أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬▬
ما احس إلا بدفرة قوية ركعت الباب فززت ثنايا گلبي ولينار بسرعة عاطت برعب وهيَّ تبچي بخوف خصوصاً من شافت عمار بملامحة الحادة وبيدة السلاح بسرعة ركضت بخوف عبالك وحش يلاحقها وبسرعة شمرت نفسها بحضني تبچي برعب فوراً حضنتها بكل قوتي امسح على ظهرها حتى أهديها
رفعت راسي العمار اللي يباوعلي بحدة يريد يفترسني وحچة گاز سنونة بغيظ:
- يلاا گدامي هالمرة وكعتو ومحد سمة عليكم عيد وجابة العباس وحق اللّٰه وراس وليدي هالمرة مالچ رجعة ال هالبيت يا مينار
بچيت بخوف وحچيت بنبرة متوسلة :
- عمار اللّٰه يخليك لا تاخذني منا امشي عوفني وروح بعدني متمسكة وما ارضىٰ اعوف بيت زوجي مالك حق تاخذني
ابتسم بسخرية واردف :
- هالمرة ناويها مينار إذا ما طلعتلچ گلب جديد وخليت يصير عندج كرامة فلا اتسمىٰ عمار
سكتت ما جاوبتة طب من كيفة لم هدومنة ومستمسكاتنة واني اباوعلة باستغراب وگلبي يرتعد من الخوف
توقف عن الكاعد يسويه من سمع صوت واحد برة يصيحة طلعلة يشوف شكو وذاك يگلة ما كدرنة نلزمة شرد زفرت براحة واني احس نفسي مثل سمچة التتلوىٰ ورجعت للمي من بعد ما أخذوها منة
طب عمار يمشي بعصبية ويهز راسة متحلف خوفني استسلمت وقررت اسايرة اخذنة وطلع من البيت بسيارة واحد ما اعرفة احس منع عني الهوا خايفة ما ارجع البيتي مرة ثانية متت بدمي مجرد الفكرة قتلتني
وصلنة للبيت كعدت بالكاع كابلت امي وطكيت بالبچي وقمراء وقوت كعدن مكابلاتني
حچيت واني اشهك بالبچي :
- يمة احچي وية عمار واللّٰه كرم من القهر هيچ سوة سمعني احجي الصديقتي شلون عمار ضربني وإلا شوية جان موتني شتريدي يسوي وهو يشوف مرتة چتفها ملفلف بالشاش وحنچها مشوه خل يخلي نفسة مكانة هو قمراء مجرد حجيت عليها شوية شوفي شسوة بية لعد شحال كرم
اباوعلة واكف بباب الصالة صافن علية ووجهة ما مبين ضايج ابد بالعكس علامة النصر مرسومة على وجهة وشبح ابتسامة كل شوي تنبض من وجهة ما همة الفلوس ولا السيارة على كولتة " بسيطة مثل شربة الجگارة " همة يتخلص من كرم ويدمر حياتي
رجعت باوعت الأُمي :
- يمة احجيلج كلمة واللّٰه اني اخلي كرم يتكفل بالخساير اللي سببها وبعد ما اراويكم وجهي وشيريد وشيأمر اني حاضرة بس خل يفك ياخة مني
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
