إذا حابين الرواية ومستمرين بقرائتها اتمنىٰ ما تبخلون
بتصويتكم ع النجمة + آرائكم ع الفقرات
✧✧✧
✧✧✧
أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬▬
" قوت "
كاعدة اباوع ع التلفزيون مندمجة بالمسلسل الخليجي اللي احبة واحب هذا الوقت تحديداً بليل مكملة شغلي وواجباتي وحاطة الاكل كدامي ومكابلة التلفزيون وأتابع بالمسلسلات
انقطع اندماجي فجأة من سمعت صوت رسائل قاطع لحظات استمتاعي
اخذت الموبايل بهدوء اشوف منو لكيتة رقم غريب فتحت الرسائل لكيت رابط دخلت عليه فجأة طلعلي مقطع قذر اخترعت واني اشهك بسرعة سويت خروج ايدي ترجف وبطني مغصتني احس روحي راح اتقيأ
رجعت ع المحادثة انملت عيوني بالدموع واني اقرة الرسائل
- مشتاقلج
- ماخذة كل عقلي وتفكيري
- تعرفين هاللحظة شتمنى ؟
اتمناج بحضني
بدون وعي حطيت ايدي على حلكي واني ابجي بألم واحس روحي جاي تحترك وتتلوىٰ على جمر من نار وبسرعة بدون تفكير حظرتة ومسحت المحادثة
روحي اشتعلت شعل كمت غسلت وجهي وكعدت انتظر علي يرجع لازم نروح منا نرجع البغداد بعد ما كادرة اتحمل
كل يوم اشوفة
اشوف بنتة الأكرهة
اشوف عيونة اللي تباوعلي بكل قذارة
هالاشياء كلها هيَّ سبب قهري وتعاستي به المكان لازم اتخلص من هالكم المقرف اللي بحياتي
مرت ساعة استعاديت بيها زمام نفسي وكدرت اتنفس بقوة من جديد ، طب علي للبيت بسرعة بدون سابق إنذار رحت وكفت كبالة اتنفس سريع وآثار البجي على وجهي
اخترع من شاف منظري اجة ناحيتي يحچي بقلق :
- قوت شكو منو وياج
قوت : تعبت علاوي تعبت
ختمت جملتي وذبيت روحي بحضنة ابجي بقوة طلعت كل البكلبي بالبجي
حاوطني بيدة يربت على شعري بحنيتة المو عادية چنها حنية ابوية الانحرمت منها
علي : اشش منو وياج خيتي كليلي عليه كليلي وعلي إلا اطيحلج حظة
قوت : حباب علاوي خل نرجع البغداد وعلي طكت روحي هنا لعبت نفسي انت مو تكول هناك كرايبنة خل نروح يمهم احس راح ارتاح إذا رحت هناك ، ناس منة وبينة تعرفنة
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
