أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬▬
كاعدة بهدوء ع القنفة جسمي يرجف
اباوع گبالي السيد دة يعقد العلي وحوراء
واثنين شباب جايين وية السيد حتى يشهدون
وعماد واگف ينتظرهم يخلصون حتى يعقد علية
روحي احسها جاي تحترگ
مستحيل مستحيل اموت نفسي ولا اقبل بي
اباوع للساعة ٨ ونص غالب وينة هسة ؟
اكيد راح الدوامة
حسيت روحي تبچي عليه تندمت الف مرة لأن طلعت بدون ما اگلة غالب إذا يدري يتخبل مستحيل يخليهم ياخذوني منة
به اللحظة غالب صار بين عيوني ما اتخيل روحي اروح الغيرة هنا اكتشفت نفسي شگد رايدتة واني أردد بداخلي بكل وجع وقهر
وينك غالب وينك اني محتاجتك يردون ياخذوني منك ياريتني ما كاسرة كلامك وباقية ببيت اهلك
كمل السيد واني إلا شوية اتخربط وحوراء ترجف رجف عبالك مجبورة
عماد : اححم يلا اجة دورنة نعقد اني وهالبنية
حوراء : امم البنية متوترة بس آخذها تغسل وجهة
باوعلي عماد بعيونة القذرة ورجع باوعلها وگال :
- اخذيها غسليلها
السيد : خاف البت مجبورة ؟
عماد : لا سيد حبيبي ما مجبورة
گامت حوراء تقدمت تجاهي ولزمت ايدي گومتني ورحنة للمطبخ تغسل بوجهي وجسمها يرجف
واني اتراجف اضعافها
حوراء: قوت آسفة والعباس ووداعت امي ما راضية عليهم صحيح احب علي واريدة بس ما ردتة به الشكل ولا به الطريقة ابوية صار ايام يجيب ويعبي براسة ما توقعت علي هيچ يطلع وترة ابوية ضغط عليه گلة حوراء صديقي يريدها إذا ما تريدها انطيها الة خبل الولد تخبل من غير الكتل اليكتلة الي حتىٰ يخلي علي ينقهر ويتزوجني حتى يخلصني منة
قوت : بس كافي حوراء راح اتخربط
ردت اوگع بس لزمتني وسندتني بقوة وتجيب بالمي وتشمر على وجهي
همست مستعجلة :
- قوت بيچ حيل تركضين
حاولت اصحصح حتى افهمها :
- وين اركض
حوراء : من باب المطبخ بسرعة كون لا يلگفوج من باب الكليدور ويحبسوچ
هيَّ كالت هيچ وعبالك انطتني حياة جديدة دبت الروح بجسمي باوعتلها بأمل
قوت : صدك حوراء واللّٰه
بهدوء عافتني وراحت تفتح سرگي باب المطبخ بهدوء على كيفها وفعلاً فتحتة وبسرعة التفتتلي
حوراء : بسرعة قوت يلا
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
