أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬
" قوت "
گاعدة بهدوء ابتسامتي شاگة حلگي استمع لمداهر عمتي صافية وعمار كلساع واحد ذاب حچاية للثاني چنهم رويسية
عمار : اييي ومن مات الاخير شلون تخطيتي ؟
صافية بحسرة :
- ايييه شسوي شبيدي غير الصبر هاي انة صبرت وضليت على هالولد والبت الحمدللّٰه هاي هسة صارت دغتورة دغتورة
عمار : خاب دسكتي منيلها دغتورة لا احد يسمعج ويصدك كلها خلك ممرضة
صافية : چا هيَّ الممرضة موش دغتورة
عمار : لا وين هاي لا شغلة ولا عملة تضل تجدي فلوس من الرايح والجاي بقاشيش لو تضل بالبيت اشرفلها
ضفاف : يااا واللّٰه ما جدي عيني اني بت خير والممرضة وجودها مهم لعد منو غير الممرضة شايل المرضىٰ وترة مو بسهولة تجي انكسر ظهري يلا طلعلي تمريض
عمار : عيني هسة اني ارجع قمراء للدراسة واخليها تكمل ..
كمل كلامة وهو يقلد الحجية :
- وتصير دغتورة
اجت قمراء شايلة صينية الچاي وهو شافها وية كل خطوة تخطيها يدندن إلها:
- هلا هلا هلا .. هلا بالساكن بدلالي
صافية : نعالي احسن
اجت قمراء مبتسمة وگعدت يمة تصب بالچاي وهو يتغزل :
- هلا بملذات گلبي هلا بالمفرهد أحوالي هلا بعزيزة روحي جعل محد غيرچ تصب چاي يرحولچ فدوة صافية وزلمها
ضحكت قمراء بدلع وعمتي انفتحت :
- طيح اللّٰه حظك ابو العرك ابو النسوان تروحلي فدوة أنتَّ وهالصفيرة چنها جربوع
ما جاوبها عمار وضل يباوع القمراء عبالك ولا يمة
صفگت بإديها وغمتهم وباوعت الخالة فاطمة :
- غمي حظج يفاطمة هاي تاليها صارت المرة الكل بالكل يا من تعب يا من شگة يا من علىٰ الحاضر لگة
جاوبتها خالتي بحسرة زفرتها بقهر بدون ما تفتح حلگها بحرف
وقمراء وعمار بلا إحساس ولا يمهم واحد يباوع للاخ وقمراء تدلع بنظراتها وتتعيقل وذاك مگزگز دايخ بيها .. كملت صب الچاي وحطت الاستكاين گبالهن
قمراء : تفضلي يمة .. تفضلي حجية الف عافية مطرح ما يسري يمري
الحجية عوجت حلگها وخالتي اخذت تشرب بالچاي على اعصابها كلساع تشيلة تشربلها شوية وترد تهطرة بقوة بالماعون إلا شوية يتكسرن
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
