أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬
" قمراء"
خيال بمكبرة
تخوفني وامشي وياك
✧✧✧
صياح عمي ملة الشارع كمز مهند بفزع من فراشة و راح يشوف شكو وانه ضليت كارصة بفراشي خايفة اطلع
صوت هوسة زلم وصياح وعياط علية
مهند يصيح ويفشر
ما احس إلا علية طبت للغرفة تلطم وتصرخ رعبتني
علية: يبوو يبوووو عليج يگُمرة هجمتي بيتي صار عندج رجال ومحد صار يحاجيج هاي أول ساعتين انكلبت الأمة كلاب شنو عبالج اسكتلج واسكت الرجلج هذا عايشلي اللحظة ومتخيل نفسة العكيد ابو شهاب شواربة وهو وشايل خشمة على اخوتي ووكعلهم دك غلط وفشار لج انة تسوين بية هيج يگُمرة بسيطة بسيطة انه الج إن ما طلعتها من عيونج فلا اتسمى علية
كمزت من مكانها لمن مهند ركع الباب بالحايط وفات للغرفة عاط بيها :
- لج هاي تتحلفين بمنو بت الكلب انتو فلا تنجرعون وحقها تشرد منكم اجيت وياكم بالمعروف وكلت اسوي براسكم خير وانطيكم شهرية على شنو متعب نفسي هسة اخذها واروح البيتي وانعل ابو اليفتح حلكة
فوراً نائل صاح :
- لا دخيلك معليك بيها هاي دواها عندي هسة كدامك اصالحهن يابة هِنَّ علاقتهن زينة وحلوة أصلاً ، هسة ما ادري شجاهن... علية شبيج صلي ع النبي ما صدكنة البت تقنع وترضىٰ
علية: على حساب كرامتي ؟
نائل: انعل ابوج لابو كرامتج هاي منو علمج ع الكرامة علية تعتذرين من البت خيرٌ على خير ما تعتذرين ذولاك اخوتج بباب الحوش اللّٰه ومحمد وعلي وياج
علية: هيج صارت ينايل كلة علمود الفلوس بعتني
نائل: ابيعج وابيع بنتي المرة اللي تخرب على رجلها ما تلزمني
عافتة وطلعت لاخوتها زعلانة وهو طلع وراها ما ادري شيسوي
سد الباب مهند وهو يغلط ويفشر عليهم
اجة كعد يمي وكال :
- اخذج منا شو هاي تخوف ما ارتاحيتلها شو احسها اندقت منج
قمراء : هُمَّ كلهم هيج يخوفون عايشة وية ذيابة
تجاهل كلامي ومد ايدة بجيبة طلع فلوس ومدها ناحيتي
مهند : باجر عندي دوام اطلع من الصبح خلي هاي الــ ٥٠ الف بيدج ومن ارجع انطيج بعد ونشوفلنة حل وية هاي العكربة
ارتبكت من شفت الفلوس حسيتهن كلش هواي
جاوبتة برفض :
- لا ما اريد اخذهن خاف تحتاجهن انه ما احتاجهن
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
