أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬▬
مينار
بهدوء فكيت عيوني روحي رايحة احس بخمول مو طبيعي ثواني وبدت الرؤية تتوضح عندي ، چنت بغرفتي على سريري ومحد يمي
كمت بهدوء احاول اقوي بنفسي نزلت رجلي وعدلت شعري لحظة هاي شنو اووه شالي منزوع وهدومي متبدلة
بلعت ريكي وطلعت شفتة كاعد بالصالة يشرب نركيلة ومطلعلي فلم مصري قديم مندمج ولا يمة
مينار : شنو هالبرود مساعة كلبت الدنيا وهسة عادي ولا يمك ساعة الساعة انت بيك انفصام
زفر نفس من النركيلة وكال :
- راح اجي اشك حلكچ
عطت بي :
- جرب حتى ايدك اكسرها ،، شنو سالفتك انتَّ عود صدك مدمن
رد ببرود :
- اي
مينار : انت مو كلت بطلت
باوعلي وكال :
- اخوچ شكلچ ؟
مينار : گلي انت مدمن وحتى بالعرس ذبلك حچاية
كرم : امم وأنتِ تصدكيني لو تصدكين اخوج
فتحت ثغري بصدمة من كلامة وكلت :
- اني صدكتك الك
قوس شفايفة بعدم مبالاة وكال :
- بكيفچ
گالها ورجع يجرلة نفس عميق من النركيلة بدون مبالاة
قوست شفايفي بقهر وكلبي احسة فرفح هذا صدك يحچي يعني شنو
يعني اني عايشة وية رجال مدمن
ضايع
عديم مسؤولية
كذاب !!
رحت كعدت بصفة وكلت :
- اكيد انت دة تضحك علية
باوعلي وكال :
- باوعي الوجهي وجه انسان طبيعي تعبي هالاتي عيوني تحسيهن طبيعيات
غوركت عيوني وهزيتلة راسي بمعنى " لا "
كرم : يعني لا صدكتي اخوج ولا صدكتي عيونج صدكيتيني اني وبس مو مشكلتي مينا
اخذ ايدي وباسها :
- أنتِ تحبيني اختاريتيني رغم كلشي ما تصورين هالشي شكد يعنيلي احبچ كومة اني احبج أكثر من ما تحبيني ،، بسس نزلي الطفل خطية شنو ذنبة يعيش وية أب وأُم ما بيهم حظ نزلي وعود بعد منا لشكم سنة اللّٰه كريم يجوز كلشي يتغير
نزلن دموعي وحچيت بحرگة :
- ليش مو هسة ليش مو هسة هذا البطني شنو مو قطعة مني ومنك مو هم روح .. ما تتغير الخاطري اني بطل علمودي اني منو الي غيرك حاربت الدنيا كلها واجيت وياك ليش هيج ليش
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
