أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬▬
لطالما يكون الإنسان منغمس بملذاتة وافكارة ورغباتة الديكتاتورية الغير قابلة للنقاش لا يسمع من هذا ولا من ذاك حالة كحال الصم البكم العمي فهم لا يعقلون
لطالما الإنسان يكون ظالمٍ لنفسه ارادتة فوك كلشي فوك الصح والغلط فوك الحلال والحرام عقلة مُسخر لاهوائة المريضة ،، عقلة ما يسمع أحد مهما كان الكلام صح او منطقي لكن إرادتة المريضة فوك كلشي إرادتة ما تريد تسمع ولا تعي اي كلام غير اللي هيَّ ترغبلة لذلك يضل الإنسان منغمس بقاع اهوائة المريضة غافل عن الصواب ساد اذانه عن اي شي يخالف رغباتة لحد ما ينضرب ضربة قوية على راسة تفزعة من غفلتة توعيه على زمانة وتكلة اصحىٰ .. بالنهاية ما يصح إلا الصحيح
اصحىٰ .. إن اللّٰه حق
اصحىٰ .. انتَّ بأي حلم كُنت !
اصحىٰ .. برأيك الموضوع يستحق كل هذا الگاعد تسويه !!
هذا اللي صار وياية واني اسمع الدكتور واكف كبالنة وعلى ملامحة انخطت معالم الاسف وهو يكول :
- البقاء للّٰه بنتكم راحت طيرة من طيور الجنة
ضليت باهتة طاقتي مُنخمدة عن أي ردة فعل وعقلي وحواسي تخدرت ما حاسة بشي غير بقطرات الماي اللي تلسع بخدي مثل لسعات النار وانفاسي الساخنة كأنها زفير من بركان اتفجر بالنيران
ودقات قلبي اللي صارت تعزف عزف صارخ داخل أضلاع صدري تُعلن الحداد على طفلتي المظلومة
نعم مظلومة ،، لطالما كانت مظلومة واحنة نمارس رغباتنة الجسدية غير مهتمين لنطفة بريئة ممكن تنغرس وتكبر وتتكون لأب وأم ظالمين نفسنة غير مؤهلين حتىٰ للزواج لأن الأُم وحدة طايشة لئيمة والأب حقير عديم الغيرة كل همة جرعات السموم اليتعاطاها
لطالما كانت مظلومة واحنة اول ما سمعنة بوجود هالنطفة الأب اعترض واتبطر والأُم ما زالت مصرة على طيشها واستهتارها
لطالما كانت مظلومة واني لمجرد سماعي ببين احشائي أُنثى اجهشت بالعويل والبكاء متذمرة اريد ولد شسوي بالبنية بدون سبب يسوىٰ
لطالما كانت مظلومة وهيَّ انولدت لأم أنانية عبدة لمشاعرها تجاه ذكر وضيع ما يسوة ذرة غبار .. لطالما كانت مظلومة وأُمها تشمرها علىٰ أهلها وتركض لاهثة على ذاك الذكر وتركن طفلتها برف ثانوي متجرد من الأولوية
لطالما هالطفلة مظلومة وهيَّ تمتلك أُم بساعة العصبية تصرخ بوجهة بلا رحمة واحياناً تضربها بدون سبب يستحق مُتناسية إنها طفلة صغيرة غير محاسبة علىٰ اي فعل يبدر منها
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
