عمي شنو خجلتوني هاي بارت مبكر لعيونكم
اني لاحظت من اشوف صديقاتي مشغولات كلش يخرب واهسي فأعذروني 🥺❤️
البارت صعب المفروض البارت القادم ينزل الخميس لكن في حال شفت تفاعل ناري علىٰ هذا البارت راح انزلة بأسرع وقت واختصر كلشي عليكم
🎀🎀🎀
أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬▬
" عمار "
ولك فرگاك مو وكتة
صدمني وما استوعبتة
يشبه خبر موت القبل ساعة وياك
گد ما منصدم حسيت بي نكتة
بس انتَّ الخسارة الباقي يتعوضون
الگبلك والوراك عيوني بايعتة
▬▬▬▬▬▬
صافنة واباوعلة ودموعي تجري على خدي چان كاعد وحاني ظهرة مثل مُحارب شجاع ورجع من حربة خسران مغدور والهزيمة تمكنت منة
دموعة تيزاب وتنزل على گلبي تحرقة بلا رحمة
عمار راح وانتهىٰ ، عمار تدمر
بهدوء كام واتجه ناحيتنة يمشي بطيء إلا شوية يوكع وصل لحد يمنة وانحنىٰ كعد يم گُمرة الطافي الجروح والندوب تارسة وجهة الحلو وملابسها ممزقة وعلامات الحمار اكتست جسدها الضعيف وعينها اليمنىٰ مدماية
ما حسيت غير شالها بحضنة يمسح على شعرها ووجهة بإييد ترجف ودموعة على خدة وبهدوء ضمها الحضنة وهو يدفن راسة بشعرها ويصرخ بعلو حسة يبچي
تمنيت روحي ميتة ولا شايفة عمار وقمراء به الوضع منظرهم يبچي الصخر
وعمار مثل جبل وانسف تدمر وأنقضىٰ عليه
ضامها الحضنة كأنه آخر مرة راح يحضنها كأنه بعد ما يبعدها راح يموت وينحرم منها ،، ينحرم من خرزة روحة اللي ما لحك يشبع ولا يتهنىٰ بيها
يشهگ بحضنها مثل الجاهل خلاني انسىٰ كرم وابچي عليه ،، ضل على هالوضع دقائق طويلة وجسمة يرجف من القهر ابتعد عنها يباوع الوجهة ويمسح اثار الدم من عليه وهو ينحني يطبع قبلاتة السريعة بكل انش بوجهة بدون ما يخلي مكان ما يبوسة بوجهة الدامي الأشبه بوجه وحدة ميتة
كدام عيوني اللي ما توقفت من البچي علىٰ منظرهم الموجع
اباوعلة وهو يتنقل بسرعة بين معالم وجهة ودمها يمتزج بقبلاتة الملهوفة وبالتالي يبادل دمائها المُبعثرة بدموع عيونة الغزيرة
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
