أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬▬
" عمار "
وكنت أُطعمهُ قمحَ فؤادي براحتي
عجباً كيف باتَ يُرضيهِ فُتات الطريق
محمود درويش ✨
▬▬▬▬
انفاس مضطربة
دقات قلب عنيفة تُكاد تخترق الأُذن
تعرق
خوف
اختناق
حمامة معلگة بالسگف مذبوحة وتنقط علية بدمها المسفوك وجهي انترس دم انفاسي وصل صوتها السابع سما اضطراب گلبي .. تشنج جسدي .. خوفي وفزعي .. اريد اتحرك ما اكدر
ثواني .. فقط ثواني
وما احس غير بالحمامة توكع على وجهي فزعتني بقوة خلتني اعيط واني اطفر من فراشي بكل حيلي عبالك وحش هجم علية
ما وعيت غير على عيطة قوت :
- يمة يمة قمراء اسم اللّٰه اسم اللّٰه
اباوعلها والهث بقوة انتبهت النفسي طافرة من الچرباية للكاع وقوت تباوعلي بصدمة
قوت : شبيج اسم اللّٰه شنو شفتي كابوس
بلعت ريگي واني احس بجفاف قوي بحلگي مسحت العرق من على وجهي واني احچي بروح رايحة :
- اي حمامة حمامة وكعت علية معلكة ع السگف
قوت : اسم اللّٰه حبيبتي تعوذي من الشيطان وكومي غسلي سويت كيكة فد شوية يأذن المغرب
كمت من مكاني طلعت ملابس ورحت سبحت جسمي يرجف من الخوف هو مجرد حلم بس لساعتة مأثر بية
طلعت من الحمام قبل لا تغورب ابتسمت براحة واني اسمع القرآن خالة مطلعة قناة كربلاء متعودين على اجوائها قبل المغربية كعدت وكابلت التلفزيون دقائق قليلة وانتهىٰ القرآن وبدة الصوت الأحبةصاحب التوجيهات الدينية يصدح بالبيت وبكل بيت عراقي بهيچ وقت
- بسم الله الرحمن الرحيم التوجيهات الدينية من العتبيتين الحسينيتين
بدة بالأحاديث الدينية عن أهل البيت عليهم السلام وعن فضل إحياء ليلة الجمعة وفضل الصلاة على النبي كمل كلامة ورفعت ايدي وياه أردد الدعاء وراه
إلٰهنا بوجهك الكريم .. يا اللّٰه
وبمولانا الحُسين الوجيه .. يا اللّٰه
وجدهِ وأخيه .. يا اللّٰه
وأُمهِ وأبيه .. يا اللّٰه
وبالتسعة المعصومين من ذريته وبنيه .. يا اللّٰه
وبأخيهِ أبا الفضل العباس قمر العشيرة .. يا اللّٰه
وبزينب الكُبرى العقيلة يا اللّٰه .. يا اللّٰه
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
