اوجاع طير النوارس

البارت 32

.
.
نوارس
فزيت الصبح عله حركه ابشعري درت وجهي شفت امي ممطوله وتلعب ابشعري كتلهة
.
نوارس:صباح الخير(بنعاس)
سميه:هلا صباح النور
نوارس:الساعه ابيش؟
سميه:بعدهة بالسته وربع
نوارس:هاا والله بعد وكت
سميه:اي ردي نامي يمه بعد
.
نوارس
رجعت درت وجهي منهة عود راح ارجع انام بس اني شبعانه نوم ولا نعسانه بس حبيت ابقه هيج افكر اشوي لان بعد وكت وره نص ساعه امي كامت الله يساعدهة هم عاشت حياتهة صعبه ويه ابويه اذاهة اهواي حيل انقهر عليهة
.
.
.
.
((في مكان اخر))
.
حنين
فزيت عله صوت المبايل مالتي يتصل فتحت اعيوني كوه شفت المتصل اسد كمزت من مكاني وعدلت كعدتي ورديت عليه اني وفرك بعيوني
.
حنين:الووو
اسد:صباح الخير
حنين:هلا صباح النور
اسد:خوما ازعجتج من الصبح
حنين:هاا لا بالعكس عادي اصلن اني اريد اكوم بعد
اسد:هاا خوش بس اتصلت حته بلكي تطيني نوارس احجي وياهة اشوي
حنين:نوارس
اسد:ايي حته اذا نايمه كعديهة
حنين:ما اكدرر اعذرني
اسد:ليش؟
حنين:نوارس ما موجوده مو يمنه
اسد:ليش وين راحت
حنين:هيه وامهة طلعن من البيت مالتنه وكعدن بالشقه مالت امهة
اسد:خوما صاير شي
حنين:ها لا مصاير شي بس هيج
اسد: متاكده
حنين:اي بس ام نوارس زعلت من امي وطلعت
اسد:هاي اذا امج امسمعتهة كلام صح لو لا
حنين:هنه شرايج جا شتريدهن
اسد:الله كريم بعد يله اترخص اني واذة شفتي نوارس اتصلي عليه حته احجي وياهة
حنين:اوكي تدلل
.
حنين
سديت الخط من يمه وفكرت اشوي واجت فكره ابراسي اروح اليوم لنوارس وتصل عله اسد وخليهة تحجي ويا احسن شي لان نوارس هم مشتاقه لاسد وتحبه حيل
.
.
.
.
الكاتبه:ضحى الطائي
.
_______________________
.
اسد
.
سديت الاتصال وحاير اشلون راح اوصل النوارس بعد جان خيط الوصل هاي لبنيه بس هسه موارس صارت ابعيده عنهة
نعلت الشيطان وكمت رحت نزلت جوه جاي اخدرلي جاي وما احس اله فززني صوت
.
.
جيلان:اسد
اسد:(بستغراب)جيلان ..شكو ليش كاعده من هسه
جيلان:اسد اريد ارجع لبغداد
اسد:ترجعين ليش؟
اشو هاي كبل كامت تبجي ودموعهة اتخر ودكول
.
جيلان:اريد ارجع اريد اطلع حق اهليي (ابجي وشهكه)
.
اسد
اتعجبت عليهة ابسرعه سديت الجاي ورحت وكفت ابصغهة وكلت
.
اسد:كتلج عوفي هاي السالفه عليه
جيلان:لا لا اريد انيي
اسد:كافي روحي ردي نامي بعد وكت
جيلان:لا فدوه اسد رجعنيي(ابجيي)
اسد:انشاء الله بس كافي بجي ليش تبجين
جيلان:اتحلمت بأمي ونقهرت
اسد:اي مجرد حلم روحي ردي نامي مصار شي يلا يلاا
.
احجي وياهة ودفع بيه حته اتروح لان اذا ابقه احجي هيه راح تبقه اتعاند وتعارك وياهة
بس راحت لحمد لله رجعت
واني رجعت شغلت النار عله القوري
.
.
.
_________________
.
.
حنين
واني بالغرفه جاي ادور حجه حته اروح النوارس اجت ابالي فكره رحت للكنتور طلعت اتراك من اتراكاتي وخليته ابعلاكه ولبست حجابي وجبتي ونزلت رحت لامي
.
حنين:يمه نوارس ناسيه من ملابسهة راح اوديهن الهة
ليلى:وشعلينه انوب ابت سميه
حنين:يمه خطيه نوارس حيل اتحب هاذ لتراك
ليلى:يله روحي بس ابسرعه رجعي لا تتاخرين
حنين:حااضر وشكرا
.
وركضت وصلت للحديقه طلعت حوراء ابجهي ومتعجبه
.
حوراء:هااي شنو ويين
حنين:راح اروح ابشغله ابسرعه ارجع
حوراء:اجيي وياج
حنين:اهوو يله ابسرعه لبسي حجابج راح اروح لنوارس
حوراء:اييي مشتاقتلهة
.
حنين
ركضنه ابسرعه اني وحوراء للغرفه الفوك مالتنه حنين اتحضر روحه واني اتصل جهازي شفت لتصال من وسام رديت عليه
.
.
حنين:هلو عمري
وسام:يا هلا بالعمر كله شلونج
حنين:زينه لحمد لله وهسه راح اطلع اني
وسام:وين؟
حنين:اروح لاختي نوارس
وسام:هاي لذاك اليوم انخطفت
حنين:ايي هيه
وسام:خوش راح اجي اني اوصلج الهة قريب عليج وهم اشوفج مشتاقلج
حنين:لا ميحتاج مو حيل بعيده
وسام:لا هاي وصلتج
حنين:اوك باي
.
سديت لاتصال وكلت لحوراء
.
حنين:وسام راح ايوصلنه
حوراء:ايي لحمد لله بعد احسن
.
.
.
.
نوارس
واني كاعده يم امي وهيه اسولفلي عله ايام قبل ويه اهلهة وشلون ازوجت ابويه وسمعت باب جاي ايدك وكمت افتحه طلعت ابجهي حنين وحوراء
.
.
نوارس:(ابفرحه)اجييتن
حوراء:ايي اجيننه
نوارس:تعالن طبن حيل مشتاقتلجن
حوراء:اوكي هم انسلم عله مامه سميه
.
ودخلن طبن سلمن عله امي وكالت حنين
.
حنين:يمه راح اخطف منج نوارس ربع ساعه
سميه:ليش اسم الله وين
حنين:اهنا ننزل كدام الشقه اريد احجي وياهة
سميه:احجن اهنا
حوراء:لا يمه ميصير اله كدام الشقه
سميه:ما تكعدلج راحه ابد
حنين:ها شكلتي
سميه:يله عادي بس لا تروحن بعيد
نوارس:اي مامه حاضر
.
وطلعنه ورحنه شفت كدام الشقه طابكه سياره رياضيه ناصيه وبيهة ولد حلو عده لحيه وشوارب وضخم وشوف حنين كبل ركبت بالصدر بقيت واكفه متعجبه وعاطت بيه حوراء
.
.
حوراء:يلله شنو يرادلج عزيمه ركيبب
نوارس:هاا اي اي
وركبت الولد دار لمرايه عليه وشوف بس المناضر بالمرايه وكال
.
وسام:هلو خويه نوارس اشلونج
نوارس:لحمد لله زينه
حنين:نوارس هاذ وسام لحجيلج عليه
نوارس:هاا هلا بيك وسام
وسام:وبيج اكثر خويه
.
.
نوارس
شاورت حوراء
نوارس:(بهمس)اشعدنه اهنا
حوارء: اصبرري هسه تعرفين
.
.
نوارس
اشوي ومدتلي حنين التلفون مالتهة وندارت عليه وكالت
حنين:هاج اخذي يردون ايسلمون عليج
نوارس:منو؟
حنين:بس اخذيي
.
نوارس
خذيت الجهاز من يمهة وخليته عله اذني وكلت
نوارس:الوو
وما احس اله اسمع صوته وكلبي انغز احسه كوه احجي
.
اسد:الووو هلو
نوارس:(برتباك)اسد
اسد:الله شكد مشتاق لاسمي بهل صوت
نوارس:خوما صاير شي
اسد:لا ليش
نوارس:غريب اتصالك متوقعت
اسد:مشتاقلج نوارس😔
نوارس:والله
اسد:والله العضيم مشتاقلج كافي زعل فدوه اروحلج جاي انهدم
نوارس:اني هم
اسد:شنو انتي هم كوليهة ليش متردده تره اني اسد لتحبي مو واحد غريب كافي تعامليني وكأن اول مره تحجين وياي صدكي ماكو شي بيني وبين جيلان
نوارس:ايي واثقه بيك
اسد: اذا واثقه ليش هيج اسوين
نوارس:لان ما اريد احد ايشاركني بيك فاضوج وازعل من اشوف جيلان قريبه عليك
اسد:فدوه اروحلج يا رويحتي يا بعد كلبي
نوارس:اي لازم اسده هسه تاخرت
اسد:ماشي عادي
نوارس:باي
وسديت الخط منه ورفعت راسي شفت حوراء صافنه عليه
.
نوارس:(بابتسامه)شبيج
حوراء:شوف لحبب ولغيره
وسام:شعليج انتي بس انتبهيلنه عله نجيح وسكتي
حوراء:اكيد ليش لا
حنين:ها نوروسه
نوارس:هاهيه وراح ارجع بعد اني
وطيت الجهاز لحنين ونزلت من السياره ورجعت ابسرعه للشقه واني طايره فرح صدك فرحت من حجيت ويه اسد ارتاحيت
.
وشفت امي جاي اتمشط ابشعرهة
رحت يمهة وهيه ابسرعه لاحضت لتغيي الي صار
.
سميه:الله يديم فرحتج يا بنيتي بس شكو
نوارس:ماكو شي بس فرحت بخواتي
سميه:انشاء الله دوم يا رب
.
.
.
.
__________________
.
.
اسد
سدت نوارس الاتصال مني واني احس كلبي طار بحيث كمت اضحك ويه روحي هلكد مفرحت صدك ما تنوصف فرحتي وباجر راح تجي امي وحجيلهة كلشي وهم اخطبهة وخلص بعد من هل تعب الي اني بيي تعبت بعد من غيابهة
.
.
(ثاني يوم)
كعدت الساعه بال١٠ الصبح كمزت لان متاخر الوقت وامي وخواني عله جيه ابسرعه نزلت جوه وتصلت عله امي
.
.
بدريه:هاا ولك اسد شكو
اسد:شنو وين ما وين
بدريه:عشر دقايق ويمك وليدي
اسد:يا الله شبسرعه طياره
بدريه:انجب عاد جا شتيد نبقه لضهاريي
اسد:لا يابه مو هيج
بدريه:يله روح بعد
اسد:باي
.
وبسرعه ركضت لليفوك دكيت باب غرفه جيلان فتحته كبل
.
اسد:ها خوش كاعده
جيلان: اي من الصبح
اسد:اي اشوي ويوصلون اهلي مو تبقين خاتله
جيلان:نشاء الله
اسد:مجاي اشاقه وياج تره اذا ختلتي احسبي روحج تنكتلين
جيلان:وليش يابه شعليه باهلك نوب لو شنو اتريد اخدمهم
اسد:لتمضطين مكلت هيج بس نزلي ونجبي
جيلان:اوكيي بايي
.
اسد
وسدت الباب ابجهي اني بقيت متعجب وضايج عصبت حيل بحيث ضربت الباب دفره وعطت
اسد:والله اذا متنزلين انزلج سحللل فهمتي لو لاا
وعفتهة ورحت لغرفتي طلعت ملابس وسبحت ومشطت شعري كلش صار سنه مشايف امي وخوتي مشتاقلهم
اشوي وشفت مبايلي يتصل شفت امي رديت
.
اسد:هاا وين
بديه:افتح الباب يمك احنه
اسد:حاضر
وسديت الاتصال ونزلت بسرعه ركض وفتحت باب الخارجي شفت امي هيه واخوي واختي ورحت ابسرعه سلم
.
اسد:ياا هلا والبيت توه متله
سيف:اسدد حيوان صدك متستحي انته ناسيني
اسد:يا بعد كلبي اني اكدر انساك
وحضنته ورجعت بست ايد امي وراسهة وكلت
.
اسد: نورتي البيت بدريه
بدريه:يا بعد روح بديه حبيبي انته
.
وباستني وباوعت لاختي شيماء بزر الكعده مالتنه حيل اتحبني هيه اني حسبه ابوهة لان نص عمره اني جنت اربيهة
.
.
اسد:شوشو اشو ساكته تعالي لحضني
شيماء:حبيبي خويه مشتاقتلك حيلل
.
اسد
وحضنتهة
شيماء:ارجع للبيت والله بدونك كلشي ميسوه
اسد:انتي تعالي يمي تعرفين عدي شغل

وخرت منهة وشلت جنطهم ودخلنه للبيت
.

سيف:بعدهن نفس غرفنه لو شنو
اسد:كلشي عله حطت ايدك لتخاف
سيف:ايي خوش
بدريه:شوف البيت جايف
شيماء:اي غير من عهد المرحومه اكيد ايجيف
اسد:سدي هل موضوع وطبعن لا نضفو وراهة
سيف:معقوله انته
اسد:اكيد لا مو اني صح لو لا يمه
بدريه:هاا الجنه الجديده
شيماء:قصدك هاي؟؟
.
اسد
انداريت شفت جيلان متجتفه ومرتاجه عله محجر الدرج وتباوع
.
اسد:جيلان تعاليي سلمي
احجي وخزر بيهة وهيه اجت
.
جيلان:السلام عليكم
سيف:وعليكم خويه
بدريه:بس لا انتي نوارس؟؟
اسد:لا يمه مو هيه
بديه:ها لحمد لله
جيلان:ليش خاله اشفتي عليه توج اجيتي تره
اسد:(بعياط)جيلااان صعدي فووك
ودارت وجهة وهيه كالبه وجهة وراحت
.
بدريه:كشش اي والله صلفه
اسد:يمه هاي امانه يمي طنشي كم يوم ورايحه
بدريه:النه الله بعد
شيماء:عادي خويه مصار شي
سيف:ايي ويله كل واحد يدير جهرته ويروح لغرفته بعد
.
.
اسد
شلت جنط امي وخذيتهة لغرفته وفتحت الباب
.
بدريه:يراد تنضيف اسبوع لهل غرفه
اسد:يله عاديي يمه
بدريه:ايي عاديي هسه تنضفهة شيماء
اسد:اي حبيبتي
بدريه:يله احجيلي عله لساحرتك منو هاي
اسد:يمه ارتاحي وهاي السوالف عوفيهة لتوالي الليل احسن
بدريه:عله راحتك يمه بس كون الله يوفقك وسوي لبالك بعد ما اريد شي والله
.
.
اسد
بست ايدهة وكلت
اسد:ربي يحفضج يا بعد عويناتي اني زين مادامج وياي انتي
بدريه:بس اريد اشوفهة حبيبتك
اسد:اي اشوفيهة وشبعين منهة هم
بدريه :انشاء الله
.
.
.
.
___________________________