أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬▬
" عمار وقمراء"
طالعني
اشتهيت انشاف بعيونك
مليت الوجوه المو مثل لونك
انه لو بيك لو يمك
هناك ارتاح
يعافيتي اربعينك ما يشبهونك
..
اول مرة من اي شي يكون الة طابع خاص سواء حلو او بشع
وهاي اول مرة بحياتي عمار يضربني لذلك كانت صدمتي فتاكة وهضيمتي يُندى لها الجبين وتقشعر منها الجلود
باوعتلة بصدمة والدموع تترقرق من عيوني يتنفس بحس مسموع وجهة احمر يتنفس شهيق وزفير بصوت مسموع وملامحة كاسيها القهر
عتني من اكتافي يحچي ببحة تضخ الم :
- غبية ليش تخليني هيج اسوي ها ليش شلون تشردين ما تدرين اخاف عليچ الهوا الطاير
غوركت عيونة وغصة اكتست صوتة المبحوح وهو يكمل مثل المجنون الفاقد عقلة :
- بلكت صارلج شي !!
بلكت أحد تعرضلج مرة ثانية ، وين انطي وجهي ساعتها قمراء شلون ينطيچ گلبچ علية هااا
كمل جملتة بصراخ وهو ينترني من ايدة واني تراجعت للخلف ابچي بصوت مسموع
حچت عمة بلقيس وهي تبچي :
- صوچي اني اني اذيتها وشردت مني
باوع العمة بصدمة وصاح :
- شسويتي القمراء عمة
كرامة : ابو جود بس كافي خزيتنة تعال للحديقة اتفاهم وياهن
اجة الرجال الچبير بالعمر وكال :
- وحد الله ابني قابل إشعليها جاهل هيَّ !
عمار : اسكت حجي واليرحم والديك الواحد حتى ببيتة صار ما يأمن
جاوبة :
-لاا كول يا اللّٰه لو خُليت قُلبت بعد اكو بالدنيا خير يا ابني وكل امورك وأحبابك بيد مالك المُلك ولا تخلي التفكير السوداوي يتعب عقلك شلون راح تكمل حياتك ؟
- بنيتي كرامة أخذي البنية فوتيها يمج شربيها مية شوف وجهة شصار بي
اخذتني كرامة جرتني للطرمة تغسل وجهي واني اشهگ بقهر اجت عمة وكفت گبالي تبچي وتحچي :
- عذريني يمة ياريت لساني انشل قبل لا اقهرج واكدرج واخليج تشردين من بيتي
تجاهلتها وعمار يطب بيناتنة ثواني يباوعلنة بغضب وراها صاح :
- عمة شمسوية القمراء
بلقيس : معليك انت ام وبنتها لا تدخل
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
