أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬▬
عاطت خالتي بحس عالي :
- شنووو شكاعد تحجي غالب شجاب شذرة على عمار !
مسح گصتة وزفر انفاسة بتعب وكال :
- يمة يا شذرة هذا فلم مسوينة عليج هذا مزوج هالطفلة الگدامج وجابها گبالج بالحنة يجذبون عليج يكلولج هاي شذرة بس مو شذرة هاي قمراء نفسها القبل فترة إجانة من الناصرية متخبل عليها
فوراً خالة وسعت عيونها بصدمة
جن جنونها صارت ترجف رجف
إنهارت اعصابها كومة خفت عليها
اباوع القمراء حالها أتعس من خالتي تباوعلهم بخوف وغربة ورجفة تغلغلت بجسدها وهيَّ تنقل نظراتها بخوف بين الموجودين لا إرادي روحي حنت عليها واستخطيتها ما ادري ليش
عاطت خالة بصوت راجف :
- يارب يارب اني شنو سويت بحياتي وابتليت به الولد لا يحترمني لا يقدر كلمتي هاي ثاني مرة يكسرنة اخخ يا عمار اخخ يا حسافة تعبي وخوفي وحنيتي عليك من أمدة البطن النگلتك هاي تاليها يعمار هاي تاليها
حطت أيدها على وجهة وبچت بحس يوجع الگلب .. وعمو لطيف وجهة جان معصب ما نطق ولا حرف بسرعة عافنة وطلع من البيت وغالب طلع وراه لحگة
مينار : يعني انتِ جنتي تضحكين علينة بالحنة
بلعت ريگها قمراء بتوتر وكالت :
- لا حشاكم ما ضحكت عليكم ولا عمار متقصد يضحك عليكم بس راد خالة تشوفني
رفعت راسها الخالة فاكة حلگها بحيرة وخجل وخوف مقهورة عليها ما تعرف شنو تنطق وتگلها حتىٰ تهون عليها
مينار : كلش عيب عليج هيج تصرفين ويانة وتكليلي مسيحية وما اعرف شنو ما حسبتي حساب هاللحظة عبالج نضحك بوجهج وناخذج بالاحضان شكد اكره اللي يستغفل المقابل مع الأسف عليج
وجه قمراء انطعن ثواني سكتت تباوعلهن بعدين نطقت :
- انه ابد ما استغفلتكم بس لحت حفصة اجي ..
قاطعت كلامها خالة من نزلت اديها وعاطت :
- حفصة تدري !
فزت قمراء بخوف وكالت :
- اي
فاطمة : وجعي بگلبج كون انتِ بگد القندرة شگد صلفة تزوجين رجال بالسر أنتِ ما وراج أحد ما عندج رجال حوك بي غيرة يفركلج حلگج هذا بكد نعالي تتمعشگين بزلمة كد ابوج وتاخذي بالسر
قمراء
حسيت گلبي يتقطع الف قطعة وية كل كلمة تنطقها وقهرتني اكثر من گالت
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
