أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬▬
" قوت "
كاعدة وية حوري مگابلات المسلسلة الخليجية اللي هالفترة مندمجات بيها والحبشكلات گبالنة ناكل ومندمجات
اباوع الحوري ليصت روحها بالككو
قوت : شبيچ زعطوطة واللّٰه فلا تستحيين
حوراء : حامل ما بية حيل
قوت : واللّٰه حلوة كل سالفة عوجة تسويها ذبيها براس هالجاهل المسكين زعطوطة
همست قبل لا ترجع تاكل :
- زركة
قوت : المنفوخة
عاطت :
- غير من الحبالة ،، عود تعيب عيونچ عيون بقر
قوت : ولي ام راس المصفح ام حلك المزروف
ما جاوبتني التهت تعلف واني رجعت اباوع وآكل بهدوء
سمعت الباب يندك كمت افتحة توني وخرت السرگي وهذا اندفع بقوة
واشوفلك قمراء فاتت تضحك وبسرعة حضنتني :
- قوت مشتاقتلچ هواية هههههههههه
فتحت عيوني بصدمة ثواني وحضنتها بفرح :
- هههههههههه منج من الشيطان شعجب اجيتي
ابتعدت وكالت :
- عمار قبل اجي
رفعت حاجبي :
- هاا تصالحتو
عوجت حلگها وكالت :
- لا بعدها الحلوة زعلانة ما ترضىٰ ترجع
سمعت صوت تحمحم برة
قوت : هذا منو وياچ
ابتسمت وكالت :
- خطيبچ
كفختها ودفعتها ومديت راسي من الباب اباوعلة يسمعلنة ويضحك
بدون وعي صحت :
- هاا شكو
غالب : طاح حظچ شبيچ تجوعرين چنچ سيارة توها بنچرت ع الطريق
قوت : هذا صوتي يعجبك ميعجبك هاي مشكلتك
ابتسم وكال :
- شلونها مدام طنگورة
قوت : أكلك ما يصير نوكف هيج ع الباب الناس شتكول
غالب : اي واللّٰه واني رأيي من رأيچ
بسرعة دفع الباب يريد يفوت واني تخبلت ضربتة بوكس ببطنة تراجع فاتح عيونة بصدمة
قوت : علي ما موجود شو انت مستخف كلش وعلي العب بيك لعب
غالب : ليش ما تردين ع الخاص
قوت : ما احچي وية ولد
غالب : خوش قوت خوش ، اني منا وجاي كلامي مو وياچ وية اخوچ الشفية خل يشوفلي چارة وياچ شنو أنتِ تلعبين علية
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
