أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬▬
4 : 45 فجراً
اللّٰه اكبر اللّٰه اكبر
اللّٰه اكبر اللّٰه اكبر
اشهدُ انَّ لا الٰه إلا اللّٰه
اشهدُ انَّ لا الٰه إلا اللّٰه
فتحت عيوني بخمول على صوت الأذان يصدح قريب من جامع منطقتنة كمت بتعب وخمول اجرجر روحي حتىٰ اتوضىٰ واصلي
صحصحت سُرعان ما برودة الماء ضربت سخونة بشرتي القمحية ،، فرشت سجادتي بهدوء وصليت بكل خشوع وحدي به الوقت هذا ببين ايدين عظمة الخالق
اعشق شي اسمة صلاة ارتاح بيها بشكل اول ما يأذن اعوف كلشي واهرع عليها واني استذكر قول النبي لمّا كان قلبة يتعب ويتعطش للصلاة يصيح " أرحنا بها يا بلال "
حتىٰ من بعدها بلال رضيَّ اللّٰه عنه يكوم يأذن والنبي يصلي
كملت صلاتي واني اكوم احضر الريوك وافتح الشباك ونسمات الهوا الباردة تداعب شعري وبشرتي واني اغمض عيوني بأستمتاع
كملت الريوك وفتت على ابوية لگيتة يسبح بمكانة رحتلة وغسلتلة وجهة اللي تعبة وانهكة الزمن ، والتجاعيد تحتل مكانها علىٰ وجهة المحبوب
كرامة : شلونك اليوم يابة راح الوجع من جسمك ؟
ابو كرامة : لا الحمدللّٰه احسن لا تشيلين هم يلا وكليني واتوكلي على اللّٰه وإذا احتاج شي ادزلج هالأرنوب هذا
ابتسمت بحب واني أوجه انظاري الحبيب روحي " سيف " ابني اللي عمرة ٤ سنين تقربت ابوس بي واشمة وهو يبتسم ويرجع ينام ما يرضىٰ يكعد
كرامة : ها ولك ارنوب ما تكعد تساعدني بالشغل
سيف : امم شوية واجي اساعدج بس شوية شوية ماما
ضحكت واني ابوسة بوسة قوية وابتعد عنة اساعد ابوية بالاكل وآكل وياه كملنة وعزلت البيت وعفت بطل المي يم ابوية وطلعت واني افتح محل الغذائية مالتنة واني اكول :
- اصبحنا واصبح المُلك للّٰه
بدت طلاب المدارس تجي تشتري مني واني اضحك واشاقي بيهم وهُمَّ يحبوني احسهم اصدقائي كل يوم الصبح يجون يشترون مني
وگع گلبي بنار الغصة والخوف واني اشوف ابو احد من الطلاب زلغني تزلغ بعيونة النجسة دنگت راسي متجاهلتة واني گوة علىٰ اعصابي متحملة لحد ما اخذ ابنة وطلع
رحت اباوع على نفسي من مرآية الثلاجة صحيح اني تارسة وسمينة بس كلش حريصة ما ابين معالم جسمي لابسة عباية كتف اكبر من جسمي بمرتين ولافة الشال الاسود على راسي بكل دقة ووجهي ما بي قطرة مكياج بعد علىٰ شنو يباوع هالخسيس ! تعبت حيل تعبت
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
