15/ 4 / 2024
✧✧✧
إن كنت أيها القارئ تتساءل ، هل هذه الرواية التي بين يديك الآن حقيقية أم خيالية
فدعني اهمس لك :
" الحقيقة خيال إن انكرتها
والخيال حقيقة إن صدقته "
مُقتبس من رواية
" من وراء حجاب "
لِمنىٰ سلامة
▬▬▬▬▬▬▬▬▬
أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬▬
بإحدى ليالي نوفمبر الباردة تجلس تلك الطفلة ذات الثلاثة عشر ربيعاً تجهش بِبُكائها المرير وكأنها ستموت إن لم تحصل على مبتغاها
تلك الحُمرة التي اكتست عيناها تكاد أن تغطي تلك السماء الصافية داخل مُقلتيها وقلبها يتقطع الماً وهيَّ تحاول مواجهة ذلك الوحش الهائج الذي لم يرحمها لمرة واحدة في حياتها
- معليية معليية معليية لييش ابطل ها ليش انه شاطرة توني ما صدكت ادخل متوسطة ليش تبطلني اشو حتى مصرف ما مكلفتك حباب عمو حباب وحق اللّٰه ما اتعبك وكلة اجيب درجات زينة وإلا اكمل واول واحد اساعدة هو انتَّ بس لا تبطلنة انه ومريم حتى إذا تري ...
قاطعني بصوتة العالي يصيح بطريقة فزعت كل خلية بجسمي وهو يكول :
- كافي كافي بسس تعبتيني من الصبح تعوين مو هاي وياج ساكتة هاا كبرتي بعد صرتي مرة بيش تفيدچ الدراسة روحي تزوجي جيبي جهال تونسي عيشي حياتچ دراستيش هاي اللي متحملة الفگر وطيحان الحظ علمودها
هدأت وتيرة بكائي شوية وجاوبتة بهدوء :
- زواجيش عمو بعدني صغيرة عمري ١٢ سنة وبنص الواحد اقبط ١٣
نائل : قمورة حبيبتي بعد كبرتي باع بُنيتچ وهيئتچ چنچ بنية شابة اللي يشوفج ينطيج عمر حوالي ١٦ سنة صرتي مرة حلوة تجيبين العين شعرج اشگر وعيونچ ملونة وملامحچ جميلة ماشاللّٰه باجر احسن قسمة تجيج وكولي نائل كال
برطمت شفتي بقهر وانه استشعر إضرام فتيلة القهر والغيظ بداخلي
اباوعلة بيأس قافل ع القضية صار شهر من بطلني وانه متأملة ارجع يومية انصب مناحة طويلة عريضة وهو قافل ترس اذني بكلامة المسموم
" ما اريدچ بيناتنة ابتليت بيچ .. تزوجي .. خلصيني من مسؤوليتج .. أنتِ عبئ علية "
مسحت دموعي احاول اساير تفكير المتخلف :
- شوف عمو عندي فكرة
كعد كبالي وجاوب :
- هممم الله يستر من افكارج كولي
جاوبت :
- خليني اكمل دراسة ومن تجيني قسمة زينة اوافق يجوز يخليني اكمل يمة ويجوز ما يرضىٰ ساعتها ابطل واگابلة يعني بالحالتين راح ارضىٰ ما خسرانين شي خليني اكمل بس
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
