أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬
قوت ⚜
" لا اليأسُ ثَوبي ولا الأحزان تكسِرُني جرحي عنيدٌ بلسعِ النارِ يلتئِمُ "
▬▬▬▬
"قمراء"
فزيت على أصوات هامسة يم راسي اللي احسة دايخ ومفتر فر من الدوخة ما بية حيل أحرك حتىٰ اصبعي
مينار : شگاعد تحچين أنتِ شلون عرفتوها انخطفت
رهف : علي راجع للبيت ولاگي مرتة سابحة بدمها فوراً ركض بيها للمستشفىٰ ما اعرف شنو حالتها هسة عبالة قوت بالفاتحة ويانة مخابر عمار حتىٰ ينطيها علم بحالة مرتة وغالب وعمار عافو الفاتحة وطلعو يدورون عليها
فز گلبي وفز حيلي كلة واني أتلقىٰ هالصاعقة اللي خلتني ارتعش مثل المنتولة گمت من مكاني حچيت بصوت مطبك من النوم :
- شنو ق ق قوت ش شبيها مينار شبيها قوت
باوعتلي مينار ووجهة مطعون من الخوف والقلق :
-ماكو شي قمراء رجعي نامي
بچيت بفزع وصحت بحس خاوي :
- منو خطف قوت وحوراء شبيها
بسرعة اندفر الباب التفتت اشوف عمة بلقيس ووياها اختها إلهام لابسات اسود ويبچن
حچت عمة بلقيس :
- يلا بنات يلا بسرعة راجعين للبيت
مينار : والفاتحة عمة والخطار !
بسرعة طلعت وصاحت :
- مشكورات يدادة اللّٰه لا يفجعكم بعزيز بس ما اكدر اكمل هالعزة هذا الچادر راح يضل منصوب للزلم بس اني ما اكدر ابقىٰ هسة اجاني خبر بنات گرايبنة بين الحياة والموت ولازم نروح
كلهن گامن يواسن بيها ويهونن عليها وهيَّ دموعها تجري وتتجاوب وياهن
اجت ناحيتي تلبسني الشال وعمة إلهام لبست مينار وخالة فاطمة ما موجودة أصلاً ،، طلعن النسوان من الشقة وعمة إلهام سندت مينار وطلعتها واني سندتني عمة بلقيس قفلت باب الشقة ونزلنة واني دموعي تجري وگلبي ملتهب نار علىٰ قوت عود صدك مخطوفة ومنو اللي خطفها
اجرنة تكسي ع السريع ورجعنة للبيت أول ما فتنة وفتحت الشال طبت بسعاد تشهگ بحرگة گلب.
بسعاد : عمت عيني هاي مرت علي راحت غدت فطيسة
بلقيس : راحتلها أُم عمار للمستشفى اللّٰه يردها النة سالمة غانمة دخيلك ربي شهالمصايب هاي احير بيمن هسة اني
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
