أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬
اباوعلة مستغربة جان منهار تماماً ما ادري شبي
هو مو استقتل علية
چا ليش غير فجأة .. حسيت گلبي وجعني من حچاياتة ما ادري ليش
قمراء : ليش هيج تحجي علىٰ نفسك عمار قابل شبيك انتَّ
نتر بقهر وعصبية فاقد كُل اعصابة بصوت عالي :
- بلا إحساس ولا ذمة ولا ضمير حطيت عيني عليج بعدج هلگدوتچ اخذتچ غصباً عنچ وبكل دنائة هسة اتقربلچ اطالبچ بشي اكبر من عمرچ ما انسىٰ بچيچ ورجيفچ ببين ايدي باعي شصاير بوجهچ من الخوف والقهر دمرتج اني دمرتج
ضليت اباوعلة منهار تماماً
وانه گلبي احسة وجعني شنو يعني متندم تزوجني !
قمراء: شنو يعني هسة ليش تتندم مو علساس تحبني وين راح حبك هسة شنو تريد تعوفني تندمت وتريد تعوفني
نهيت كلامي وآخر كلمتين خرجن مع غصة خرجت من صميم قلبي مكونة لحن حزين يُدل علىٰ شعوري بالألم والخذلان من كلامة
رجع نتر بأعصاب مكبوتة :
- مستحيل اعوفچ
قمراء: چا شبيك خبلتني
صرخ بوجهي :
- شفتي نفسچ وأنتِ بحضني ؟
إلا شوية تموتين كلة بسببي كلة المفروض اسمع الغالب وما آخذ وحدة صغيرة لچ جريمة سويت جريمة ومو حاس علىٰ روحي عبالك چنت متخدر
تخبلت من حچية عيوني غورگت
حسيت نفسي حبيت حنانة واهتمامة وحبة وما اريد كل هذا يخلص ما فكرت بمنطقية كلامة الصائب بدون تفكير طگيت بچي ميتة خوف
قمراء : ايا چذاب مسوي روحك تحبني باع شلون ندمان لأن اخذتني وانه العبالي صدك تحبني
عمار : أنتِ ثولة منو كال ما احبج ! دة اكلج ندمان تزوجتج بس مو معناتة ما احبج
قمراء : ما جاي افهمك فهمني
هدأت ملامحة ومسح على وجهة ما حسيت غير يتقرب مني وحضني من چتفي يباوع بعيوني :
- احبج اي بس اتزوجج لا بعدج صغيرة هذا الجسم الحلو المفروض يتغذىٰ وينضج ويكتمل اكثر واكثر بعد ، ونضوجة المبكر هذا مو مبرر كافي حتىٰ تزوجين گُمراتي
حط ايدة على عقلي وكمل :
- وهذا العقل الحلو المفروض ما ينشغل بشي غير الدراسة والأشياء الحلوة المفيدة المفروض تعيشين عمرج حالج حال البنات مو يجيج واحد بگد ابوج يتزوجج ويطالبج بأمور أكبر منج ويكرس حياتج الة والأطفالة ويخرب جسمج بالحمل والطلگ الهرمونات والآثار الجانبية الممكن تصيرلج بعدين
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
