيوني وبتسمت ابتسامه جذب وكمت من مكاني
.
حنين: مامه سميه ليش صعدتي مو زين عليج التعب
حوراء: اي صدك اذا محتاجه شي جان صحتي الي اني اجيبه الج
سميه: اي محتاجه اشوي احجي ويه بتي
نوارس: مامه جان اني نزلت الج ليش تعبتي نفسج
واني اباوع عله حنين وحوراء وهنه بس يتغامزن بينهن
.
سميه: عادي تعوفوني اشوي ويه بتي نحجي
حنين: ها أيي اي اكيد يله حوراء امشيي اروح هم انحضر غده
حوراء: اي اخذو راحتجن
.
نوارس
راحن حنين وحوراء واني اباوع عله امي وهيه سدت الباب واجت كعدت عله السرير واني واكفه اكبالهة وباوعلهة وكتلهة
.
نوارس: مامه شكو خوما سويت شي بدون قصد
سميه: لا حبيبتي انتي ما مسويه غير الصح بس شفتج من صعدتي وانتي ضايجه وكوه بالعه عبرتج
نوارس: هاا لا بس ضجت لاخوي ولابوي
سميه: تعالي يمه يمي تعالي
.
نوارس
وكضتني من ايدي وكعدتني يمهة وكضتني من وجهي وكالت
.
سميه: يمه خلي اكلج سالفه
نوارس: شنو هيه
سميه: انتي من غبتي عني ١٧ سنه وعود ميته جان الكل حوالي ايكول ميته وروح لكبرج عود بس طول هاي السنين احس بنغز ابكلبي ليكول اكو شي ناقصه جنت احس ابوجودج بس ما عدي شي يثبت وجودج لان اني كلب ام كلشي احس بي
.
نوارس
هيج ادكلي وما احس اله ادموعي نزلن عله خدي وكمت ابجي وهيه مسحتهن الي وكالت
.
سميه: كافي روح امج انتي هسه كليلي ليش ضايجه عله روحه اسد
.
نوارس
صكيت ابمكاني من هيج كالت اشمدريهة باسد وكبل باوعت الهة وكلت بتوتر
.
نوارس: هاا لا مو عله اسد كتلج عله اخوي وابوي
سميه: مو عليه يمه واعرف كلش زين انتي متودين اخوج ياسر ولا ابوج وهاي ضوجتج ودموعج عله غيرهم
نوارس: لا لا مامه فاهمه غلط ما عدي شي ويه اسد
سميه: قبل لتحجين لبعقلج شوفي كلبج اشجاي يحجي ابداخله يا يمه
نوارس: لا بس اود اسد ماكو شي بيني وبينه
سميه: متأكده
نوارس: ايي متأكده
سميه: خوش بس مو بعدين ادكومين تبجين ابحضني عليه
نوارس: اشلون يعني
سميه: بعدين تفهمين هسه يله كومي خلي ننزل بعد علمود نتغده
.
نوارس
كمت وكضيت ايد امي ونزلنه اني وياهة جوه
.
.
~~~~~~~~~~~~~~~~~~~~~
.
.
(في مكان اخر)
.
.
اسد
وصلنه للمركز واني ابجهي رحت للرأيس دخلت اله اطيته تحيه وكتله
.
اسد: كول سيدي
الرأيس: اني مو قبل فتره اطيتك ملف بنيه بأسم جيلان
اسد: نعم سيدي
الرأيس: كضينه واحد من العصابه الي جانو خاطفيهة وطانه موقع الهة
اسد: ما اطه موقع رأيس عصابتهم ميصير هيج يبقه يفتر بين الناس
الرأيس: اي اكيد سألنا بالتحقيق وكال سافر قبل كم يوم وما اعرف وين بس كال راح ينتقم من واحد جان يشتغل ويا وشتكه عليه وحذرنه لان ناوي يخطف بته
اسد: اطيني اني احقق ويا وخلي افهم منه
الرأيس: اكييد لا طبعن قابل احنه بس انعذب غير نعرف اريد والولد راح ايموت من التعذب كرار عايفه عله تحقيقه وانته الك الاخطر من هيج اعرف بيك سبع
اسد: اي كول شني هيه مهمتي
الرأيس: راح اطيك الموقع واريد اسوي خطه حته اسوي مداهمه للمنطقه الي بيهة البنيه واريد اجيب شكو واحد اهناك وما اريد اشوف خلقتك اذا مو وياك جيلان بت عبد المهيمن مفهوووم لو لا
اسد: حاضر سيديي شنو العنوان؟
الرأيس: هاي الورقه بيهة العنوان مفصل كدامك
.
اسد
اخذت الورقه وعرفت وين العنوان وكبل طلعت ورحت لمكتبي وتصلت بأحمد وبملازم مقتدا هم خوش ملازم وهمه راح ايساعدوني بشنو راح انخطط حته نكض العصابه قبل ليخطفون ابنيه لاخ لان كال الرأيس ايريد ينتقم خطيه البنات يدمرن ابسبب هيج قذاره
.
.
.
_______________________________
.
(في مكان اخر)
.
.
نوارس
اجه العصر واني كاعده يم خواتي بالحديقه ونسولف وكالت حنين
.
حنين: اكول بنات
نوارس: كولي
حنين: شنو رأيجن اروح للمحلات نشتري ملابس مكياج وهم نوروسه تطلع اتغير من نفسيتهة نشتريلهة حبشكلات بنات
حوارء: صدك خوش فكره انونسج نوارس ونشتريلج قراريص لشعرج وكماشات ومكياج وملابس حلوات
نوارس: والله بس اخاف متقبل امي
حنين: لا تقبل وراح اتكيف هم
نوارس: اشوكت تردن اروح
حوراء: اليوم بالليل غير حلو الجو
حنين: ايي حلو بالليل امشي خلي انكوم انكول لمامه سميه عله نوارس حته ترضه
.
نوارس
كمنه ورحنه لامي وهيه كاعده بغرفتهة
حوراء: هلو مامه سميه شلونج
سميه: هلا بيج يمه
حنين: مامه اريد ناخذ اذنج ابشي
سميه: كولي يمه شنو
حوراء: خلي ناخذ اليوم بالليل نوارس ويانه للمحلات نشتريلهة ونونسهة والله
نوارس: اي مامه خلي اروح
سميه: لا يمه اخاف عليهة لتروح احسن
حوراء: لا مامه سميه منروح ابعيد هاي لمحلات العله الشارع ولا نتأخر
نوارس: اي مامه خلي اروح فدوه صار اشكد مطالعه ولا فد يوم اشتريت غراض بنات
سميه: حبيبتي انتي غير اخاف عليج والله كلبي يوجعني اذا بعدتي عني اشوي
نوارس: لا والله ما نتاخر بسرعه نرجع
حنين: واني ادير بالي عليهة لتخافين
سميه: يله روحي بس مراح ارتاح لحد مترجعن
حوراء: سمي بسم الله يمه قابل شيصير
سميه: يله عادي لتاكلن راسي
نوارس: شكرا مامه حبيبتي
وكمت بستهة من راسهة ورجعت كعدت
.
حوراء: بس نوارس
نوارس: هاا
حوراء: مترحين تره هيج شعرج طالع اتلبسين حجاب ميصير
حنين: اي صدك لازم تتحجبين بعد الناس تحجي يمنه وحرام هم
سميه: اي يمه وانتي اجبيره بعد واجب عليج
نوارس: اي البس حجاب بس ما اعرف البسه
حنين: اني البسه الج
نوارس: خوش اذا هيج
.
وبقينه نحجي ونتفق شنشتري وشنجيب لحد متاخر الوقت وكمنه سوه نحضر عشه
.
وخلصنه عشه وعزلنه المطبخ سوه حته ابسرعه انخلص وروح
وصعدنه فوك وحنين وحوراء طلعن كل وحده حجاب وجبه ايلبسن واني بس اباوع عليهن وحوراء اتخلي مكياج وكلساع حنين عايطه بيهة
.
حنين: حورااء لتخليين اخوااي لتكعدينه ومروح بعد
حوراء: لا لا اشوي والله
حنين: هسه خلصيوشوفه اكسرج اذا اهواي امي متقبل ولا عباس
حوراء: عباس ماكو وامي بغرفتهة
نوارس: حنين
حنين: ها سونه كلبي
نوارس: اشراح البس اني
حنين: اي هاي طلعتلج
.
نوارس
وحنين طلعت شال وردي وصخ وجبه عريضه وطويله وكالت
حنين: البسي الجبه حته البسج الشال
.
نوارس
لبست الجبه حلوه طلعت عليه ومستوره وحنين اجت لبستني الشال مشدته الي كلش وكالت حوراء
.
حوراء: سونه تعالي اخليلج اشوي مكياج خفيف
نوارس: لا ما اريد
حنين: انخليلج بس مورد اشوي لخدودج وحمره و
مسكاره منزيد حته ازيدين جمال
نوارس: خوش لعد
.
وحنين كضتني وخلتلي مورد وحمره كلش خفيفه وشوي مسكاره وكحله وباوعت عله روحي اشكد حلوه صرت متوقعت  هيج المكياج ايسوي اول مره احس نفسي ابنيه لان حجاب لابسه ومكياج كلش فرحت اتمنيت اسد ايشوفني هيج جان فرح كلش لان جان دومه يحجيلي عله الحجاب ويقرالي ايات قرئانيه حته يعرفني عله الحرام
.
ونزلنه اني وخواتي وطلعت ابجهنه ليلى
.
ليلى: اذا اتاخرتن قسم بالله اكسر رجليجن
حنين: مامه حبيبتي لتخافين نص ساعه احنه يمج
ليلى: ايي حذرجن اني بعد والله ابتلي بيجن لتخلن بالي مشغول
حوراء: لا لا منخلي
ليلى: يمه نوارس طالعه حلوه بالحشمه والحجاب اتخبلين
نوارس: شكرا خاله ليلى
ليلى: يمه بحساب اني امج ميصير ادكوليلي خاله
نوارس: انشاء الله يمه ليلى
.
وطلعنه رحنه للمحلات ودخلنه كوزمتك كلش اكبير ومتروس ملابس بنات وزينه الشعر هم كللشي عجبني بي وشترن حنين وحوراء وشترلي وياهن ورادن يشترن ملابس بس معجبهن شي بالكوزمتك هاذ ورحنه لغيره بعد اضرب منه الملابس اتخبلللل اجنن وحنين جابت بنطرون وكالت راح تدخل اتقيسه وصاحت حوراء وياهة
.
حوراء: اكول سونه اني راح اروح اشوف البنطرون ويه حنين وانتي وليعجبج اخذي
نوارس: خوش روحي
.
وراحت حوراء واني جاي اباوع عله الملابس قريبه عله باب الخروج وجان ولد دخل وكالي
.
الولد: خويه بس اكو واحد جيصيحلج بالباب
نوارس:(ابتعجب)منو؟
الولد: ما اعرف
.
نوارس
كبل صدكت ورحت طلعت اشوف منو جيصيحلي وجان ما احس اله شي كضني من وره وخله وصله عله خشمي وسد حلكي بيهة ردت اوخر مكدرت وما احس عله نفسي اله نغمه عليه
.
.
.
~~~~~~~~~~~~~~~~~~~
.
.
اسد
واني خططت ويه الملازم مقتده واحمد وحددنه وقت ويوم معين ندخل بي مداهمه يلي هوه بعد يومين راح اروح ونطبق الخطه وراح الملازم مقتدا وبقه احمد يمي اني كعدت عله كرسي الميز مالتي بتعب وكال احمد
.
.
احمد: الله يساعدك
اسد: ويساعدك
احمد: مو عله بعضك اشو شبيك
اسد: مشوف هاذ الشغل مشوف الاختطاف والبنات خطيه اتريدني افرح ورتاح
احمد: وفوك كل هاذ مشفت اليوم حبيبتك
.
اسد
سكتت وبقيت بس اباوعله محجيت شي وذكرت نوارس اشكد مشتاك لشوفت اعيونهة ومشتاك لحضنتهة وحنيتهة لو ادري هيج راح ادمر احوالي جان مرجعتهة لاهلهة وعفتهة يمي هههه وكلت لاحمد
.
اسد: اكول حمودي تره الساعه ب١١باليل اشوكت ناوي نتوكل عله الله نعست تره
احمد: اي صدك بس انته وين كاعد نفس ما اني اعرف جنت ابيت صديقك لمسافر وهسه هوه رجع؟
اسد: اجرت شقه
احمد: لا يا سخيف اي والله
اسد: لييش يابه شكو قابل جايب اكحاب اني
احمد: هههههه لا مو هيج بس تعال يمي ولك اني وحيدي
اسد: لا لا ميصير
احمد: ولك بس اني ولحجيه واخوي الصغير
اسد: مشكور بس بغي مره متقصر
احمد: وراح ازعل عليك اني
اسد: امشيي امشيي احس لا ارميك هسه
.
وكمنه ورجعت اني لشقتي وبالي كله يم نوارس احس كلبي ايدك عليهة احس شي صاير وياهة ما مرتاح بس اشلون اعرف ما ادري
.
.
《《《《《《《》》》》》》》》》
.
.
حنين
طلعنه اني وحوراء وملكينه نوارس حوراء راحت ادور عليهة وصيح
.
حوراء: نوروسه نواارس ويينج وين رحتي
حنين: ما لكيتيهة
حوراء: لا والله ماكوو
حنين: شنووو صدك تحجين قابل وين راحت شوفيي
حوراء: وللج حنين نوارس اختفت مااكوو
حنين: انجبيي هسه نلكاهة يمكن راحت لغير محلل
.
احس خفت واعصابي اتوترت لان نوارس ماكوو ايموتوني اذا يعرفون اهلي خليت وطلعت جهازي وادي ترجف ردت اخابر عله عباس بس اترددت كللش خليت وتصلت عله وسام وكمت ابجي
.
وسام: الوو هلو حنونه
حنين: وساام الحكليي فدوه
وسام: ليش شكو شصاير
حنين: وللك اختيي ماكوو مو ويانه
وسام: وللج كافي بجي وحجي عدل شصار انتي وين خللي اجييج
.
حنين
اطيته العنوان وسديت الاتصال وباوع عله حوراء تبجي وتتعارك ويه ابو المحل
.
حوراء: ولك اشلون ما تعرف غير هيه بقت اهنا
ابو المحل: ايي واني جنت انتضر اشوكت تطلعن منتبهت الهة اصلن
حوراء: الله ينتقم منك والله اله اندمك حيووان
حنين: كافي حوراء معليه هوه
حوراء: فدوه حنين كولي راح نلكاهة فدووه والله ما مستعدين نخسرهة مره ثانيه(ابجي)
حنين: نلكاهة كلبي نلكاهة
.
وشوي واجه وسام وطلعناله بالباب المحل وهوه نزل من السياره وكال
.
وسام: شكوو شصار
حوراء: وساام فدووه خوويه اختتي ماكوو (ابجي)
وسام: كافي لتبجين راح اسال ابو المحل عده كامرات حته نعرف
حنين: اي يله ابسرعه امي حركت التلفون عليه
وسام: لتخافن نلكاهة انشاء الله
.
حنين
راح وسام سال ابو المحل وطلع ما مخلي كامرات وباوع بلكي اكو كامره بس ما لكه اي كامره
.
حنين: هسه اشراح انسوي
وسام: رجعن للبيت وكولن لاخوجن خلي يتصرف قبل ليصير شي لنوارس
حوراء: يووو والله ايموتنه والله اختي مصار الهة شهرين من رجعت والله
وسام:(بعصبيه)اييي احسن قاابل تبقن هيج روحن واذا صار شي خابرنيي يله
حنين: صح ما عدنه غير حل بعد لازم نرجع
حوراء:(ابجي)ولللج فكرري ابمامه سميه اشراح ايصير بيهة وهيه مريضه اتمووت والله وصوجنه احنه
حنين: اسم الله اشبيج انتي متعرفين تحجيين يله امشي
وسام: يله ولا تتاخرن وعود بشرني
.
حنين
خذيت حوراء كوه متقبل اتروح ورجعنه للبيت دكينه الباب وطلعت امي ليلى وهيه متعجبه وكالت
.
ليلى: بت سميه وين؟؟؟
.
.
____________________________
.
.
نوارس
فزيت واني كوه افتح بعيوني وهنه امغوشات كوه اباوع واحس نفسي دايخه كللش وكمت كوه فركت اعيوني وشفت شعري مفتوح وصاير عله وجهي وخرته وباوع حوالي غرفه اصغيره كللش يمكن مترتين طولهة وضيكه وبيهة باب حديد مقفول وجامه داخل منهة ضوه كبل خفت وكمت عله حيلي وكفت يم الباب وحاولت افتحه ومنفتح وقفول وكمت ابجي ودك بالباب ابقوه وصيح
.
نوارس:(بعياط وبجي)طللعووونيي منوو اهنااا سااعدوونيي فدوووه طلعوونيي ما مسوويه شيي
.
واني وابجي وكعت وكعدت بالكاع يم الباب وابجي ابقوه ليش ما مكتوبلي ارتاح اشوي
وكلت لا خلي اقوي نفسي كمت ورجعت ادك بالباب بقووه وحاول افتحه وعيط
.
نوارس: طلللعوووونييي طللعوونييي ياااا ناااس منو اهنااا
.
وجان ينفتح الباب واني وخرت من يمه وشفته رجال ضخم واسود وكال
.
الرجال:اشش كافي وجعتي راسي من صراخج
نوارس: انيي ليش اهناا شسوويت
الرجال: كاافي ملحه وكعدي عاقله لا اندمج ولكاضم يلله
نوارس: حيوووان حقيير طلعني مناا مسويت شي انيي مجررم
.
اعيط وابجي وما أحس اله ضربني ابراشدي هلكد مقوي وكعني بالكاع احس فجي انشلع من مكانه ما اكدر حته اطلع صوت من قوته
.
الرجال: لا تغلطين لا اكص السانج اصبري اشوي وتتعاقبين عله كل حرف يطلع من حلكج
.
نوارس
وخله وطلع من الغرفه ورجع قفلهة عليه واني بقيت ابمكاني بعد ماكو فايده لو ابقه الباجر اعيط لان محد ايساعدني
وكرفصت وبقيت ممطوله وابجي وفكر بأمي اكيد هسه انقهرت عليه لان خطفوني
.
وبقيت عله نفس لحاله وره ساعده انفتح الباب واني كبل طفرت من مكاني وميته خوف ودخل رجال ضخم وطوييل كللش واسمر وعيونه صغار خضر وعده لحيه طويله واني ابجي وكتلهة
.
نوارس: فدووه اروحلك طلعني والله ما مسويه شي فدوه
نصير: اشش كافي انتي بت علي عبد العادل لو غيرهة
نوارس:(بتوتر)أاا.أيي انيي
نصير: ايي الي اسد اخذ نص اليشتغلون وياي وبسببج انتي
نوارس: والله ما اعرف هيج ما ادرري صدك
نصير: شوفي ابوج ابسببه هسه الشرطه كلهة ادور عليه لان اشتكه بالمخفر واسد ابسببج اخذ نص اليشتغلون وياي ومن ضمنهم ابنيي اخذه وعذبه لحد ما ابني طك ومات ما اتحمل وانتي هسه راح اطلع بيج كل حركه كلبي وراح احرك كلب ابوج بيج واسد هم لان بسببج
.
نوارس
يحجي واني ميته خوف وابجي وتوسل بي وهوه يتقرب عليه اشوي شوي
نوارس: فدووه لسويلي شي والله ما عليه اني فدوه ابوس ايدك لتأذيني
نصير: اشش كافيي راح وكتج بعد
.
نوارس
كال هيج وكضني من فجي بكل قوته احس فلشه الي وما احس اله ضربني بوكس ابوجهي فلشه ونضرب راسي بالحايط وكعت بالكاع يم رجليه ردت اكوم وضربني دفره ابطني وبقيت ممطوله ابمكاني وكاضه بطني وابجي من الوجع وهوه كال
.
نصير: انعل ابووج بت الجلب بت الكحبه والله لو اعرف اخر يوم بعمري اجيب ابوج وصمطه صمط احركه هوه وعايش واسد اذا ما اكص راسه وشمره للجلاب يا جلبه يا بت الجلبه
.
نوارس
غلط وفشر عليه وطلع وقفل الباب واني ابجي وممطوله ابمكاني وحاضنه بطني من وجعهة ودعي
.
نوارس: يا الله يا قادر على كل شيأ يا مساعد يا عليم اعلم ابحالي وساعدني ليش هيج يا رب ما جاي اشوفنيي ليش جبت عمري بس اذيه واني مالي ذنب بشي يا الله
.
.
وسبقني النعاس ونمت
.
.
~~~~~~~~~~~~~~~~~~
.
يوم ثاني
.
اسد
كعدت الصبح الساعه بال١٠ وربع كمت غسلت وجهي ونشفته وطلعت رحت سويتلي ريوك اتريكت ورجعت ردت ابدل شلت مبايلي عايفه صامت من البارحه العصر وفتحته وشفت ٤٥ اتصال فائت من عباس اخو نوارس وارقام غريبه هم خفت كلت اكيد صاير شي اول تالي عباس يتصل عليه وهلكد
كبل اتصل بي وهوه جاوب
.
عباس: الوو الووو اسد
اسد: شكو شصاير ليش هلكد متصل
عباس: اسسدد نووارسس الحكلنه فدوه
.
اسد
وكع كلبي من كال نوارس وكبل عطت بي وكلت
اسد: شبيهة نووارس شصاار الهة
عباس: نواررس ماكو من البارحه انخطفت
.
اسد
بس سمعت كلمت انخطفت احس اتهدمت ابمكاني كلبي وكف معقوله وكبل كلت
.
اسد: جاايك هسه
وسديت الاتصال
.
.
.
يتبع..