1 / 8 / 2024
Instagram: zhra__v0
البارت الاخير
صوتو ع النجمة وعلقو بين الفقرات
اقروه على كيفكم وبتركيز حتى لو تطولون بي ايام
آخر شي اتركولي اثر لطيف قبل لا تغادرون مو قصة تفاعل بس احب اقرة كلامكم ❤️
احبكم وراح اشتاقلكم 🫶🏻
✧✧✧
أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬
صراخ .. عويل .. بكاء .. نحيب
كل هذا واني واكفة متجمدة بمكاني ما كادرة استوعب جملة عمار اللي تسربت من بين صراخة الباكي
جود !
جودي !
صارلة شي !
جودي معقولة مات !
اسمع عمار يبچي ويصرخ بنحيب يدمي القلب
عمار: لك بابا جودي اكعد .. اكعد حبيبي اني منو الي بعدك مو كتلك انت وليدي الوحيد
ليش تكسر گلبي بموتك بابا ليش تكسر فرحتي
كل هذا لأن تزوجت عبالك انساك عبالك اهملك عبالك أخلف غيرك واعوفك
مو وعدتك ما اسخىٰ بيك بگد شعرة قررت تعوفني قبل لا انفذ وعدي دكعد بابا اكعد والله هسة ابطل ما اتزوج جودي بس اكعد بابا اكعد گلبي لك جود لا تفرفح گلبي والله ما اتحمل
بچيت بفزع وهو يختم كلامة الأليم يفتت حتى الحجر ..
اسمع غالب يصرخ بعالي صوتة :
- لك عوفة عمار هدة خل ناخذة مستشفىٰ
وعمار يصرخ ويكلة :
- ما انطي ما انطي ياخذوه مني بعد ما يرجعوه
جمال : لك عمار هددة بعدة بي نفس لك هدة غبي خل نتلاحگلة
صراخ وعياط وعويل
النسوان طلعت تتراكض برة وتصيح
يكلولة هدة بعدة عايش وهو ما يرضى يهدة
بدون وعي مني مشيت حتى اطلع واشوف شكاعد يصير ما احس غير بسعاد تجرني وتصرخ بوجهي :
- وين طالعة قمراء اركدي هين الله يخليج وين طالعة
بچيت اكلها :
- جود بسعاد جود مات
صاحت فوراً:
- لا ما مات يكولون عايش لا تخافين بدلتج وأنتِ لا تخزينة تعالي تعالي هين حبيبتي لا تخافين
كعدتني ع الكوشة واني ابچي واشهك بفزع صاحو أخذوه للمستشفى وبسعاد عافتني وراحت
باوعتلي وحدة من خالات عمار وكالت مترهية وتهز بإيدها :
- ياا والفگر ، عمت عينك يعمار
ما اهتميت الها كل فكري يم جودي صرت ابچي وارجف برعب خاف صارلة شي خاف فعلاً مات
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
