أغلال من نار ⛓️🔥
بقلمي : زهراء الموسوي 💎
لا أُحلل نقل الرواية على اي موقع من مواقع التواصل الأجتماعي
▬▬▬▬▬▬▬▬▬▬▬▬▬▬
" قمراء" 🩵
هنَّ منين ماگلبهن كبار
عيونك والجروَح وذيچ الأسرار
غشيم اليحسَب فراگ المسافات
وجهَّ بوجهَّ چنة وگلبك اندار
وآنهَّ منين ماگلبها خسران
كواغد عدها عركة بديرة النار
✧✧✧
واگفة گبال مرآية الكنتور بغرفة عمار صافنة على فستاني الاخضر البسيط بفرح
اباوع للمكياج
اللّٰه هلگد اني حلوة ، استغفراللّٰه
ما حسيت غير بقوت تسحب خصلة من شعري وتلفها بجهاز الكاوية الويڤي
قمراء: كافي قوت كافي صار
قوت : لچ بس هالخصلة
قمراء: يلا قوت يلا هسة بسعاد ومينار رجعن من الصالون
عوجت حلگها وكالت :
- وأنتِ شدعوة هلگد فرحانة لو منچ ولا اباوع بخلقتها
قمراء : ما ميتة عليها بس هيچ ع الهوسة ههههههههههههه
ضحكت وغمتني ما نحس إلا بالباب انفتح بقوة فززنة وقاطع ضحكاتنة
اباوع العمار لابس كلة اسود عبالك عدنة عزة وجهة احمر من العصبية ويباوعلي بشر
ما احس إلا عاط بية فززني :
- شعندچ عرس فستان ومكياج وتسريحة شعدنة عرس هاا مو هاي وياچ جاية بطرك الجبة بس أنتِ بس أنتِ لاعبة بخلقتچ لعب يلا مسحي المكياج لا مسحة بنفسي
برطمت خايفة لا يمسح المكياج :
- لا عليك النبي واللّٰه هيچ عجبني اكشخ كدام الكرايب
رجع عاط :
- نعل احسن مو كرايب ،، يلا حالچ حالنة مسحي اللوصة المسويتها بوجهچ لا اجيچ
بلعت ريگي وجاوبت بعناد :
- لا لا شبيك هيچ كدام عماتك وخالاتك شبيك قابل وين رايحة
ما احس إلا طفر يريد يلزمني واني عطت مچلبة بظهر قوت وأصيح :
- لا لا عليك النبي
عمار : شالچ النبي ,, وخري من البنية
قوت : لا عمار الخاطري عوفها خطية اني ما خليها تطلع تضل مچلبة يمي على صفحة
عاط بقوة :
- اشتعلت الصفحة ولچ قمراء تمسحينة لا تنخبزين
قمراء: خوش خليه هسة واخبزني بعدين
عض اصابيعة بقهر ورجع يتحلف :
- بسيطة بسيطة إذا ما شگيت حلگج هذا لسانج إذا ما ابترة الچ تفرعنتي كلش شفتيني ساكتلج بس بسيطة بسيطة بس خل اطلع ذيچ الچلبة منا إذا ما وريتچ شكلي الثاني فلا اتسمة عمار
أنت تقرأ
أغلال من نار
Romanceأظن ها قد حان الأوان لتشتعل النيران وتحرقنا رُبما علينا الآن أن نتهيأ للأغلال لِتُقيدنا باللّٰهِ عليكم يا أهل الأرض ألا تعترفوا بالغُفران ؟ ألم يكفي ما عانينا ! أنتَّ الذي جئتَ حبيباً لي هيا دعني وشأني لِماذا لم تُخبرني إنك ستصبح غُلاً لي إن...
