أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬▬
" قمراء"
انه خايف منك وخايف عليك
خاف أكلك روح تفهمني غلط
دورتلك حل وسط حتى استراح
وما لگيت الروحي گبلك حل وسط
يا نقاط تريد احطها على الحروف
هيَّ نص حروفنة بلاية نقاط
✧✧✧
دخلت الطرمة البيت امشي بتوتر
وصلت الباب الكليدور جريت نفس عميق ودخلت
اول ما فتت للهول شفت مرة چبيرة يطلع عمرها بالأربعينيات شافتني فكت عينها بصدمة وشهگت بوجهي وگالت :
- يمة أنتِ بت من ؟
گلبي وجعني من شهگتها تذكرت دائماً علية تشهگها بوجهي خوفتني شهگة حسد هايَّ
قمراء : امم خالة انه صديقة حفصة
جاوبت:
- هاا، اني مرت ابن خال ابوها
دخت من وصفها وجاوبتها :
- گليلها انه اجيت
راحت ناحيتها ، اباوع الحفصة لابسة بدلة ماروني نازكة ومنزلة شعرها بتسريحة بسيطة بس حلوة طالعة مثل الأميرات
حچت وياها ورأساً حفصة باوعتلي بأبتسامة واشرتلي اجيها رحت يمها امشي بخجل
اول ما وصلت جرتني يمها اكلتني اكل بالسلام وانه انخلست خلس ما ادري شبية كلها تباوعلنة
صرت ادور بعيوني على أهل عمار يا هنَّ بيهن
حچت المرة :
- بت من هاي حفصة
حفصة : صديقتي بغير منطقة ما تعرفيها
جاوبت :
- اي من يا عمام نعرفهم يعرفونة
حفصة : شسمة شذرة مسيحية
باوعتلها بصدمة سوتني مسيحية وهيَّ تغمزلي
صاحت حفصة :
- تعالي مينار تعالي اعرفچ على صويحبتي الصغيرة
اجت مينار اباوعلها كلش حلوة ونازكة لابسة فستان اوف وايت طويل والمكياج يجنن والشعر الاسود يخبل ما تشبه عمار وغالب ابد
ابتسمتلي بلطافة وكالت :
- هلو حبيبتي
ابتسمتلها وجاوبت :
- هلو بيج
حفصة : هاي صديقتي شذرة ما تعرفيها وحدة من اخوانة المسيح
مينار : اطرب ع المسيح هههههههه
حفصة : احسن ناس
مينار : اموت عليهم .. يلا تعالي نزعي جبتچ وانطينياها
همستلي حفصة :
- يلا كومي كومي وية حماتچ ههههههه
كمت بهدوء رحنة الغرفة شكم مرة كاعدة بيها يبچن بوجه اللّٰه وحدة تشكي للثانية ضيم گلبها ولا چنهن جايات حنة عروس
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
