أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬
قوت
انخبصنة خبص بقمراء شلناها شيول اني وخالتي ومينار ، وغالب فوك راسنة يريد يخلص عليها ومستمر يباوعلها بحقد
خليناها على چرباية مينار وگعدنة نضرب بوجهة على كيفنة حتىٰ تكعد بس ما تستجيب
گمت ارجف رجف عليها حيل خفت هاي شصاير وياها
جديات لحد هسة ما گادرة افهم شصاير وياها
وذاك الكلب شرد بس اجة يشهر بيها يم عيالها وراح وغالب گام يشيل بروحة ويرگعها فقد بس يفشر عليها وعليهم
وعمو لطيف كدر يصرف علي بطريقتة وفهمة إن هذا ابن عمها ويريدها من زمان وجاي هسة يهوبز
خالتي راحت جابت مي ورشت على وجهة كلساع نرشرش ونضرب بيها لحد ما فزت من نوبة إغمائها وهيَّ تشهگ بخوف وضعها يبچي الحجر تمنيت اضمها بنص روحي منهم حسيتها مظلومة ومتأذية خصوصاً بهيچ عمر شلون تگدر تواجه كل هالوحوش وحدها !
ثواني تباوعلنة بخوف وطگت بچي
فوراً برطمت ما تحملت واخذتها بحضني اطبطب عليها وغالب أجاها يرعد فوك راسها
غالب : تعالي تعالي هسسة تحچيلي كلشي بدون ما تنقصيين حرف لج متزوجة طلعتي متزوجة كليلي عمار يدري لا خبلتوني وحق اللّٰه
بسرعة عتها من حضني وعاط بيها :
- متزوجتة الهذا الناقص وحبلانة منة احجي
وهيَّ تبچي وتشهگ كأنها راح تموت :
- لا لا والعباس ما متزوجتة واللّٰه هو ضحك علية
گز سنونة بحقد وهمس بحدة :
- شلون ضحك عليج شلون احجي
طب عمو لطيف وصاح بي :
- غالب عوفها
هز راسة برفض وصاح :
- لا لا ما اعوفها خل تحجيلي كلشي يلا يلا احجي
قوت : غالب هدها راح تموت بيدك باوعلها شلون مرعوبة هدها
غالب : احچي قمراء احچي شصاير وياچ يلا لا تچذبين من مصلحتچ ما تچذبين
بسرعة صحت واني احاول افكها من ايدة :
-وخر وخر خل تهدأ وتحچيلنة كلشي بهدوء وخر عنها راح تخلبها
نترها من ايدة بعنف وضل يروح ويجي بالغرفة واگف على نار حتىٰ يفهم سالفتها
شربتها مي شربت وهيَّ تبچي وترجف بيدي وغسلتلها وجهة
خالتي ومينار واگفات بصدمة يتفرجن ينتظرنها تحچي حتى يفهمن
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
