أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬
قمراء
محد يحترك گلبة علية
ويمد ايدة ويطفي النار بية
إذا البيتي ضدي شحال جاري
يذب فوگي حطب وتزيد ناري
°°°
- قمراء قمراء كعدي يلا وصلنة
فتحت عيوني بالسيارة اباوع من الشباك وصلنة للبيت
نزلت وفتت جوة البيت چان البيت هادئ رحت للغرفة اريد افتح الباب ما ينفتح
بسرعة فهمت شكاعد يصير بلعت ريكي وابتعدت عن الباب صافنة ومصدومة بروحي
ليش ما كاعد احس بأي شعور وكأن گلبي تجرد من الإحساس
مو جان كلبي محروك
وين راحت حرگتة ؟
مو علساس احبة !
ليش هيج ما مهتمة !
طلعني من صفتي لمن انفتح الباب اباوعلة
يباوع بوجهي بنظرات فارغة ومريم وراه الفرحة تشع من وجهة هه هاي صدك تحجي !
علية : گليليليليليليليش .. صلاوات صلاوات على محمد واللّٰه زرت ودعيتلكم ربي يترس حضنكم جهال
كتمت ضحكتي ع الكاعد اشوفة تذكرت المقطع مال مسرحية من يكول ايه ده ايه ده ايه المجتمع ده
مهند : ليش تضحكين
ابتسمتلة وحجيت بأستهزاء :
- مبروك زوج بت عمي
شو هذا انعقج وجهة كوة كتمت ضحكتي الغبي شنو متخيل اكعد اباوع الهم ودموعي على خدي
شو ما احس بشي خاف مصدومة خاف تخبلت شو حتى كمت اشك بنفسي
عفتهم فتت جوة اباوع الفراشهم بقرف طلعلتي هدوم ورحت اغسل
كملت وطلعت من الحمام وعلية تسوي بتيتة وچاي بسرعة هجمت ع الأكل اكل بشراهة روحي صارت بالبتيتة
علية : صحة يوم الافرح بيج نفس ما فرحت بمريم
ابتسمت باستهزاء وكملت اكل
قمراء : اكلج عمة
علية: ها
قمراء : هذا نسيبج الگعيدي شنو فلمة شو لاطش هنا غير ياخذ مرتة ويروح هسة وين انطي وجهي بيتكم چنة گن دجاج وين انام ما تكليلي
علية : راح تنامين يمي ونايل بالهول لبين ما نشوفلج واحد لاخ
بسرعة توقفت عن الأكل واللگمة اللي كنت علىٰ وشك ابلعها تحجرت ما بين حلگي وبلعومي
حجايتها مردت كلبي مرد شنو انه هيج رخيصة من واحد الواحد
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
