أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬▬
" قمراء"
ضليت سهرانة الليل كلة دموعي ما وگفن وگلبي مرتمي يصارع وحدة ببحر الخوف منتظر الإيد اللي تنمد وتنتشلة من هالقاع المظلم
الشارع هدأ وأُم حنين برة تباوع من الباب زوجها ما يرضىٰ تطلع
لحد ما اجتني تركض وتصيح :
- اجة اجة خطيبج اجة
باوعتلها بلهفة وصحت :
- صدك اجة شفتيه شفتي شكلة ؟
أُم حنين: ضعيف وطويل هيبة ، واسمراني
هزيت راسي بمعنىٰ " نعم " وانه اباوع بلهفة وكلبي يدك سريع
كملت هيَّ :
- شعرة اسود وعندة شارب وشكلة عادي
هزيت راسي واكلها :
- اي اي هو
كمت اريد اطلع ما حسيت غير جرتني وصاحت :
- شو دكعدي لا تخزين زلمتج بين الزلم هسة هو يجيج
قمراء : لا لا مو ما يعرف انه يمكم
أُم حنين: هو شنو ما يعرف هسة ابو حنين يكلة كعدي كعدي هسة هو يجيج
كعدت وانه افرك ايدي بقلق ودموعي رجعت تنزل بهدوء حيل خايفة ومرتبكة
أُم حنين : ما ودوه مستشفى بس جابولة مضمد والناس تحچي عليچ كالو عرمة ووكحة شهالجرأة صدك جذب وين عايشين صارت البنات وكحة ما تنلزم تمد أيدها وتضرب وسچاچين صارت تشيل
امسح بدموعي وابلع بحچيها شكد حچت شكد لامتني واستحقرتني وابد ما سألتني شنو السبب بس عرفت تلومني وبس
اندك الباب فزيت واكفة وهيَّ راحت تفتحة
ركضت حنين تباوع من البردة :
- هذا خطيبج اجة .. امشن نفوت للغرفة امشن
اخذت خواتها وراحن
اول ما طب باوعلي بخوف ولهفة بسرعة طگيت بچي وانه امشي ناحيتة اباوعلة بشكوىٰ :
- عمار
اول ما وصلتلة حاوط وجهي بچفوف ايدة يباوعلي بحنان وخوف وكال :
- قمراء
صحيح قمراء تعاركتي وية عمج لأن جبرج علية
قمراء : شنو
عمار : يكول صارلها ايام تغلط وتجاوز لأن جبرناها عليك ما تريدك
هزيت راسي برفض وصحت :
- لا والقرآن لا هو يريد الشقة
عمار : يا شقة
قمراء : السجلتها بإسمي حط عينة عليها يريدني أسجلها بأسمة وكتلني وسب أبوية وأُمي وطعن بشرف أُمي هاك شوف وجهي شلون مورم من وراه وراسي يأذيني كومة اذآني كومة
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
