إذا حابين القصة ادعموها
بتصويتكم ع النجمة + آرائكم ع الفقرات 💚🍂
✧✧✧
✧✧✧
أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬
- قوت .. قوت .. يلا بابا تأخرنة
- اجيت اجيت
بأستعجال لميت كتبي ع السريع ولبست الجنطة وطلعتلة راح يسبيني سبي فوراً طلعت وشفتة واكف يتحرمص على نار عوجت حلگي ما عاجبني يمة عود يخاف ما يلحك يشوف طولها الحلو
قوت : بسرعة وصلني مو تأخرني تضل ساعة تبصبص وتتغامز وتتهامس وية الغندورة الزركة مالتك
علي : اهوو بدينة الواحد يصبح بابتسامة حلوة كلمة حلوة الكاچ مسويتلي ريوك معدل ، تعالي لج شو أنتِ كلشي ماكو حاطة كورج وية هالمسكينة حوراء ما عندج شغلة وعملة غيرها
قوت : اوع اوع على كيفك يابة شسالفة هيَّ منو بحالها منو مكلبها غيرك انتَ
علي : اكول يلا يلا راح نتأخر
طلع كدامي واني مشيت وراه اهز بيدي جنطتي بظهري وعيني بالكاع هادئة بشكل ما احجي وية أحد غير علاوي اخوية
علاوي اللي يمشي وعلى وجهة الشوگ واللهفة حتىٰ يشوف معشوقتة السمرة
معشوقتة للي اعتبرها
سبب تعاستي
سبب اذيتي
سبب ابشع سر بحياتي
بلعت ريكي لازمة كلبي لا يصير البالي والتقي بذاك القذر المريض ويخرب يومي من أولة بشوفة وجهة الكريه
وفعلاً صار البالي و اول ما فتنة الفرع بيتهم شفتة
المؤذي ، القذر ، الشيطان
بلعت ريكي ودنكت راسي وعلى كلبي استقر جبل من الهم ضلينة نمشي ناحيتة لحد ما وصلنة وگلبي احسة عطب من القهر والغيظ
عماد: يا هلا صباح الخير شباب
جاوبة علي بإبتسامة :
- صباح النور ابو حوراء شلونك انشاللّٰه بخير
باوعلي يبتسم بمكر وجاوب :
- من شفتكم صرت بخير
لعبت نفسي حرفياً لعبت نفسي لدرجة اجة ببالي راح اتقيأ لكن أفكاري انبترت واني اشوف الطلة البهية ، الغندورة الزركة طلعت مبتسمة بلهفة
باوعتلنة بفرح وكالت :
- صباح الخير شلونكم شباب
جاوبها علي مبتسم :
- هلا حوري شلونج انشاللّٰه بخير
جاوبتة بحماس وكأنها راح تطير طير :
- بخير لمن شفتكم
ضليت اخزر بيها تباوع العلاوي مبتسمة وما مسوية حساب للطرن الواكف يمها
عماد : علاوي دير بالك ع البنات يلا اني رايح
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
