اوجاع طير النوارس

البارت 15

.
.
عباس
جنت طالع رجعت ابسرعه للبيت حته اشوف اختي براء رجعت دخلت للبيت سمعت ابويه ايعيط بالديوانيه رحتله بسرعه وشفته كاعد وعصبي وياسر يمه
.
عباس: اشبيك بويه شصاير
هوه باوعلي بعصبيه وكال بعياط
.
علي: شووف يا عبيسان اذا عرفت امك عارفه باختك هاي براء تجني عله روحك جفيلك العباس اموتك ما اريد تعرف ايشي
عباس: شنوو معقوله ما اكللهة عله اختي براء الي امي تحلم بس اشوفهة
علي: اي بقيهة تحلم ما اريد تعرف فهمت لو لا
.
عباس
بقيت اباوعله وضايج ما مقتنع ابد
علي:(بعياط)فهمتت لو لا
عباس: صاار يله رايح اني
ورحت واني ضايج لازم اكول لامي عله براء مستحيل اسكت
.
.
________
.
اسد
واني كاعد بالاستقبال عله الكاع ومرتجي عله التخم ومخلي مخدتي عله الكاع ردت انام اندك الباب باوعت شفتهة نوارس واكفه يم باب الستقبال وضايجه وشكلهة باجيه
.
اسد: تعالي حبيبتي تعالي
ومديت ايدي الهة وهيه اجت ركض عليه ذبت روحه ابحضني وصار وجهة عله صدري وكامت تبجي ابقوه اني حضنتهة
.
اسد: كافي عمري لا اسوين هيج متستاهل
نوارس:(ابجي)ميردوني اهليي ميردونيي ولا حبونيي
اسد: خلي ايولون اني احبج واريدج
نوارس: ما يردووني اهليي
.
اسد
حاضنهة اني وهيه ابحضني وتبجي ابقوه كتلهة
اسد: نامي ورتاحي كلبي كافي تبجي
نوارس: ما اريد انام
اسد: اتنامين اشوو وبصفي هم خووش
نوارس: والله
اسد: ايي
وتمدتت وهيه اتمدت ابصفي بس دايره وجهة مني مطيتني ضهرهة وهيه كلش قريبه عليه وتبجي واني امشط شعرهة بأصابيعي وهيه تبجي وتحجي
.
نوارس: ميردوني اهلي... ليش شنو خطأي انيي...... مسويت شي....ميردوني ...ومشفت امي ولا شافتني
.
اسد
هيه تحجي وتبجي وهيه ممطوله ابصفي لحد مغلبهة النعاس ابسبب التعب ولبجي ونامت واني بقيت منمت بس افكر ابموضوعهة شسوي وجتي ابراسي فكره كلت اسويهة بس اشوف عباس اخو نوارس
واني العب بشعر نوارس رفعت نفسي اشوي اريد اشوف نوارس نامت لو لا وشفتهة اي نايمه كبل رجعت لنومتي وحضنتهة من خصرهة عله كيف علمود لتكعد وسحبهة عليه بحيث الزكت بيه ضهرهة صار لازك ابطني وغطيت وجهي ابشعرهة ونمت
.
.
نوارس
فزيت الصبح حسيت اكو ثكل عله خصري واحس لازكه ابشي كبل خليت ايدي عله خصري اجت ايدي بايد اسد اتعجبت وكبل كعدت عله حيلي شفت اسد نايم ابصفي واني جنت لازكه بي كبل كمت ورحت للمطبخ غسلت وجهي وصحصحت
.
.
اسد
كعدت الصبح واني شبعان نوم ما لكيت نوارس ابصفي الضاهر كامت فركت اعيوني حيل وكمت فتحت الجهاز شفتهة الساعه بال١٠ ونص اتعجبت اول مره اني ابقه لهيج وكت خليت وكمت رحت للمطبخ ملكيت نوارس غسلت وجهي وشفت نوارس من الجامه كاعده عله حافه مالت الحديقه رحت وكفت يم باب المطبخ الخارجي
.
اسد: صباح الخير
.
نوارس
واني كاعده وفكري بعيد ما رجعه اله صوت اسد
.
نوارس: هلا صباح النور
اسد: شو كاعده وحدج
نوارس: غير انته جنت نايم
وكمت من مكاني وتقربت اشوي عله وكتله
.
نوارس: اسويلك ريوك
اسد: لا ما اشتهي بس استكان جاي
نوارس: حاضر
ودخلت للمطبخ واسد راح واني خليت القوري عله النار وطلعت استكان لاسد
.
.
_________
.
حنين: يعني معقوله ابويه توصل بي هيج
عباس: غير امج حشت ابراسه ليش ميصير هيج
حوراء: عباس لازم ادكول لامك
عباس: اكييد اذا ابويه ميريد اختي اني وامي اريدهة
حوراء: ايي مشوف ابويه شمرهة بالشقه علمود لتشوف بتهة
حنين: اي عباس كول لامك واني وياك بكلشي اساندك
حوراء: واني هم وياك خويه
عباس: مشكور خواتي بس ما اريد ابويه ايصيرله علم انتن وياي اخاف ياذيجن بله اني شاب اكضيهة بالشوارع
حنين: ههه لا اسم الله عليك خويه
عباس: الله كريم باجر راح اروح لامي واكللهة كلشي
حوراء: ايي احسن
.
عباس
مستحيل اعوف اختي بصدقه الناس اني اخوهة وراح اساندهة ابكلشي غصبن عله اليرضه ولميرضه
وخليت وكمت رحت لغرفتي
.
.
حوراء: خطيه عباس شايل هم براء
حنين: الله يحفضه كلبه حنين علينه احنه خواته
حوارء: واكثر من ياسر حته وعود هوه اخونه ابن امنه وابونه
حنين: الله كريم
.
.
______________
.
.
اسد
واني جاي ابدل اريد اروح اطاع لان الدنيه صارت عصر واريد احجي ويه عباس اخو نوارس خلصت تبديل وطلعت من الاستقبال اجت ابجهي نوارس
.
نوارس: وين رايح
اسد: عدي شغله اخلصهة وارجع
نوارس: هاا ترجع بالسلامه
اسد: باي
ومشيت ردت اروح وبنص الدرب وكفت ونداريت عله نوارس وهيه باوعتلي واني كبل اجيت عليهة بستهة من خدهة وحضنتهة وكتلهة
.
اسد: اني اهلج يا بعد بيتي
وخرت من يمهة وهيه ابتسمت واني رحت طلعت من البيت شغلت السياره ومشيت
.
.
نوارس
راح اسد واني كعدت بالمطبخ وافكر وذكر اشلون ابويه طردني وكل ما اضوج اخلي اسد بين اعيوني واذكر هوه صار اهلي ويحبني ومساندني فالغي الضوجه من يمي ولحمد لله ليكول الله مسخرلي هل رجال حته اعيش
وخليت وكمت
.
.
اسد
وصلت لمحل مالت اخوان نوارس طبكت السياره اكبال المحل ونزلت وقفلتهة ورحت كبل دخلت للمحل شفت عباس موجود واخو
.
اسد: السلام عليكم
عباس: وعليكم السلام هلا خويه
ياسر: خير شكو
اسد:(طنشته وكلت)عباس اريد احجي وياك بس خمس دقايق عادي
ياسر: اكييد لا
عباس:(بعصبيه)يااسر احترم نفسك وكافي
اسد: هاا تكدر
عباس: ايي عادي اتفضل
اسد: لا اريد وحدنه
ياسر: مستحيل اطلع من المحل
اسد: ياسر تعال بسيارتي نحجي احسن
عباس: ايي جاي
.
اسد
واني طاعت من المحل ركبت بسيارتي واجه عباس ركب هم وسد الباب
.
عباس: احجي شصاير اختي شصارلهة
اسد: مصاير شي لاختك بس اجيتك ابموضوع
عباس: ايي كول
اسد: كول لامك اليوم عله اختك لازم تعرف
عباس: اصلن اني امفكر هيج بس كلت باجر
اسد: لا اليوم حته باجر نوارس اشوفهة
عباس: قصدك براء
اسد: ايي براء
عباس: صار اليوم بالليل راح احجيلهة كلشي
اسد: مشكور خويه متقصر
عباس: لا لتحجي هيج غير هيه اختي لازم اوكفلهة
اسد: الله يحفضك
عباس: تسلم ويله اترخص اني
ونزلت من السياره ورجعت للمحل وراح هاذ لاجني
دخلت للمحل
.
ياسر: بصيطه يا عباس تحجي ويه هاذ وضم عليه
عباس: طبك مرض شسوي سوي
.
.
.
______________
.
نوارس
واني كاعده بالغرفه وحدي والساعه صارت ب٨ونص بالليل ما حسيت اله باب الغرفه اندك فزيت وباوعتله شفت اسد واكف يمه كبل كمت من مكاني
.
اسد: هلوو
نوارس: هلا بيك وين جنت
اسد: مو كتلج شغل
نوارس: يعني هيج سالت لان اتاخرت
اسد: جنت يم حبيبتي
.
نوارس
هيج كالي واني عقجت حواجبي وكلبت وجهي ورجعت كعدت عله التخم
.
اسد: اشبيج الصمتي
نوارس: روح اسد مالي خلكك والله
اسد: شبييج
نوارس: كافي روح نعست اريد انام
.
اسد
شفتهة ضاجت حته من تحجي وياي ما تباوعلي دايره وجهة مني عرفت بيهة زعلت وجيت اتقربت عليهة وكضيت وجهة ورفعته عليهة وعكدت حواجبي وكلت
.
اسد: ادغارين
نوارس: من شنو اغار
اسد: من حبيبتي لطلعت وياهة
.
نوارس
وخرت وجهي من ايده وكتله
.
نوارس: اي روح خلي اتفيدك شعلي اني بيك
.
اسد
هيج كالت واني كعدت ابصفهة وكمت العب ابشعرهة واباوع عله وجهة وهيه منزلته
.
اسد: فدوه اروحلج اني وصدك ما افتهم اذا حبيت غيرج
.
نوارس
ابتسمت وباوعتله وكتله
نوارس: والله
اسد: والله
نوارس: احبك
اسد: اموت عليج يروحي انتي وبعد كلبي
وحضنتهة حسيتهة ضاعت بين اديه هلكد مناعمه وهيه وخرت مني واني بستهة من خدهة هنوب اجت عيني عله شفايفهة الجنهن كرز الحمر كبل بستهة عله كيف من شفايفه وشوي وبديت اتعمق بالبوسه واقوي بيهة ومحسيت عله روحي اله جريت نوارس عليه وايدي تمشي عله خصرهة وهيه بعدت شفتهة من حلكي ونتبهت الروحه رادت اتوخر مخليتهة كضيتهة ابقوه
نوارس:(بخجل وخوف)اش.أشبييك
اسد: خفتي مني
.
نوارس
هزيت راسي بمعنه لا وقربت نفسي قصدن عليه وهوه رجع باسني من شفايفي
.
.
.
____________
.
علي:(بعياط)ياااسرر وينك
ياسر: هاا بويه شكو
علي: وين اخوك عباس
ياسر: بويه ما ادري بس الضاهر راح لامه علمود يحجيلهة
علي:(بعصبيه)شنووو وانته شمدريك
ياسر: اليوم اجا هاذ الويه براء حجه ويا وحدهم مخلوني اسمع وضاهر راح لامه يحجي
علي: اليوم اذا ما اندمه هاذ الحيوان يكسر كلمتييي
.
.
.
يتبع....