9 / 5 / 2023
°°
رفعت راسي اباوعلة وهو هم ما شال عينة مني
انتظرتة يحجي بس ما حجة شي
- احجي
زفر بحيرة وكال : شحجي ؟
- ليش هيج سويت شنو نمونة ماكو نسوان لو حقارة ردت تكسرني
كعد قرفص كبالي بس بينة مسافة
- عجبتيني وما همني شي بعد ما رضيتي جبرتيني استغلج
غوركت عيوني : جنت تكدر تعوفني بس ردت تكسرني
- زين عوفك من هالحجي ليش هيَّ ليش ؟؟
- والله لو عدوي ما جان سواها كلي عندك ثار وياية وية واحد من اهلي !! سوايتك مو خالية
بلع ريگة وكال :
- تصير تصير ..وتصير الاتعس بعدج ما شايفة شي من الدنيا صدكيني اكو حواوين إذا رادت شي تاخذة لا عبالج كلها مسالمة وطيبة مثلج
احنة وحوش .. وحوش على هيئة بشر
وكعن دموعي بسكتة ضليت ساكتة ما عندي شي ينكال خلص كل الحجي او يمكن ماكو كلمة توصف وجعي ومرارتي وخيبتي لساعتة ما انوجد الكلام اللي يوصفهم
حجيت وانه ابجي : ردتك تحميني من الحرام طلعت الحرام بحد ذاتة تخليني احضنك وابوسك واتغزل بيك وانه ما أدري بكل هذا حرام ليلي كلة اكضي بحضنك وانه ما ادري هذا حرام لك شنو انت شيطان الشيطان ما يسوي سوايتك لك ليش هيجي هو اني شرايدة شرايدة بس فهمني هلكد الردتة صعب
كزيت سنوني بحقد ما تحملت وعتيتة من ياختة وعطت بي بعلو حسي واني مفرفحة بجي :
- ليش لك ليش بس فهمني شمسويتلك فرفحت روحي غركتني بالحرام خليتني احبك ليش ليش هيَّ ليش مو انه ليش ليش جاوب جاوب ابن الحرام جاوبني
عطت عيطة حسيت صوتي راح يختفي بعدها :
- ياا رب ياا رب مو دعوة المظلوم مجابة واليتيم حوبتة جبيرة انه اثنينهن مظلومة ويتيمة يارب جاي تشوف يارب جاي تسمع حييل اذوني فرفحو روحي يارب لا ترحمهم يارب عذبهم يارب ذلهم يارب بحق حبيبك النبي بحق حبيبك الحسين يارب بحق عرشك العظيم يارب بحق دموع مولاتي زينب ومولاتي رقية على حبيبهن الحسين اذيهم ذلهم خلصني منهم يااارب
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
