أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬▬
- اللّٰه مينار لچ شوفيها شحلاها بيضة حمرة چنها گمر
بلعت ريگي بتعب وجاوبتها بصوت مبحوح علىٰ وشك الاختفاء من شدة صراخي بفاتحة ابوية وبصالة الولادة
- حفصة عوفچ من جمالها گليلي منو دفع الفلوس للدكتورة والسسترات
حفصة : أُبي تكفل بكلشي خطية
مينار : شگد عيب فشلة اني محضرة فلوس الولادة بس ما كدرت اخذ كلشي يادوب دليتج على جنطة التجهيزات
حفصة : يلا بسيطة مو غريب أُبي والنعم منة عود إذا هاي رجعيهن
مينار : طبعاً ارجعهن شي اكيد بس خل اطلع
حفصة : يلا هاج رضعيها خطية خاف جاعت
مينار : ما صار ساعة من رضعتها عوفيها فد شوية ارضعها امي ما سألت علية
مينار : لا واللّٰه شتسأل عليج خطية عذريها أُمي مفجوعة بخالي اللّٰه يرحمة وين يصير بالها ما تگليلي
ثواني سكتت والغصة خانكة صدري والدموع فاضت من عيوني وبسرعة بچيت وحفصة كامت تهون وتصبر بية انوب هالطفلة هاي شنو ذنبها مو زين عليها ترضع مني واني مقهورة وشايطة روحي على فراك أبوية حيل انقهرت عليها
شوية وطب أُبي فتح عيونة بصدمة وهو يحچي بقلق :
- مينار شبيج شصاير هاي ليش تبچين ؟
حفصة : تبچي على ابوها عمت عيني
تقرب كعد ع الكرسي يباوعلي بقهر واني اشهگ بالبچي
أُبي : ذكري اللّٰه مينار كلنة على هذا الدرب هيَّ هاي سنة الحياة قوي نفسج كلها بحاجتج أُمج ، جود ، وهالطفلة هاي
هزيت راسي موافقتة واني امسح بدموعي فعلاً لازم اصير قوية واكوم على حيلي مو علمودي الخاطرهم
أُبي : اكلتي شي ؟
حفصة : كوة وكلتها شوية من الاكل الجبتة
أُبي : لا مينار لا هذا الحجي مو مقبول اكلي وتغذي حرام هالطفلة تغذيتها مرتبطة بتغذيتج ونفسيتج قوي نفسج
مينار : اي يا أُبي كاعد احاول بس شسوي مو بيدي هي دكمة قابل ادوسها واصير زينة
أُبي : لا مو دكمة بس اذكري الله حتى تهون ربج وحدة يهونها
هزيت راسي موافقة واني امسح دموعي وهو اخذها من حفصة اباوعلة يبوس ويشمشم بيها مبتسم
مينار : شتشم بيها بعدنة حتى ما مسويلها سبيحة
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
