أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬
" قمراء "
عشت وردة بحديقة ناس عميان 💔🥀
✧✧✧
بهدوء فتحت عيوني اباوع للسقف الأبيض المُلطخ بالبُقع السوداء ما اعرف ليش وكتها شفت روحي بي حسيتني نفسة بيضة صافية لكن مُلطخة بسوادهم القذر
بلعت ريگي بخوف وانه استوعب وجودي بغرفتنة انه ومريم
جوة السكف اللي انتهكت جواه بدون رحمة ولا ذرة شفقة واهلي برة منتظرين يقبضون فلوس عذريتي ، الفلوس المُلثمة بدمي اللي انسفك غدر وظلم وحرام
اسمع صوت غريب رجولي انتشلني من افكاري :
- ابو مريم شخبارها البنية كعدت ؟
نائل: كعدت كعدت رحم اللّٰه والديك هاي هيَّ مثل الصل
تقرب رجال فوك راسي ضخم شبه اكرع شعر خفيف براسة بس أجرة يصير اصلع تماماً وشاربة اضخم من حياتي
- ها شلونج بعد اخوج زينة
بخمول وتعب هزيتلة راسي بمعنىٰ " نعم " وانه احس بالجحيم حارك كل شبر بجسمي وروحي
- ها زينة لو زوينة ؟
- زينة
- انشاللّٰه دومج زينة..
سكت شوية يتفحص وجهي بعيونة وكمل :
- ليش جنتي شاردة من بيت عمج هاي عملة تعملها بنية مؤدبة بت عالم وناس !
باوعتلةبهدوء ثواني ومن بعدها احتدت ملامحي بقوة وانه احس بجرأة ، جرأة عجيبة ما ادري منين اجتني. :
- لا طبعاً اكيد عدها سبب قوي دفعها تسوي هالشي
نائل: لا اله إلا اللّٰه
باوعلة بحدة ورد :
- محمد رسول اللّٰه شمسوين للبت ؟
نائل : كثر خيرك جبتها ووصلتها بعد اخيك لا تاخذ ميانة زايد
عاط بي :
- احجي عدل لك لا افرك حلكك مثل ما جبتها آخذها البنية ليش شاردة بنص هالليل
باوعتلة بشكوىٰ وبدون سابق إنذار كلت :
-شردت لأن فوت واحد علية
فوراً فتحو عيونهم متفاجئين من حجايتي وانه بسرعة كملت :
- بدون ذرة غيرة على هالفراش الكدامك سلمني بحلك الجلابة تنهش بلحمي واخذ فلوسة مكيف ولا همة شي
صافن علية بنظرات ما تتفسر صافن علية صفنة غريبة عجيبة وهو يتفحص كل انش بية
كملت بتوسل باكي :
- دخيلك ساعدني خلصني عمو انه اريد اعيش بشرف ما اريد اصير مو خوش هُمَّ جبروني انه ما اريد خدروني وباعوني الصاحبهم القذر اللّٰه يخليك خلصني احلفك بستر امك وخواتك
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
