أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬▬
القلوب قوالب متقلبة
والثابت فيها أنها متغيرة
فلا خيرها دائم ولا شرها مستمر
اطيبها ما نحب واخبثها ما نكره
لــِ أُسامة المسلم
✧✧✧
" قوت "
واگفة اغسل مواعين ع السنك وادندن بالقصيدة الاحبها
حوراء اغلب وقتها ما تحس على نفسها وتنام الحمل خلاها مخمولة اغلب الأوقات كل ما تگعد بمكان تصفنلها شوية وتنام
واني الشغل كلة وگع براسي مع ذلك على گلبي مثل العسل مع مرور الوقت گمت اتعود على حوراء واحب وجودها ويانة فعلاً مالها احد غير علي محد يسأل عنها ابد وهالشي سهل علية اني اتقبلها
قاطع تفكيري صوت طلق عالي فززني تفزز وخلة حوراء تصرخ فازة من نومها بفزع رحت اركضلها
گاعدة تعيط :
- قوت قوت وينچ
اجيت يمها أهديها:
- هاي اني هاي اني لا تخافين هاي برة بالشارع
زفرت أنفاسها براحة :
- اوف عبالي ببيتنة
قوت : لا ،، لا تخافين رجعي نامي
عافتني وصعدت فوگ عبالي تنام شو ورة شوية نزلت تهرول خوفتني عطت بيها :
- لا تهرولين ببطنچ طفل
حوراء: لچ عزة لحگي
قوت : شكو
حوراء : هاي ناس ملتمين ببيت عمو لطيف وطلع فريق هوجان الانباري هو ومرتة شحتوهم وفاتو جوة البيت عمو لطيف يهدوون بعمار ما ادري شبي هم راجع رامي
وگع گلبي من الخوف :
- خاف قمراء بيها شي
حوراء: الفضول يحوص بگلبي روحي شوفي شكو وتعالي سولفيلي
هزيت راسي موافقة لبست ع السريع وطلعت بسرعة چفتت بنصهم
عمار وفريق هوجان ومرتة بسعاد
حچيت بخوف :
- شكو عمار شصاير
ما جاوبني چان وجهة احمر وعيونة كلش حمر تعبان وفريق هوجان يهدي بي
هوجان : لا تقلق ابو جود انه مو غريب اعتبرني اخوك الچبير منا لليل خيتك بالبيت وذاك العار والله لاخيسو بالسجون انه ستر وغطا عليك احنة أهل عجل هيَّ الجورة المن تنراد
چان عمار مدنگ راسة بخجل يحس بالعار عصبي وحزين ومتوتر علىٰ ساعة ينفجر
هوجان: عوفها علية لا تنهار ابو جود عجل المنطقة كلها تتحاچة بشرك ياهو الاشوفو يگلي ما تحملو الگاع الواگف عليها اريدك گوي ما يهزك شي انه اخيك بظهرك وأُم شامخ مو غريبة
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
